ATUL N. CHOTAI

a Writer

ટંકારાના ડો.દયાળમુનિએ 4 વેદો ના 7,68,000 શબ્દોનો આઠ ભાગમાં ગુજરાતી અનુવાદ કર્યો

1 Comment

Dr. Dayaljibhai Parmar - Tankara

Dr. Dayaljibhai Parmar – Tankara

ટંકારાઃ જીવનની સંધ્યાએ પહોંચેલા 81 વર્ષીય ડો.દયાળમુનિએ સતત વર્ષ સુધી દરરોજ 10 કલાક કામ કરી ચાર વેદના 20,500થી વધુ શ્લોકોના 7,68,000થી વધુ સંસ્કૃત શબ્દોનો સામાન્ય નાગરિક પણ સમજી શકે તેવી સરળ ભાષામાં ગુજરાતી અનુવાદ કર્યો છે. તેઓએ અનુવાદના આઠ ભાગ તૈયાર કર્યા છે જેમાંથી 6 ભાગ તૈયાર થઇ ગયા છે. મૂળ ટંકારાના સામાન્ય દરજી પરિવારમાં જન્મેલા દયાળજી માવજી પરમાર નામના છાત્રને ટંકારામાં દયાનંદ સરસ્વતીના આર્ય વિચારો પ્રત્યે લગાવ હોવાથી આર્યસમાજમાં જોડાયા હતા સંસ્કૃત શીખવા માટે તેલના દીવાના અજવાળે મધરાત સુધી જાગી તેઓ આર્યભાષામાં પારંગત બન્યા હતા 15 વર્ષની ઉંમરથી તેઓને વાંચનની ભૂખ એવી જાગી કે તેઓ ભોજન કરવાનું પણ ભૂલી જતા હતા. આજે 81 વર્ષની જૈફવયે પહોંચેલા દયાળજીભાઇએ પોતાના ઘરમાં વસાવેલી લાઇબ્રેરીમાં અલભ્ય પુસ્તોકોનો ભંડાર ભર્યો છે. દરજીકામનો પૈતૃક વ્યવસાય છોડીને તેઓએ સંસ્કૃત અને આયુર્વેદનો અભ્યાસ શરૂ કર્યો સમય જતા તેઓએ જામનગર આયુ.યુનિ.માં આયુર્વેદાચાર્યની ડિગ્રી મેળવીને ત્યાં તેઓએ કર્મભૂમિ બનાવી હતી 51 પુસ્તકો લખનાર ડો.દયાળમુનિએ માત્ર 20 વર્ષની ઉંમરે મહાભારતથી લઇ મહર્ષિ દયાનંદ સરસ્વતી સુધીના સમયમાં થયેલા ધાર્મિક આંદોલન વિશેનું પુસ્તક મહાભારતથી લઇને મહર્ષિ દયાનંદ તૈયાર કરી સ્વખર્ચે પ્રકાશિત પણ કર્યું હતું. (તસવીરઃ હર્ષદ ત્રિવેદી – ટંકારા)

Advertisements

One thought on “ટંકારાના ડો.દયાળમુનિએ 4 વેદો ના 7,68,000 શબ્દોનો આઠ ભાગમાં ગુજરાતી અનુવાદ કર્યો

  1. Could you please let me know titles of these books and from where to purchase? Thank you!

    Like