ATUL N. CHOTAI

a Writer

રેલવેમાં બાળ ગુનેગારોને રોકવા માટે પ્લૅટફૉર્મ સ્કૂલનો નવતર પ્રયોગ

મુંબઇ: રેલવેમાં સ્ટેશનના પરિસર તથા ટ્રેનમાં મોબાઇલ, ચેન અને પાકીટની ચોરી-લૂંટફાટ સહિત અન્ય કિસ્સામાં બાળ ગુનેગારની સંખ્યાનું પ્રમાણ વિશેષ જોવા મળતું હોય છે, પરંતુ ગુનાખોરીની દુનિયાથી બાળકોને દૂર રાખવા માટે સ્કૂલની દિશા બતાવીને મુંબઇ પોલીસે ડૂબતાને તરણું આપ્યું હોવાનું કહી શકાય. સામાજિક સ્વૈચ્છિક સંસ્થા અને જીઆરપીના ઉપક્રમે ‘પ્લૅટફૉર્મ સ્કૂલ’માં ભૂલ્યા ભટક્યા બાળકની સાથે નિર્દોષ બાળકનું એડમિશન આપવામાં આવે છે. છેલ્લા બે વર્ષમાં ૨૦૧૩ ની તુલનામાં ૨૦૧૪ માં બાળ ગુનેગારના કિસ્સા ઘટ્યા છે અને  કેટલાક કિસ્સાઓમાં નિર્દોષ બાળક તથા અનાથ બાળકને સ્કૂલમાં એડમિશન આપીને તેમને સાચી દિશામાં વાળવાનો પ્રયાસ કર્યો છે. સામાજિક સ્વૈચ્છિક સંસ્થા અને રેલવે પોલીસના સંયુક્ત પ્રયાસથી ચૌદમી નવેમ્બર, ૨૦૧૪ માં આ પ્લૅટફૉર્મ સ્કૂલનું નિર્માણ કર્યું હતું જયારે સ્કૂલ શરૂ કરી ત્યારે સંસ્થામાં ૩૦ બાળકને રાખવામાં આવતા હતા. અમુક કિસ્સામાં ઘરેથી નાસીને મુંબઇ પહોંચનારા બાળકોની સંખ્યા વધારે રહેતી હોય છે. વર્ષ ૨૦૧૩ અને ૨૦૧૪માં રેલવે સ્ટેશનમાં મોબાઇલ ચોરી, ચેન ચોરી, પાકીટની ચોરી વગેરે કિસ્સામાં બાળ ગુનેગારની કુલ સંખ્યા ૨૩૦ થી વધુ નોંધાઇ હતી એવું જીઆરપીના સાધનોએ જણાવ્યું હતું. હાલમાં સ્કૂલમાં ૧૧ જેટલા બાળકને શિક્ષણ આપવાથી લઇને તેમના ઉછેરની જવાબદારી સંસ્થાએ ઉપાડી છે, પરંતુ તેમને ઉછેરવાનો ઉદ્દેશ ફક્ત બાળકોને સાચી દિશામાં દોરી જવાનો છે. રેલવે સ્ટેશનના પરિસરમાં ચોરીના વધતા કિસ્સામાં બાળકોને વિશેષ દોરવતા જોવા મળ્યા છે. આઇપીસી ૩૭૯, ૩૯૨ ના વિશેષ કિસ્સા નોંધાયા હતા જ્યારે ૩૫૪, ૫૦૯, ૩૧૮, ૪૦૬ તથા ૩૨૪ અન્વયે એકલ દોકલ બનાવ બન્યા હતા આમ બે વર્ષમાં બાળ ગુનેગારના કિસ્સા મધ્ય રેલવેમાં થાણે રેલવે સ્ટેશન, સીએસટી તથા પચ્છિમ રેલવેમાં વસઇ અને બોરીવલી રેલવે સ્ટેશને વધુ જોવા મળ્યા હતા

Advertisements

Comments are closed.