ATUL N. CHOTAI

a Writer

સોમનાથમાં ભિક્ષુક પોતાને મળેલી ભીખમાંથી કુતરાઓને જમાડે છે

Surendrabhai Vankar - Somnath

Surendrabhai Vankar – Somnath

સામાન્ય રીતે જીવનમાં બે પ્રકારના ભીખારી હોય છે. એક તો નાણાંથી ભીખારી અને બીજો જીવનો ભીખારી. પોતાની પાસે પૈસા, સમૃધ્ધિ બધુ હોય, પરંતુ જીવ સારો ના હોય એટલે બીજાના માટે જ નહીં પોતાના માટે પણ પૈસાનો ઉપયોગ કરી શકે નહીં. જો કે સોમનાથમાં એક જુદા પ્રકારનો ભિક્ષુક લોકોના આકર્ષણનું કેન્દ્ર બન્યો છે. તે આમ તો નાણાંથી ભીખારી છે, પરંતુ તેનો જીવ જાણે શ્રીમંત હોય તેમ પોતાને ભિક્ષાવૃત્તિથી મળેલા નાણાં શેરીના રખડતા કુતરાઓ પાછળ ખર્ચી નાખે છે.

સુપ્રસિધ્ધ યાત્રાધામ સોમનાથ ખાતે ગાંધીનગર પંથકના ભિક્ષુક વૃધ્ધ દ્વારા અબોલ જીવોની થઇ રહેલી સેવાથી દર્શનાર્થે આવતા ભાવીકો પણ દંગ રહી જાય છે. મૂળ ગાંધીનગર જીલ્લાના માણસા તાલુકાના લોદ્રા ગામના વતની અને સોમનાથ મહાદેવ મંદિર પાસે ભિક્ષા માંગતા સુરેન્દ્રભાઇ સેંધાભાઇ વણકર (ઉ.વ.૬૦) દરરોજ સવાર અને સાંજે મંદિર નજીકના વિસ્તારમાં રખડતા ગલુડીયા, કુતરાઓને દુધ, બીસ્કીટ, કેળા સહિતની ચીજવસ્તુઓ ખવરાવી જીવદયા કાર્ય કરી રહયા છે.  તેવી જ રીતે દરરોજ દુધ, બિસ્કીટ, કેળા ખાઇ પાલતુ બની ગયેલા શ્વાન, ગલુડીયા સહિતના અબોલ જીવો  રાત્રે પણ તેની સાથે સુતા જોવા મળે છે. શરીરે અપંગ અને લાકડાની ઘોડીના સહારે ચાલતા આ વૃધ્ધની સેવાભાવી પ્રવૃતિના આ ભિક્ષુક વૃધ્ધ માંગી માંગીને થતી આવક અબોલ જીવો પાછળ વાપરી મનોમન ખુશી અનુભવે છે.  તસ્વીરમાં ગલુડીયાને દુધ પાતા ભિક્ષુક વૃધ્ધ દર્શાય છે..  (તસ્વીરઃ દેવાભાઇ રાઠોડ – કાજલી)

Advertisements

Comments are closed.