ATUL N. CHOTAI

a Writer

રામોલમાં રહેતા હિન્દુ ધોબી પરિવાર ૨૦૦ વર્ષથી તાજિયા કાઢે છે

કોમી એકતાના શ્રેષ્ઠ ઉદાહરણરૃપ ૧૧ પેઢીથી ચાલી આવતી આસ્થા

Hindu Family Tajiya

Hindu Family Tajiya

ભારતને બ્રિટિશ શાસનમાંથી આઝાદી અપાવા માટે ઘણા હિન્દુ-મુસ્લિમ પરિવારોએ એક સાથે મળી જંગ લડી હતી. આજે વર્ષોના વાણા વાયા પછી પણ આ કોમી એકતા વાતાવરણ ભારતમાં બુલંદ છે.  કોમી એક્તાનું આવું જ શ્રેષ્ઠ ઉદાહરણ રામોલમાં રહેતા હિન્દુ ધોબી પરિવારે પુરું પાડયું છે. જેમાં તેમની ૧૧ પેઢી (અંદાજે ૨૦૦ વર્ષ)થી  મિરઝાપુર ખાતે તાજિયા કાઢી રહી છે. કનોજીયા ધોબી પરિવારના બાબુભાઈ અને તેમની બહેન મુંગીબેન બન્ને સંતાનો સાથે મળી મિરઝાપુર ખાતે તાજિયા કાઢે છે. આ ભાઈ-બહેનની જોડી તાજિયા માટે રામોલથી સહપરિવાર સાથે દર વર્ષે મહોરમમાં મિરઝાપુર ત્રણ ખૂણીયા ખાતે આવીને તાજિયા નીકળે છે. તેમની આ કોમી એકતાની પ્રવૃતિમાં તમામ ધોબી પરિવારના યુવાનો પણ સાથે જોડાઈને તાજિયામાં જોડાય છે. બાબુભાઈ શીવનારાયણ નામના તાજિયાને મુસ્લિમ બિરાદરો દ્વારા પણ ખૂબ માન- સન્માન આપવામાં આવે છે. આ હિન્દુ તાજિયાને જુલુસમાં કોમી એક્તાનું પ્રતિક માની તેમના તાજિયાને પ્રથમ નંબરમાં રાખી સૌથી આગળ રાખવામાં આવે છે. મહોરમના દિવસને ઈમામ હુસૈને જે સહાદત વહોરી હતી તે સહાદતને યાદમાં મનાવવામાં આવે છે. એવું લોકવાયકા છે કે જો મહોરમમાં તાજિયા કાઢવાની માનતા રાખવામાં આવે તો ઈમામ હુસૈન તમારી પ્રાર્થના કબૂલ કરે છે. આ ધોબી પરિવાર પણ અંદાજે ૨૦૦ વર્ષ પહેલા પોતાની માનતા પુરુ થતા તાજિયા કાઢ્યા હતા. આસ્થાનું ઝરણું આજે પણ ધોબી પરિવારે કાયમ રાખ્યું છે.

Advertisements

Comments are closed.