ATUL N. CHOTAI

a writer – since 2014


હોસ્પિટલના કામ માટે રાજકોટ આવતા વ્યક્તીઓને રહેવા – જમવાની સગવડતા

(નિલેષ ઠક્કર- મુંબઈ) કોઈપણ કારણસર કોઇપણ વ્યકતિને રાજકોટ સીવીલ હોસ્પિટલ જવુ પડે તેમ હોય અને હોસ્પીટલના કામથી ત્યા રોકાવુ પડે તેમ હોય તો આપને સિવિલ હોસ્પિટલની નજીકમાં જ સાવ નજીવા દર થી બોલબાલા ચેરીટેબલ ટ્રસ્ટ સંસ્થા રહેવા તેમજ જમવાની સેવા આપી રહી છે. તો આ સેવાનો લાભ દરેક જરૂરીયાતમંદ અવશ્ય લઈ શકો છે. માત્ર ૧૦ રૂપીયામાં પ્રતિ એક વ્યકતિને જમવાનુ મળશે અને માત્ર ૧૦ રૂપીયામાં પ્રતિ બે વ્યકતિને રહેવા મળશે. ઉપરોકત તમામ સેવાઓનો લાભ લેવા માટે પથીકાશ્રમ, હોટલ ધ ગ્રાન્ડ ઠાકરની સામે, જયુબેલી ચોક, રાજકોટ ફોન નંબર ૦૨૮૧-૨૨૪૩૦૦૦ તથા ૦૨૮૧-૨૨૩૭૦૦૦ ઉપર સંપર્ક કરવો. (૧) દર્દી સાથે રહેનાર વ્યક્તિઓના નામો (૨ ) ડૉક્ટરનો ભલામણ પત્ર (૩) દર્દીનું તેમજ સાથે રહેનારનું આધાર કાર્ડ ઓરીજીનલ અને ઝેરોક્ષ સાથે રાખવું હિતાવહ છે.

તો આપ સહુ આ મેસેજ શકય હોય એટલો બીજા લોકોને પહોંચાડો કદાચ તમારા હાથથી મોકલાવેલ આ મેસેજ કોઈ જરૂરીયાતમંદ સુધી પહોચે અને તમારા કારણે આ સેવાનો લાભ લઈ શકે અને એ સેવાનો લાભ તમને મળે એટલે તેમના અંતરના આશિર્વાદ પણ તમને મળી જાય… medial patient residence and food facility in very reasonable rate. this social activities in rajkot near civil hospital

Advertisements


દ્વારકામાં માત્ર એક રૂપિયાના ટોકન ચાર્જથી લગ્ન કરાવાય છે..

દ્વારકામાં રઘુવંશી સોશિયલ ગ્રૂપ જલારામ મંદિર ટ્રસ્ટ દ્વારા હરહંમેશ કરાતી સમાજ ઉપયોગી રચનાત્મક પ્રવૃત્તિઓમાં આશરે પાંચેક વર્ષ પહેલા કાળઝાળ મોંઘવારીમાં માતા પિતાને દિકરી બોજ ન લાગે તે હેતુથી સંસ્થા દ્વારા શરૂ કરાયેલી માતુ વિરબાઇમાં આદર્શ લગ્નવિધિ જેમાં માત્ર એક જ રૂપિયામાં લગ્ન કરવામાં આવે છે. જે ખૂબ જ પ્રશંસનીય સેવાકાર્ય છે. જેમાં કન્યાની અનુકુળ તારીખે લગ્ન કરી આપે છે અને સાથે ગોર મહારાજ, મંડપ ખર્ચ, દીકરીને ચૌદ હજાર રુપીયા જેટલો કરિયાવર તેમજ બંને પક્ષોના થઇ કુલ ૭૦ માણસોને બે મિષ્ટાન અને ભોજન ખર્ચ સંસ્થા દ્વારા આપે છે. જ્યારે કન્યા પક્ષ પાસેથી રજિસ્ટ્રેશન ફી પેટે માત્ર એક રૂપિયો ટોકન લેવાય છે. social activits and matrimonial and marriage activities for lohana samaj by raghuvanshi in gujarat rajkot porbandar dwarka


વિશ્વ પૃથ્વી દિન નિમિતે પૃથ્વી પરના પર્યાવરણ અંગે જાગૃતિ કેળવીને તેને બચાવીએ..

:: સંકલન ::
સોનલ જોષીપુરા
પ્રાદેશિક માહિતી કચેરી,
જયુબેલી બાગની અંદર,
રાજકોટ – ૩૬૦ ૦૦૧

ગ્લોબલ વોર્મિંગ, સમુદ્રમાં ઢોળાતું તેલ, ભુગર્ભ જળની અશુધ્ધિઓ, જંતુનાશકો, જમીનમાં ઉમેરાતા ઝેરી રસાયણો, જંગલનું ઘટતું પ્રમાણ, થર્મલ અને એટોમિક પાવર પ્લાન્ટસ, આ બધી આડઅસરોને લીધે પૃથ્વી અને તેના પર્યાવરણને થતા નુકસાન પ્રત્યે જાગૃતિ કેળવવા માટે સમગ્ર વિશ્વમાં ૨૨ મી એપ્રિલના દિવસને વિશ્વ પૃથ્વી દિન તરીકે ઉજવવામાં આવે છે. આ દિવસ ઉજવવાની શરુઆત કેવી રીતે થઇ તે જોઇએ તો ઇ.સ. ૧૯૭૦ માં યુનાઇટેડ નેશન્સ દ્વારા એક ઠરાવ પસાર કરવામાં આવ્યો જેમાં ૨૨ મી એપ્રિલના દિવસને વિશ્વ પૃથ્વી દિવસ તરીકે ઉજવવાનું નિયત કરાયું હતું. એ અગાઉ ૧૯૬૯ સુધી ૨૦ મી માર્ચ એટલે કે ઇકવીનોકસના દિવસે વિશ્વ પૃથ્વી દિવસ’ ઉજવવામાં આવતો હતો. ઇકવીનોકસના દિવસે સમગ્ર પૃથ્વીના કોઇપણ સ્થળે દિવસ અને રાતની લંબાઇ એક સરખી હોય છે. વોશિંગ્ટન ડી.સી.માં પર્યાવરણ અંગે જાગૃતિ કેળવવા માટે સેનેટર ગેલોર્ડ નેલ્સને વિશ્વ પૃથ્વી દિનને ૨૨ મી એપ્રિલે ઉજવવાનો પ્રસ્તાવ મુકયો હતો, જેને યુનાઇટેડ નેશન્સના જનરલ સેક્રેટરી યુ થાન્ટે ટેકો જાહેર કરતાં આ ઉજવણી વિશ્વવ્યાપી બની છે.

૨૨ મી એપ્રિલના દિવસે અમેરિકામાં જાપાનીઝ શાંતિ ઘંટ વગાડવામાં આવે છે. આ ઘંટ જાપાની પ્રજાએ અમેરિકાની પ્રજાને વિશ્વ શાંતિ માટે ભેટ આપ્યો હતો. સમગ્ર વિશ્વમાં પૃથ્વી તથા તેના પર્યાવરણની જાગૃતિ માટે વિવિધ કાર્યક્રમો આ દિવસે યોજાય છે. પર્યાવરણીય જાગૃતિ કેળવવા સમગ્ર વિશ્વના ૧૭૪ દેશોમાં ૧૭ હજાર સંસ્થાઓના ૫૦૦ જુથો પર્યાવરણીય જાગૃતિના કાર્યક્રમો ચલાવે છે. ભારતમાં પણ પર્યાવરણ અંગેની ખાસ ઝુંબેશ વિશ્વ પૃથ્વી દિવસ નિમિત્તે ચલાવવામાં આવે છે. વધુ વૃક્ષો વાવવા, ઓછુ પ્રદુષણ ફેલાવવું, સમુદ્રમાં તેલ ન ઢોળવું, જમીનમાં જંતુનાશકો અને ઝેરી રસાયણો ન ઠાલવવા, અણુમથકોનો મર્યાદિત ઉપયોગ કરવો, વગેરે બાબતો થકી જ પૃથ્વીનું સંરક્ષણ કરી શકાશે. સમગ્ર બ્રહ્માંડમાં એક માત્ર પૃથ્વી ગ્રહ પર જ જીવન શકય છે ત્યારે પૃથ્વી પરનું આ જીવન આબાદી અને ઉન્નતિથી ભર્યું ભર્યું રહે, તે જોવાની દરેક પૃથ્વીવાસીની ફરજ છે અને આ ફરજ પૃથ્વીને બચાવવાથી જ નિભાવી શકાશે. વિશ્વ પૃથ્વી દિન ના રોજ બધા પૃથ્વીવાસીઓ પૃથ્વી પરના પર્યાવરણને બચાવવાનો સંકલ્પ કરે તો જ વિશ્વ પૃથ્વી દિન ની ઉજવણી સાર્થક થઇ ગણાશે.


મૂંગા પશુઓ માટે ખોરાક અને પાણીની વ્યવસ્થા કરાય છે

animal help

animal help

કચ્છમાં ઉનાળાના દિવસોમાં જયારે ગરમીએ પણ  ડેરા તંબુ તાણ્યાં હોય છે ત્યારે ભારત-પાકિસ્તાન વચ્ચેની આંતરરાષ્ટ્રીય ભૂમિ સીમા પાસેના કચ્છના લખપત તાલુકાના માતાના મઢથી નારાયણ સરોવર વચ્ચેના ૧૫ થી ૨૦ કિલોમીટર સુધીના રણ પ્રદેશ જેવા વિસ્તારમાં જ્યાં દૂર દૂર સુધી અનાજ તો ઠીક પણ પાણીનું ટીપું શોધવું પણ મુશ્કેલ બની જાય છે. આમ તો આ રસ્તો ટ્રાફિકવાળો છે એટલે રોજની લગભગ ૧૦ જેટલી એસટી બસ અને ૪ થી ૫ લોકલ ટ્રાવેલ્સ ચાલુ હોય છે ત્યાં રહેતા વન્ય પક્ષી, કૂતરાં અને ગાયો માટે આ સ્થળે બસોવાળા રોજ પોતાના ઘરેથી પાણીના કેન અને ખોરાક લાવે છે. જેથી કરીને ત્યાં બીહડમાં વસતાં પ્રાણીઓ ભૂખ અને તરસથી મૃત્યુ ના પામે. આજના આ સમયમાં માણસ પોતે માણસનું નથી વિચારતો ત્યાં આ લોકો અબોલ જીવો માટે આટલી લાગણી ધરાવે એ જોઈને એટલું સમજાયું કે માનવતા હજી મરી નથી..


ચકલી કદમાં ભલે નાનકડું પંખી હોય પણ તેની વિશેષતાઓ ઘણી મોટી છે..

save sparrow

save sparrow

શહેરી પક્ષી ગણાતી ચકલી છેલ્લા એક દાયકાથી લુપ્ત થતી જાય છે. ખાસ કરીને મોબાઈલના આગમન પછી અને શહેરી વિસ્તારના મકાનોની બાંધણીમાં ફેરફાર થયા પછી ઘરે ઘરમાં ચિચિયારી કરતી ચકલી જોવી દુર્લભ થતી જાય છે. સામાન્ય રીતે ઘરની અંદર, વેન્ટીલેશનમાં, ખૂણે ખાંચરે ગોખલામાં અને મોટા ભાગે ટ્યુબ લાઈટ ઉપર માળો બાંધતી ચકલી હવે જોવા મળતી નથી.. એક સર્વેક્ષણ પ્રમાણે પાછળ એક વર્ષમાં શહેરી વિસ્તારમાં ચકલીની સંખ્યામાં ૩૦% જેટલો ભારે ઘટાડો નોંધાયો છે. ચકલીની સંખ્યા ઘટવા પાછળનું એક કારણ ખોરાકની અછત પણ મનાય છે. બગીચામાં મોટા પ્રમાણમાં કિટનાશકોનો ઉપયોગ થવાથી પણ ચકલીઓને પૂરતો ખોરાક મળતો નથી. ઉપરાંત ખુલ્લી ઘાસવાળી જમીનનું ઘટતું પ્રમાણ, વધતું જતું તાપમાન વગેરે પણ આ માટે વત્તા ઓછા અંશે જવાબદાર છે.

એક સમયે કાબર જે પ્રકારે ખોરાક મેળવાતી હતી તે હાલત હાલ ચકલીની થઇ ગઇ છે. સિગારેટના ઠુંઠિયા વચ્ચે ખોરાક શોધતી ચકલીની વ્યથાને કોણ સમજશે..?? જો આ સ્થિતિ ચાલુ રહે તો બાળકોને આવનારા દિવસોમાં માત્ર ચિત્રો અને તસવીરોમાં જ ચકલી જોવા મળે તેવી દહેશત ઉભી થઈ છે. આથી તો આ પંખીને બચાવવા માટે ગંભીરતાથી વિચારાઈ રહ્યું છે અને જન જાગૃત્તિના હેતુથી પ્રતિ વર્ષ ૨૦ માર્ચ વિશ્વ ચકલી દિવસ તરીકે ઉજવણી થાય છે. માળો બાંધવાની અણઆવડત અને દુશ્મનોની હેરાનગતિને કારણે ચકલીઓની સંખ્યા ઉતરોતર ઘટી રહી છે

માનવ વસ્તીની સાથે વસનારૃ આ નાનકડું પક્ષી તે ચકલી ઘર આંગણે, બખોલમાં, ગોખલામાં કે માટીના કુંડા જેવા માળામાં રહેનારૃ અને આખો દિવસ ચીં ચીં.કરી ઉડા ઉડ કરનારૃ અને વાતાવરણને જીવંત રાખનાર આ ચકલી વિશ્વ ચકલી દિવસ નિમિત્તે તેની ઘટતી સંખ્યાને કારણે વધુ યાદ કરવામાં આવે છે. ૨૦ મી માર્ચ એટલે પર્યાવરણની સમતુલા જળવાઇ રહે અને તેનું જતન થાય અને પ્રકૃતિ સાથે પોતાના અસ્તિત્વને જાળવવા સતત ઝઝૂમતાં આ નાનકડા પક્ષીને બચાવવા ૨૦ માર્ચનો દિવસ ચકલી બચાવો અભિયાન તરીકે વિશ્વભરમાં ઉજવવામાં આવે છે.

ગુજરાતના સ્પેરોમેન તરીકે જાણીતા જગતભાઈ કિનખાબવાલાએ પોતાના શબ્દોમાં જણાવેલ કે અત્યારે થઈ રહેલા ગ્લોબલ વોર્મિંગને કારણે ભવિષ્યની આપણી પેઢી પાસે પાસબુકમાં તો બેલેન્સ હશે, પણ શ્વાસબુકમાં પૂરતા શ્વાસ નહીં હોય. પર્યાવરણને આપણી જરુર નથી પણ આપણે તેની જરુર છે અને એટલે આપણે આપણા સ્વાર્થ માટે પર્યાવરણના હિતમાં કામ કરવું પડશે.

સૌ પ્રથમ વખત જયારે વર્લ્ડ હાઉસ સ્પેરો ડે તરીકે ઉજવવામાં આવ્યો ત્યારે આપણને એમ થાય કે ભલા ચકલાના તે કાંઈ દિવસ ઉજવવાના હોય..?? ચકલીમાં તે વળી નવું શું છે..?? ચકલાં, ચકલી, ચકીબેન કે હાઉસ સ્પેરો એ ફક્ત આપણાં દેશનું જ નહીં પણ વિશ્વભરમાં સૌથી વધુ જોવા મળતું અને માનવ વસ્તી સાથે હળી ભળી ગયેલું સૌથી સામાન્ય પક્ષી ગણાય છે. એક સમયે વિશ્વનું સૌથી સામાન્ય અને ટોળાબંધ જોવા મળતું આ નાનકડું પંખી આજે જીવન સંઘર્ષ માટે ઝઝુમી રહ્યું છે અને કમનસીબે હારી રહ્યું છે.. વિશ્વભરમાં અને ખાસ કરીને ભારતમાં પણ ચકલીઓની સંખ્યા ખૂબ ઝડપથી ઘટી રહી છે. જો તેમને બચાવવા માટે આપણે કંઈ નહીં કરીએ તો આ ચકલીઓ ખૂબ ઝડપથી સદાને માટે લુપ્ત થઈ જશે.. ચકલી કદમાં ભલે નાનકડું પંખી હોય પણ તેની વિશેષતાઓ ઘણી મોટી છે.

ચકલીના ઘરને ગમે ત્યાં અથવા વૃક્ષો ઉપર મુકી દેવાથી કે આ માળાઓ લટકાવી દેવાથી ચકલી ક્યારેય સફળતાપૂર્વક માળો બાંધીને રહી શકતી નથી. કારણકે તેના દુશ્મનો ખાસ કરીને નાની મોટી કાબરો, પુંછડીવાળો મોટો કાબર (ટ્રાઇપોટ), નાના બાજ પક્ષીઓ તેમજ રાત્રિના સમયે બિલાડી ચકલીના ઇંડા, બચ્ચા તેમજ માળાને રફેદફે કરીને બધી મહેનત નકામી કરી દે છે. એક સમયે આ ચકલીઓના ઝુંડ ચીં ચીં કરતાં જોવા મળતાં હતાં. આજે આ ચકલી પોતાના અસ્તિત્વ ઉપરના ખતરા સાથે જંગ ખેલી રહી છે. થોડા વર્ષો પહેલા મકાનોની એવી વ્યવસ્થા હતી કે ચકલી ઘરમાં સરળતાથી આવ જા કરી શકતી હતી. પરંતુ ઘરમાં છબીઓ ટીંગાળવાની તેમજ પાટીયા ઉપર ઉંધા વાસણો મુકવાની પ્રથા કાળક્રમે બદલાઇ જતાં અને નવા મકાનોમાં ચુસ્ત બારી બારણાંની ડીઝાઇનના કારણે ચકલીઓને ફરજીયાત ઘરની બહાર નીકળી જવું પડયું અને બહાર ગમે ત્યાં માળો બાંધવાની નોબત આવતાં પોતાની અણઆવડતના કારણે અને દુશ્મનોની સતત હેરાનગતિને કારણે બહુ ઓછી સંખ્યા ચકલીઓની વસ્તી રહેલા પામી છે.

આ અંગે એક પક્ષીપ્રેમીએ જણાવ્યું હતું કે ચકલી બચાવો અભિયાનના વ્યક્તિગત કે સંસ્થાઓના પ્રયાસો પ્રશંસાને પાત્ર છે. ચકલીના માળાઓ થોડો યોગ્ય માર્ગદર્શન હેઠળ સુરક્ષીત જગ્યાએ એટલે કે પોતાના ઘરની ઓસરી જ્યાં કાટખૂણો પડતો હોય તેવી થોડી ઊંચી જગ્યામાં આ કુંડાના કે પુંઠાના માળા મુકવામાં આવે તો ત્યાં ચકલી અવશ્ય ત્યાં માળો બાંધશે. ઘરના લોકોની સતત અવર જવરના કારણે દુશ્મન પક્ષીઓ તેમજ બિલાડી દૂર રહેશે જેથી સલામત અને સુરક્ષીત ઘર મળતાં ચોક્કસ ચકલીઓની સંખ્યા વધશે અને ચકલી બચાવ અભિયાનનો ધ્યેય પણ સિધ્ધ થતાં વિશ્વ ચકલી દિવસ ની ઉજવણી પણ સાર્થક નિવડશે. આજના યુવાનો પરિવાર, મિત્રો સાથે કલાકો સુધી સ્માર્ટફોન ઉપર વ્યસ્ત રહે છે પણ પ્રકૃતિ માટે વોટસઅપ કે ફેસબુકમાં થોડો સમય આપી તેને બચાવવા અને તેની માવજત થાય તેવા નાના મોટા ઘણા કિમિયાઓ જેવા કે માટીના કુંડા, પુંઠાના ઘર કયાં કેવી રીતે સલામત અને સુરક્ષીત મુકવા તેનો પ્રચાર કરે તો પણ ઘણી જાગૃતિ આવી શકે અને પોતાના અસ્તિત્વના જંગ માટે લડતા નાનકડા પક્ષી માટે પણ આપણે ઘણાં ઉપયોગી થઇ શકીશું. તો ચાલો આપણે ચકલી બચાવવા માટે નાનકડો પ્રયાસ કરવાની શરૂઆત કરીએ..


પોરબંદરના પ્રાથમિક શાળાના શિક્ષકનો અનોખો સેવાયજ્ઞ..

parag joshi

parag joshi

: : સંકલન : :
જગદીશ ડી. ત્રિવેદી
સહાયક માહિતી નિયામક

પ્રાદેશિક માહિતી કચેરી,
જયુબેલી બાગની અંદર,

રાજકોટ – ૩૬૦ ૦૦૧

કવિ મકરંદ દવેની એક મશહૂર પંકિત છે. ગમતું મળે તો અલ્યા ગુંજે ન ભરીયે, ગમતાંનો કરીએ ગુલાલ. અત્યારે લોકોમાં એવી માન્યતા છે માણસને ગમતું કામ મળી જાય કે ગમતી સરકારી નોકરી મળી જાય પછી લોકો પરિવાર સાથે એશ આરામની જીંદગીના સપના જોવા લાગે છે.  પરંતુ બધે જ એવું નથી બનતું.  કવિની કૃતિ મુજબ ગમતા કાર્યને સમાજમાં વહેંચીને મદદરૂપ થનારા પણ છે. કોઇને ગમતી નોકરી મળી જાય પછી વિશેષ સમાજ સેવા કરીને પ્રેરણાનું ઝરણું બનીને સેવાનો ભેખ ધરનારા પણ છે. નોકરીની સાથે ગમતું કામ શીખીને સમાજ સેવાની એક કેડી પોરબંદર જિલ્લાના પ્રાથમિક શાળાના શિક્ષકે કંડારી છે. આ શિક્ષકનું નામ છે પરાગ જોશી. શ્રી પરાગભાઇએ એવું તો શું કર્યું  કે આજે પોરબંદર જિલ્લાના શિક્ષકો અને વિધાર્થીઓમાં તેમનું નામ ગુંજતું થયું છે..??

પોરબંદર જિલ્લામાં સામાન્ય પરિવારમાં ઉછરેલા પરાગ હરિલાલ જોશીએ સાયન્સમાં સ્નાતક કર્યા પછી નકકી કર્યું હતું કે તેમને જો ગણિત- વિજ્ઞાનના શિક્ષકની નોકરી મળી જાય તો નોકરીની સાથે વિશેષ કામ કરવું છે. આ ઇચ્છા દ્રઢ મનોબળ અને મહેનતના અંતે પૂર્ણ થઇ. શ્રી પરાગભાઇને પ્રાથમિક શાળામાં સાયન્સ શિક્ષક તરીકે ગમતી નોકરી મળી ગઇ. કહેવાય છે કે જેને કામ કરવું જ છે તેને કામ મળી જાય છે. પરાગભાઇએ વિશેષ કામગીરી કરવાની પસંદગી પણ પ્રાથમિક શાળાઓને ધ્યાનમાં રાખીને કરી. તેમને જાણવા મળ્યું કે શાળાઓમાં કોમ્પ્યુટર બંધ પડે તો રીપેર કરવાની મંજુરીથી માંડીને ગામડામાં ટેકનીશ્યનને લઇ આવવામાં મુશ્કેલી પડે છે. એટલું જ નહિં  અંતરાય પડતા બાળકોની શીખવાની અને શિક્ષકોની શિખડવવાની કામગીરીમાં વિક્ષેપ પડે છે. બસ આ જ વાતે  પરાગભાઇને વિશેષ કામગીરી કરવાનો રસ્તો કાઢયો. બે મહિનામાં જ પરાગભાઇએ કોમ્યુટર રીપેર કરવાનું જ્ઞાન મેળવી લીધું. કોમ્પ્યુટર રીપેર કરવામાં જેવી ફાવટ આવી કે તુરંત તેમણે સરકારી શાળામાં સ્વખર્ચે  જઇ એક પણ પાઇ લીધા વગર વિધાર્થીઓ માટેના બંધ પડેલા કોમ્યુટર વિનામુલ્યે રીપેર કરી આપવાનો સેવાયજ્ઞ શરૂ કરી દીધો. એવો સેવાયજ્ઞ કે જે અવિરત ચાલતો  જ રહે. કર્મના નિજાનંદ વાળો સેવાયજ્ઞ.

પોરબંદર જિલ્લાના હાથિયાણી ગામે સુખપુર પ્રાથમિક શાળામાં ફરજ બજાવતા શ્રી પરાગભાઇની આ વિશેષ કામગીરીને આજે તો નવ વર્ષ થઇ ગયા છે. પરાગભાઇ તેમને મળેલી પ્રેરણા અંગે કહે છે કે મને ગામડાના વિધાર્થીઓને સાયન્સ અને મેથ્સ શીખવડાવવાની મજા આવે છે. આ ગમતા કાર્યની સાથે સાથે શાળાનો સમય પુરો કરીને હું જે શાળામાં કોમ્યુટર બંધ થયાનો કોલ આવ્યો હોય તે શાળામાં કોમ્યુટર રિપેર કરવા પહોંચી જાઉં છું. આજ દિન સુધીમાં જિલ્લાની ૧૦૦ પ્રાથમિક શાળાના ૧૦૦૦ થી પણ વધુ કોમ્યુટર રિપેર કર્યા છે.

પરાગભાઇ કહે છે સૌ પ્રથમ તેમણે ફેઇસ બુક પર એક પોસ્ટ શેર કરી તેમાં તેમણે એક ટેગ લાઇન લખી હતી નહિં ટીએડીએ ચાર્જ, નહિં સર્વિસ ચાર્જ, માત્ર અડધો કપ ચા સાથે પીને તમારૂ કોમ્યુટર થશે ફટાફટ રીપેર. આ સમાચાર જિલ્લામાં પ્રસરી જતા એકાંતરા અને કયારેક તો રોજ રોજ હું શાળાથી છૂટયા પછી કે પહેલા મારૂ બાઇક લઇને કોમ્યુટર રિપેર કરવા પહોંચી જાવ છું. પરાગભાઇ જે શાળાની મુલાકાત લે છે તે શાળાના શિક્ષકોને કોમ્યુટરર રિપેર કરવાની સામાન્ય સમજ પણ આપી દે છે. જેથી જે તે શાળા જાતે કોમ્પ્યુટર રીપેર કરતી થઇ જાય. સરકારશ્રી દ્વારા હવે શાળાઓમાં જ્ઞાનકુંજ ઇ- લર્નીગ પ્રોજેકટર પણ આવવા લાગ્યા છે. જેથી કોમ્યુટર વગર ચાલે તેમ નથી એટલે પરાગભાઇએ જિલ્લા શિક્ષણ અને તાલીમ ભવનમાં તેમનો આ પ્રોજેકટ પણ મુકયો છે. જેથી અન્ય શિક્ષકો પણ આ દિશામાં કામ કરી શકે.

બપોરની શાળા અને સવારે કે રજાના દિવસે કોમ્યુટર રીપેર કરવાની સર્વિસ તો પછી તમે પરિવારજનોને  કયારે સમય  આપો છો..?? એવું પુછતા પરાગભાઇએ હસીને કહયું કે મારા માતા અરૂણાબેન, પિતા હરિભાઇ અને પત્ની પૂજાબેનના સહકારથી જ હું આ વિશેષ સેવા કરી શકું છું. સવારથી જ ટાઇમ મેનેજમેન્ટ કરી લઇ છું પણ હું આ કામ કરૂ છું તેમાં મારા પરિવારજનો પણ ખુશ છું. સેવા કરવી હોય તો ઘણી બધી બાબતોનો ત્યાગ કરવો પડે અને હવે તો શાળા અને કોમ્પ્યુટરની સર્વિસ બન્ને કરૂ તો જ મજા આવે છે તેમ હર્ષ સાથે તેઓ જણાવે છે. ચુંટણી સબબ બી.એલ.ઓ તરીકે કે સાયન્સ શિક્ષક તરીકે જે ફરજ સોંપાઇ તે પણ પુર્ણ કરીને ઘણી વખત સાંજે પણ કામ કરીને બંધ કોમ્પ્યુટર રીપેર કરી નાંખું છું તેમ પણ જણાવ્યું હતુ.

પરાગભાઇના પત્ની પૂજાબેન કહે છે કે જયારે મારી સગાઇ થઇ ત્યારે જ મને કહેવામાં આવ્યું કે હું નોકરી પછી  સેવાનું આ એક બીજું કામ કરૂ છું. મારા જીવનમાં નવરાશની પળો ઓછી છે. આ વાતથી તો હું ખુશી થઇ. હું પણ એમના કામમાં મદદ કરૂ છું. પરાગભાઇના પિતા હરિભાઇ અને માતા અરૂણાબેન કહે છે કે અમારા ૧૫૦ વ્યકિતના કુંટુંબમાં કોઇને વ્યસન નથી. નવરૂ બેસવું નહીં અને ગમતું કામ કરવું અને તે કામ સૌને શીખડાવવું એવો અમારો સિંધ્ધાંત રહયો છે.  અનેક શાળાઓમાં કોમ્યુટર રીપેર થયા છે. એ એમાની એક શાળા આદિતપરા પ્રાથમીક શાળાના આચાર્ય શ્રી મનીષભાઇ બરેજાએ કહયું કે અમારી શાળાના કોમ્યુટર બંધ થયા ત્યારે તેઓએ રજાના દિવસે આવીને કામ કરી આપ્યું હતુ. આમ પોરબંદરના પરાગ જોશીની નોકરી સાથે તેમની આ વિશિષ્ટ સેવા તેમની ઓળખ બની છે. તેમની આ કામગીરીથી વિદ્યાર્થીઓ અને શિક્ષકો પણ પ્રેરીત થયા છે. (માહિતી બ્યુરો – પોરબંદર) porbandar teacher parag joshi free computer repairing service for schools social activities story by jagdish trivedi information department porbandar


Matrimonial Society of Samasta Brahma Samaj

Bhaskar Joshi - Veraval ( Somanath)

Bhaskar Joshi – Veraval (Somanath)

(Managed by Bhaskarbhai Joshi)
Matrimonial Society of Samasta Brahma Samaj

Welfare Society provides free of charge information for the youngsters of entire Brahmasamaj for 32 years. If you want to get bio-data and details of well-cultured boys or girls from entire Brahma-Samaj for your daughter or son regularly at your home through post, contact Matrimonial Society of Samasta Brahma-Samaj, serving for the welfare purposes without any intention of making profit and providing information free of charge for 32 years.

You will be provided complete information of this Society and Entry Form if you contact this Society on its telephone numbers and provide your full name & address during 11.00 to 1.00 in the morning time & 4.00 to 7.00 in the evening time. Without being a member of this Society & without spending a single paisa, you can personally get details of boys and girls well-suited for your daughter or son from entire Brahma Samaj from the above mentioned address of this Society during  11.00 am to 1.00 pm in the morning time and 4.00 pm to 7.00 pm in the evening time on every Saturday.

Contact Information

Mr. Bhaskar J. Joshi
A-30, Prakash Complex, Near Tower Chowk,
Veraval (Somnath) – 362 265
Dist : Gir Somnath (Gujarat- INDIA)
Phone : 02876 – 246541, 232596


Shri Anilbhai J. Pandya – Ahemdabad

Anilbhai Pandya

Anilbhai Pandya

Anilbhai J. Pandya is a native of Rajkot (Gujarat) and he made Ahemdabad his place of work and settled there. After Getting diploma of civil engineering from Rajkot he joined as an engineer in Government’s Road and Building department in 1972.  He retired as a deputy engineer from Sachivalaya Gandhinagar in 2003 . At the age of 58 he entered into the field of different computer classes like M.S.office, Hardware etc.

He  entered into the field of Astrology at the age of 20 and passed the Jyotish Visharad exam through a registered institute. His articles regarding astrology has been published in Panchang’s of Sandesh and Gujarat Samachar since 25 years, many times his articles are published in astrological magazines too. This talented personality is family related with us. He is giving services related to marriage bureau and engaged in social activities too.

Contact Information

Shri Anilbhai J. Pandya
2- Praduman park, Behind H – Colony,
Near Upasana Flats, Nehru Nagar Circle,
Ahmedabad – 380 015

Phone : 079 – 26309470
email : anilpandya_45@yahoo.co.in
Note : Please do not contact during 12 to 4 pm

 


Shri Mansukhbhai Barai – Okha

Masukhbhai Barai

Masukhbhai Barai

Shri Mansukhbhai Barai, a native of Okha, has been living in Mithapur since 35 years and doing social activities since last thirty five years. His personality is always socially and politically ahead. He has accepted the motto. A service to man is a service to God. As a Sarpanch of Okha Gram Panchayat during 1995 to 2000 he did many things to develop the village. He made roads of cement, establihsed an English Medium School and made all the in formations about Gram Panchayat available on Internet. He is President of All India Barai Family, , Ex-President of Chamber of Commerce – Okha , Dwarka Taluka BJP and Okha Gram Panchayat and Vice President – Narendra Modi Vichar Manch

He is having many responsibllities like President of Okha Lohana Mahajan (Gau-Shala), Committee Member of Shri Lohana Maha Parishad , Akhil Gujarati Lohana Samaj, Member of Working Journalist association, Indian Red Cross Society, Managing Trustee of Jeevan Deep Charitable Trust – Dwarka, and Pujya Shri Jalaram Bapa Vrudh Ashram. In spite of all these social activities, he is very progressive in his business, too. He is involved in the business of Automobiles, Truck and Transport. We must learn lessons from his fitness, activities and social services. His social services are spread from Dwarka, Okha, Suraj Karaadi and Mithapur to Talukas, District and till Rajkot. His Contact at Okha is as below.

Contact Information

G. N. Barai & Co.
Main Bazaar,  Okha – 361 350
Dist  – Devbhumi Dwarka
Mobile :  98242 18241

email : bmbarai@hotmail.com
 Website: www.barai.org


અમદાવાદના યુવાનો લગ્નો કે ઘરમાં વધેલું ભોજન ભૂખ્યા લોકો સુધી પહોંચાડે છે..

robinhood group

robinhood group

ભૂખ્યાઓને ભોજન આપવાના મંત્રની સાથે અમદાવાદના રોબીનહુડ ગ્રુપના યુવાનો રોજના ૧૦૦ થી ૧૫૦ જેટલા ભૂખ્યા લોકો સુધી ભોજન પહોંચતું કરે છે અને એક મહિનામાં સરેરાશ ૧૮૦૦ લોકોને જમાડે છે. આ ભોજન શહેરની રેસ્ટોરેન્ટ, પાર્ટીપ્લોટ, મંદિર કે કોઈના ઘરમાં વધ્યું હોય તે હોય છે.

આ અંગે માહિતી આપતા વોલિયન્ટર દિપ સોની કહે છે કે અમારો વિચાર બહુ જ સાદો છે. નવયુવાનો એ શેરીઓમાં જઈને તેમના પડતર સમયનો ઉપયોગ રાષ્ટ્રીય ભૂખની સામે લડત કરવાનો છે. અમારોે મુખ્ય હેતુ ખોરાકનો થતો બગાડ અટકાવવાનો છે. અમે વધેલો ખોરાક રેસ્ટોરન્ટ, પાર્ટી, મંદિર અને અન્ય જગ્યાએથી મેળવીને કમનસીબ ભૂખ્યાને વહેંચીએ છીએ. આ પ્રક્રિયા અમે સપ્ટેમ્બર ૨૦૧૬ ના દિવસે ચાલુ કરી હતી અને અત્યાર સુધી એક લાખથી વધારે લોકોની મદદ કરી છે. સામાન્યપણે રેસ્ટોરેન્ટ કે પાર્ટીમાં વધતું ભોજન તેઓ બહાર ફેંકતા હોય છે તે ભોજન જરુરીયાતમંદના પેટ સુધી પહોંચે તે હેતુથી અમદાવાદના ચાર વિભાગોમાં વર્કિંગ પ્રોફેશનલ વોલિટન્ટરો જોડાયા છે અને એક્ટિવલી કાર્યરત પણ છે. આ ગ્રુપ અમદાવાદમાં જ નહીં પણ ભારતની ૪૨ સિટીમાં અને ૬ દેશોમાં પણ કાર્યરત છે. રોબીનહુડ ગ્રુપ એક નોન કેશ ઓર્ગેનાઈઝેશન છે જે કોઈપણ પ્રકારનું ડોનેશન સ્વિકારતુ નથી કેમ કે આ ગ્રુપનો ઉદેશ્ય માત્ર અન્નનો બગાડ અટકાવી ભૂખ્યાને ભોજન આપવું છે જેના માટે આ ગ્રુપને પૈસાની જરુર નથી પડતી કેમ કે આ ભોજન રેસ્ટોરન્ટ, મંદિર કે પાર્ટી પ્લોટમાંથી મળી રહે છે.

આરએચએ અમદાવાદના નામથી ફેસબુકમાં ગ્રુપ અને વોટ્સએપમાં આ ગ્રુપ કાર્યરત છે. જેમાં વોલિયન્ટર્સ જોડાય છે અને આ જ ગ્રુપમાં અમને જે સ્થળે ભોજન વધ્યુ હોય તેની માહિતી મળે છે. જેથી અમદાવાદમાં ચાર પેટા વિભાગ છે. જેમાં નરોડા, મણીનગર, વેસ્ટ અમદાવાદ અને ગાંધીનગરનું એક આ ચેપ્ટરમાંથી જે વોલિયન્ટર નજીકમાં હોય તે ભોજન કલેક્ટ કરીને ભૂખ્યા સુધી પહોંચાડે છે. જે આખા અમદાવાદમાં એક્ટિવ છે. આ પ્રવુતિ ખરેખર ધન્યવાદ ને પાત્ર છે ચાલો આપણે કઈ ના કરીએ કઈ નહિ પરંતુ અને અન્નનો બિનજરૂરી બગાડ અટકાવીએ અને આપણા પ્રસંગોમાં વધતું ભોજન જરૂરીયાતમંદ લોકો સુધી જરુર પહોંચાડીએ.. robinhood group ahmedabad robin hood hungry people gujarat india social activities waste food save food distribute food activity by young people student