ATUL N. CHOTAI

a Writer

સુરતની લારીઓ પણ હવે હાઈટેક બની ગઈ છે

High Tech Office in Road

High Tech Office in Road

સુરત : સુરતમાં કોઈ પણ વ્યવસાય કરવો હોય તો ઓફિસ કે શોપ અપટુડેટ જોઈએ તે વાત કેટલાક લારીવાળાઓ ખોટી સાબિત કરી રહ્યાં છે. સુરતના કેટલાક વિસ્તારમાં એવી લારીઓ છે જે લારીઓ રોડ પર ઉભી રહેતી હોવા છતાં એક ઓફિસમાં હોય તેવી મોટાભાગની આધુનિક સુવિધાઓ છે. આ લારીઓ પર કમ્પ્યુટર, પ્રિન્ટર અને કુલર જેવી સુવિધા જોવા મળી રહી છે આ ઉપરાંત કેટલીક સરકારી કચેરીઓ પર ફોર વ્હીલરમાં ઝેરોક્ષ અને લેમિનેશન કરવા માટેનો વ્યવસાય પણ ધમધમી રહ્યો છે. ઔદ્યોગિક શહેર તરીકેની ઓળખ મેળવી ચુકેલા સુરતમાં કોઈ પણ બિઝનેસ કરવો રમતની વાત બની ગઈ છે કોઈપણ બિઝનેસને અનુકુળ આવતાં સુરત શહેરમાં રોટલો મળે પણ ઓટલો ન મળે તેવી મારામારી જગ્યા માટે થઈ રહી છે. રિયલ એસ્ટેટમાં દુકાનો અને ઓફિસના એટલા ભાવ ઉંચા છે કે સામાન્ય માણસ માટે દુકાન કે ઓફિસ લેવું મુશ્કેલ બન્યું છે પરંતુ કેટલાક લારીવાળાઓ હવે હાઈટેક બની ગયાં છે જેના કારણે અનેક લારીઓ હરતી -ફરતી શોપ બની ગઈ છે શહેરના કેટલાક વિસ્તારમાં લારીઓ પર મોબાઈલ એસેસરીઝ, સેકન્ડ મોબાઈલ, સીડી, ડી.વી.ડી., પેન ડ્રાઈવ, મેમરી કાર્ડ, ઉપરાંત અનેક ઈલેટ્રોનિક્સ આઈટમનું વેચાણ થઈ રહ્યું છે. આ લારીઓ ભલે રસ્તા પર ઉભી રહેતી હોય પરંતુ લારીઓ પર ઓફીસ જેવી સુવિધા જોવા મળી રહી છે. વરાછાના કેટલાક વિસ્તારમાં લારીઓ પર લેપટોપ, સ્કેનર, કમ્પ્યુટર સાથે પ્રિન્ટર પણ જોવા મળી રહ્યાં છે.

Advertisements

Comments are closed.