ATUL N. CHOTAI

a Writer

ગુજરાતનું આ ગામ દિવંગતોના આત્માની શાંતિ માટે દરરોજ ભજન કરે છે

Sultanpur Bhahan Mandli

Sultanpur Bhahan Mandli

રાજકોટઃ આજના ટેકનીકલ યુગમાં માનવી પાસે સમયનો અભાવ જોવા મળી રહ્યો છે. રૂપિયા કમાવાની લાલચ પાછળ લોકો આંધળી દોડ મુકી રહ્યા છે. ત્યારે ગોંડલ તાલુકાના સુલતાનપુર ગામમાં રામદેવ ધૂન મંડળના યુવાનો દિવસે તનતોડ મહેનત કરી રાત્રે ગામના દિવંગત આત્માની શાંતિ માટે સત્સંગ, ધૂન અને ભજનના કાર્યક્રમો યોજે છે. ભજનના કાર્યક્રમમાં એકઠા થયેલા રૂપિયા મુંગા પશુ-પંખીઓ તથા ગરીબ લોકોને ભોજન કરાવી પુણ્યનું ભાથુ બાંધી રહ્યા છે. ગામના દિવંગત આત્માને સદગતી મળે તે માટે રામધૂન કરી ધાર્મિક વાતાવરણ અને ધર્મના વિચારો ફેલાવી એકતા અને ભાઇચારો ફેલાવવાનો પરમાર્થ કરી રહ્યા છે. આજના ફાસ્ટ યુગમાં મોબાઇલ-કોમ્પ્યુટરમાં વ્યસ્ત રહેતા યુવાનો જોવા મળી રહ્યા છે. ત્યારે સુલતાનપુર ગામના આ યુવાનોની સેવાકીય કરતા હોવાથી તેમને નમસ્કાર કરવાનું મન થાય. યુવાનો ગાયો માટે ચારો, પંખીઓ માટે ચણ તથા અનાથ, વિકલાંગ અને મંદબુધ્ધિના બાળકો માટે ફંડ એકત્ર કરે છે. તેમજ ગરીબ લોકોને પણ આથ4ઇક રીતે મદદ કરી રહ્યા છે. સુલતાનપુર ગામમાં કોઇ વ્યક્તિનું મોત નિપજે તો સ્વર્ગસ્થના ઘરે જઇને પરિવારજનોને શાંતિ અને આશ્વાસન મળે તે માટે રાત્રે રામધૂન કરે છે. યુવાનો દિવસે શારીરિક શ્રમ કરે અને રાત્રે સત્સંગ કરી મનની શાંતિ મેળવે. દરેસ ગામમાં મંડળો હોય પરંતુ સુલતાનપુરનું આ ધૂન મંડળ આજના યુવાનો અને સમાજને નવી રાહ ચિંધે છે. આજની નવી પેઢીને પતનની ગતિમાં ધકેલાઇ જતી રોકવાનો એકમાત્ર ઉપાય સદાચારના વિચારો છે. જે રામદેવ ધૂન મંડળના યુવાનો કરી રહ્યા છે. આખા વર્ષ દરમિયાન મંડળ દ્વારા જે કંઇ ફંડ એકત્ર થાય તે અનાથ આશ્રમમાં બ્લેન્કેટ તથા મિઠાઇનું વિતરણ કરી વાપરે છે. તેમજ મંદબુધ્ધિ ધરાવતા લોકોની દર વર્ષે મુલાકાત લે છે. તેમજ ગૌશાળાઓમાં ઘાસચારો પણ યુવાનો પહોંચાડે છે.  તસવીર : કમલેશ રાવરાણી – સુલતાનપુર

Advertisements

Comments are closed.