ATUL N. CHOTAI

a Writer


Jayeshbhai From Rajkot is making Modern and Antique both kinds of Ornaments.

jewelry

jewelry

In Gujarat Rajkot is famous allover India and as well as internationally for its ornaments making from Gold and Silver. Today in the world of Ornaments there is famous name of shri Jayeshbhai Chhatbar who is making ornaments.  from Gold and Silver and having a shop in Rajkot’s well- known Gold Market, Near Darbargadh, Diamond Chambers, 2 nd Floor, Bhavyam Ornaments. Jayeshbhai’s native place and Karambhumi is Rajkot. Jayeshbhai studied B.com and since 50 years he is residing in Rajkot.

Shri Jayeshbhai is making Modern and Antique both kinds of varieties and differents Designs of OrnamentsTo know about different designs and Ornaments varieties or for Purchase please contact on Jayeshbahi’s email address chhatbarjayesh@gmail.com and Cell Number 98248 33136

Advertisements


કોઈમ્બતુરના ગરીબ કુટુંબના અરુણાચલમ મુરૂગાનંથમનું લાખો સ્ત્રીઓની જિંદગીમાં અનોખું યોગદાન

Arunachalam Muruganantham

Arunachalam Muruganantham

– આશુ પટેલ

અક્ષયકુમારની ફિલ્મ પેડમેન જે વ્યક્તિ પરથી બની છે તે અરુણાચલમ મુરૂગાનંથમ વિષે જાણવા જેવું છે. કોઈમ્બતુરનો મુરૂગાનંથમ ૧૯૭૯માં એક કોન્વેન્ટ સ્કૂલમાં ચોથા ધોરણમાં ભણતો હતો ત્યારે તેના પિતા એક અકસ્માતમાં મૃત્યુ પામ્યા. એના કારણે મુરૂગાનંથમના પરિવારની સ્થિતિ બહુ ખરાબ થઈ ગઈ. ત્રણ મહિનામાં તેની માતા પાસે પૈસા ખૂટી પડ્યા. મુરૂગાનંથમ અને તેની બે બહેનોએ મ્યુનિસિપલ સ્કૂલમાં ભણવા જવું પડ્યું. મુરૂગાનંથમ ગરીબી વચ્ચે મોટો થયો. તે યુવાન થયો એ પછી તેના લગ્ન થયા. એક દિવસ તેણે તેની પત્નીને કઈક છુપાવીને બાથરૂમમાં જતાં જોઈ. તેણે પત્નીને પૂછ્યું કે તું શું છુપાવીને જઈ રહી છે..?? ત્યારે પત્નીએ કઈ જવાબ ન આપ્યો પણ તેણે બહુ પૂછ્યું ત્યારે તેણે ખબર પડી કે તેની પત્ની પિરિયડમાં થઈ હતી અને સેનિટરી પેડને બદલે એક ગંદું કપડું વાપરવા માટે છુપાવીને લઈ જઈ રહી હતી.

મુરૂગાનંથમને આઘાત લાગ્યો. તે તેનું સ્કૂટર સાફ કરવા માટે પણ ન વાપરે એવા કપડાનો તેની પત્ની સેનિટરી પેડ તરીકે ઉપયોગ કરી રહી હતી.. પછી તેણે ખબર પડી કે ઘણી સ્ત્રીઓ એ રીતે સેનિટરી પેડને બદલે ગંદા કપડાનો ઉપયોગ માસિક સ્ત્રાવના દિવસો દરમિયાન કરતી હતી. મુરૂગાનંથમને સમજાયું કે મહિલાઓ બે કારણથી સેનિટરી પેડને બદલે કપડાનો ઉપયોગ કરતી હતી. એક તો સેનિટરી પેડનો ઉપયોગ તેમને આર્થિક રીતે પરવડતો નહોતો અને બીજું તેમને કપડું વાપરવાની આદત થઈ ગઈ હતી.

મુરૂગાનંથમે સસ્તી કિંમતના સેનિટરી પેડ બનાવવાનું નક્કી કર્યું. તેણે સેનિટરી પેડ બનાવવા માટે પ્રયોગ કરવા માંડ્યા. તેણે દેશી સેનિટરી પેડ બનાવીને તેની પત્નીને આપ્યું પણ તે નકામું સાબિત થયું. એ પછી તેણે ઘણા પ્રયોગો કર્યા. તેણે નવા નવા સેનિટરી પેડ બનાવીને મેડિકલ કોલેજની હોસ્ટેલમાં રહેતી વિદ્યાર્થિનીઓને આપીને તેમના ફીડબેક માગ્યા. છેવટે બે વર્ષની મહેનત બાદ તેને સસ્તા સેનિટરી પેડ બનાવવામાં સફળતા મળી. તેણે બહુ સસ્તા મશીન બનાવ્યા જેનાથી તે સેનિટરી પેડ બનાવી શકે. મુરૂગાનંથમે તેના દેશી મશીનો થકી સેનિટરી પેડ ક્ષેત્રે ક્રાંતિ આણી દીધી છે. તેના મશીનો દેશના ૨૦૦ જિલ્લા સુધી પહોંચી ગયા છે અને હવે તો વિદેશોમાં પણ તેની નિકાસ થવા લાગી છે. મુરૂગાનંથમના મશીનથી બનેલા સેનિટરી પેડ માત્ર એક થી બે રૂપિયામાં વેચાય છે. જે સામાન્ય લોકોને પણ પરવડે છે.

મુરૂગાનંથમની સિદ્ધિની નોંધ વિશ્વ વિખ્યાત ટાઈમ મેગેઝિને પણ લીધી અને ૨૦૧૪માં દુનિયાના ૧૦૦ સૌથી વધુ ઈન્ફ્લુએન્શિયલ પીપલની યાદીમાં તેનો સમાવેશ કર્યો હતો. એ પછી ૨૦૧૬ માં ભારત સરકારે તેને પદ્મશ્રી એવૉર્ડથી નવાજયો. ગરીબ કુટુંબમાંથી આવતા અરુણાચલમ મુરૂગાનંથમે કેટલાય લાખો સ્ત્રીઓની જિંદગીમાં યોગદાન આપ્યું અને સાથે સાથે પોતાનું આર્થિક સામ્રાજ્ય પણ ઊભું કર્યું. પેડમેન તરીકે પ્રખ્યાત બનેલા આ માણસ વિષે જાણીને ટ્વિંક્લ ખન્નાએ પતિ અક્ષયકુમારને તેના જીવન પરથી ફિલ્મ બનાવવાનું સૂચન કર્યું. જુદા વિચારો થકી માણસ અકલ્પ્ય કામ કરી શકે છે એનો પુરાવો અરુણાચલમ મુરૂગાનંથમ છે… (સૌજન્ય : મુંબઈ સમાચાર)

sanitary pad napkins man manufacturers muruganantham coimbatore arunachalam influential people padmashree award arunachalam muruganantham is a social entrepreneur from Coimbatore in tamilnadu india. he is the inventor of a low cost sanitary pad making machine and is credited for innovating grassroots mechanisms for generating awareness about traditional unhygienic practices around menstruation in rural india. his mini machines, which can manufacture sanitary pads for less than a third of the cost of commercial pads, have been installed in 23 of the 29 states of India. he is currently planning to expand the production of these machines to 106 nations. aasu patel mumbai samachar sukhno password column time magazine


Visit Once in Topson Tailors for Best Gents Wear..

Topson Tailors - Rajkot

Topson Tailors – Rajkot

Topson Tailors & Selection for variety of Gents Suiting, Shirting, Jeans, Kurta, Pajama,Suit, Sherwani Pathani, Safari, etc

Shri Nareshbhai and Rameshbhai Kamothi of Bilkha of Junagadh District has made Rajkot there Karmabhumi. They have established Topson Tailors & Selection in 1980 in Rajkot near Jansatta Press Chowk. They have earned name & fame in stiching of Suit, Sherwani, Pathani etc. They have developed huge clientale & Friend circle with their stiching skill & wonderful clothing style.They have very friendly customer committed timely delivery and approach. There motto is customer satisfaction and mission is to provide latest and famous clothing to their customer.

So Hurry… and take a visit….

Contact for Topson Tailors and Selection, 1st Floor, Jay Ambica Arcade, Opp. Naklank Dairy, Near Rokadiya Hanuman Temple, Bhilvas Chowk, Rajkot – 360 001 (Gujarat) Cell No : 93741 64570, 94271 66585 email :  kamothiramesh@yahoo.com


ગ્વાલિયરના એક શિક્ષકની લોકોને ખુશી આપીને સુખ મેળવવાની અનોખી પ્રવૃત્તિ

– આશુ પટેલ

ગ્વાલિયરના એક વૃદ્ધના ઘરનો દરવાજો એક વહેલી સવારે ખખડે છે. વૃદ્ધ ઊભો થઈને દરવાજો ખોલે છે. બહાર એક વૃદ્ધ ઊભા છે તે યજમાન વૃદ્ધના ગળામાં ફૂલોની માળા પહેરાવી દે છે પછી તેને મીઠાઈનું પેકેટ આપે છે અને કહે છે કે જન્મદિવસની ખૂબ ખૂબ શુભેચ્છાઓ. જેનો જન્મ દિવસ છે એ વૃદ્ધની આંખો ભીની થઈ જાય છે. તે અજનબી આગંતુકને ઓળખતો નથી પણ ઉમળકાભેર ભેટી પડે છે. તે એકાકી વૃદ્ધનો જન્મદિવસ યાદ કરવાવાળું કોઈ નથી, પણ એક અજનબી તેને જન્મદિવસની શુભેચ્છાઓ આપવા પહોંચી ગયો છે એટલે તે વૃદ્ધ ગદગદ થઈ ગયો છે.

આગંતુક તેના ખબર અંતર પૂછે છે થોડી વાર વાતો કરે છે અને પછી તેની રજા લઈને તેમના ઘર બહાર મૂકેલી પોતાની સાઈકલ લઈને ચાલતો થાય છે. અડધા એક કલાક પછી તે વૃદ્ધ સાઈકલસવાર બીજા એક ઘરે જઈને ડૉરબેલ વગાડે છે ત્યાં એક વૃદ્ધ દંપતીના લગ્નની વર્ષગાંઠ છે તેમને ફૂલોની માળા પહેરાવીને શુભેચ્છા આપે છે અને મીઠાઈ ખવડાવે છે અને તેમની સાથે થોડો સમય પસાર કરે છે અને પછી સાઈકલ લઈને રવાના થઈ જાય છે. આવી રીતે અજાણ્યા માણસોના જન્મદિવસ કે લગ્નની વર્ષગાંઠની ઉજવણી કરવામાં આનંદ અનુભવતા તે માણસનું નામ છે મોહનસિંહ કુશવાહ..

ગ્વાલિયરના મોહનસિંહ કુશવાહની અનોખી પ્રવૃત્તિ વિશે ઈન્ટરનેટ પર વાંચીને તેમના વિશે વાચકોને કહેવાનું મન થયું. મોહનસિંહ સરકારી શિક્ષક હતા તેમણે નિવૃત્તિ પછી બેસી રહેવાને બદલે કંઈક અનોખી પ્રવૃત્તિ કરવાનું વિચાર્યું. તેમણે પોતાના કેટલાક મિત્રો સાથે અજાણ્યા લોકોને ખુશી આપવાની પ્રવૃત્તિ શરૂ કરવાનું વિચાર્યું તેમને થયું કે જે લોકોને કોઈ જન્મદિવસ કે લગ્નની વર્ષગાંઠની શુભેચ્છાઓ ન આપતા હોય તેમને આપણે શુભેચ્છાઓ આપવી જોઈએ. મિત્રોને મોહનસિંહની વાત ગાંડપણભરી લાગી  પણ મોહનસિંહે એ વાત અમલમાં મૂકી. તેમણે દોઢ હજારથી વધુ લોકોના એડ્રેસ અને ફોન નંબર મેળવ્યા અને શક્ય હોય ત્યાં રૂબરૂ જવાને અને બાકીના લોકોને ફોન પર જન્મદિવસની કે લગ્નની વર્ષગાંઠની શુભેચ્છા આપવાનું શરૂ કરી દીધું. છેલ્લા ૧૬ વર્ષથી તેઓ આ પ્રવૃત્તિ કરી રહ્યા છે. લોકોને ખુશી આપીને મોહનસિંહ પોતે પણ ખુશ થઈ રહ્યા છે. આવા માણસોને સુખનો પાસવર્ડ મળી જતો હોય છે. (મુંબઈ સમાચાર માંથી સાભાર)

 


વિશ્વની તમામ પ્રજાતિઓમાં માત્ર ગુજરાતના રીંછ જ માંસાહારી નથી

dr. nisith dhareiya

dr. nisith dhareiya

આખી દુનિયામાં માત્ર ગુજરાતના જ રીંછ એવા છે જે માંસાહારી નથી. રીંછ માનવ વસ્તીમાં અવાર નવાર દેખા દે છે તેની પાછળનુ કારણ ઉનાળામાં જંગલોમાં સર્જાતી પાણીની અછત હોય છે. તેમ રીંછ પર વર્ષોથી સંશોધન કરતા અધ્યાપક નિશિથ ધારૈયાએ મીડિયા સાથેની એક વાતચીતમાં કહ્યું હતું. પાટણની એચ.એન.જી યુનિવર્સિટીના અધ્યાપક નિશિથ ધારૈયા ઈન્ટરનેશલ યુનિયન ફોર કન્ઝર્વેશન ઓફ નેચરની સ્લોથ બેર એક્સપર્ટ ટીમના ચેરમેન પણ છે. તેઓ થોડા સમય પહેલા એમ.એસ. યુનિવર્સિટીની સાયન્સ ફેકલ્ટીના ઉપક્રમે બાયોડાયવર્સિટી પર બદલાતા વાતાવરણની અસર અંગેના સેમિનારમાં ભાગ લેવા માટે આવ્યા હતા. ત્યારે તેમણે કહ્યું હતું કે ભારતમાં અને દુનિયામાં એકમાત્ર ગુજરાતમાં થતા રીંછ માંસાહારી નથી તેઓ પ્રાણી કે માણસનુ માંસ ખાતા નથી. ઉધઈ, કીડા મંકોડા જેવા સાવ નાના જંતુઓ, મધ અને દરેક પ્રકારના ફ્રુટ ગુજરાતના રીંછનો મુખ્ય ખોરાક છે.

ગુજરાતના જંગલો સુકા હોય છે.ઉનાળામાં જંગલમાં પાણીની તંગી વરતાતી હોય છે. પાણીની શોધમાં અથવા તો ઘરોમાં બનતી રસોઈની સુગંધના કારણે રીંછ માનવ વસતીમાં જઈ ચઢતુ હોય છે અને ગભરાઈને માણસો પર હુમલો કરતુ હોય છે. ગુજરાતના રીંછની અન્ય એક વિશેષતા એ છે કે માદા રીંછ બચ્ચાને જન્મ આપ્યા બાદ દોઢ વર્ષ સુધી પોતાની પીઠ પર જ રાખીને ફરે છે. દુનિયાના અન્ય કોઈ રીંછ આ રીતે પોતાના બચ્ચાનો ઉછેર કરતા નથી.

ગુજરાતના જંગલોમાં ૩૪૦ જેટલા રીંછનો વસવાટ રીંછ અને માનવ વસતિ વચ્ચે ટકરાવ ટાળવા નિશિથ ધારૈયા અને ઈસરોના સંશોધકોએ રીંછ અને માણસો વચ્ચે ટકરાવ ના થાય તે માટે સેટેલાઈટની મદદથી લેવાયેલી તસવીરોના આધારે ગુજરાતમાં રીંંછ માટે ઈકોલાજિકલ કોરિડોર બનાવવાનુ સૂચન જંગલ વિભાગને કર્યુ છે. તેમનુ કહેવુ છે કે ગુજરાતમાં લગભગ ૩૪૦ રીંછ વસવાટ કરે છે. કમનસીબે રીંછ જે જંગલોમાં રહે છે તે ટુકડાઓમાં વહેંચાઈ ગયા છે. જેના કારણે રીંછ માનવ વસતીમાં દેખા દે તેવી ઘટનાઓ વધી રહી છે. રતનમહાલ, જાંબુઘોડા, છોટાઉદેપુર, સૂરપાણેશ્વર, જેસપોર, બાલારામ જેવા હિસ્સામાં રીંછના વસવાટવાળા જંગલો વહેંચાઈ ચુક્યા છે. આ વિસ્તારોને જોડી શકાય તેમ છે. જો કે વચ્ચે રેલવે લાઈન કે રસ્તા આવે છે પણ ઓવરબ્રીજ કે અન્ડરપાસ બનાવીને તેનો ઉકેલ લાવી શકાય છે. પણ આ અંગેનો નિર્ણય તો જંગલ ખાતાએ લેવાનો છે. જો આ ઈકોલોજિકલ કોરિડોર બને તો કદાચ માનવ વસતી અને રીંછ વચ્ચેની ટકરામણ ટાળી શકાય છે.


સ્વસ્થ અને નિરોગી જીવન જીવવા માટે આપણે આરોગ્યના સિદ્ધાંતોને અનુસરવા જોઈએ

– પી.એમ.પરમાર

નિરોગી રહેવા આપણા વડીલોએ, અનુભવીઓએ બહુ સુંદર સુંદર જોડકણાં આપણને આપ્યાં છે એ વાંચી અમલ કરી નિરોગી બની સૌ સુખી થઈએ એવી અભ્યર્થના પેહલું સુખ તે જાતે નર્યા આ કહેવતની બધાને ખબર તો છે પણ શરીર સાચવવા બધા બેખબર રહે છે. શરીરમ્ આદ્યમ ખલુ ધર્મ સાધનમ્ આપણું શરીર જ ધર્મ સાધનાનું શ્રેષ્ઠ સાધન છે એવું શાસ્ત્રોમાં પણ કહ્યું છે પણ માને કોણ..?? ધર્મ હવે ધંધો થઈ ગયો છે ને ધંધામાં ધર્મ રહ્યો નથી. કોઈ ગોળાના ઢેફા ઉપર કીડીઓ આક્રમણ કરે એ રીતે જાહેર માર્ગો ઉપર પૂરી પકોડીની લારી ઉપર સ્વાદના રસિયા તૂટી પડે છે અને કમળાના રોગને જાહેર આમંત્રણ આપી દે છે. ધ્રુમપાન જીવલેણ છે એવું જાણવા છતાં એય ટેસથી કસ મારતા આજના યુવાનો કેન્સરને નોતરી આખાય પરિવારનું સુખ કેન્સલ કરી દે છે અને માવતરનું જીવન જીવલેણ કરી નાખે છે. મા બાપ ભલે મરે. આપણે જલસો કરો ને.. જાહેર સ્થળોએ પ્લાસ્ટિકમાં મસાલો ચોળતા માણસોને ક્યાં થૂંકવું એનું પણ ભાન નથી. મસાલા ખાઈ ખાઈ બેભાન થઈ જતા વ્યસનીઓને જોયા પછી પણ આવાઓને ભાન નથી આવતું. વિશ્વમાં ૫૦ % મૃત્યુનું કારણ તમાકુ છે. હવે તો જાગો..!!

પાણીપુરી, પિત્ઝા, બર્ગર, ચવાણું, ભજિયાં, ભાજીપાઉ, વડાપાઉ, દાબેલી એવા અસંખ્ય બહારના ગંદકીથી ભરપુર નાસ્તા કરી કરી બધા દવાખાનાના રસ્તે નાસતા થઈ ગયા છે. શું ખાવું શું ન ખાવું એ માટે શું ટયૂશન વર્ગો ખોલવા પડશે કે..?? તીવ્ર હરિફાઈના યુગમાં માણસ જીવવાનું જ ભૂલી ગયો છે. એ કસરત કરતો નથી, ચોખ્ખાં ઘી દૂધ પચાવી શક્તો નથી, હાથમાંથી પલભર પણ મોબાઈલ નીચે મૂક્તો નથી, રાત્રે ટીવી છોડતો નથી, પૂરતું ઉંઘતો નથી, શાંતિથી જમતો નથી, સારાં પુસ્તકો વાંચતો નથી. પડોશીને ઓળખતો નથી, ભગવાનમાં માનતો નથી અને પછી બૂમો પાડયા કરે છે. આ મારી સાથે જ આવું કેમ થાય છે..?? એ ભૂલી જાય છે કે કરેલાં તો અહીંને અહીં જ ભોગવવાં પડે છે…

ચોમાસામાં જ શરીરને વધુ સાચવવું પડે છે એટલે જ આ ઋતુમાં ઉપવાસનું મહત્ત્વ ચાર ગણુ વધી જાય છે. ફળાહાર જરૃરી બની જાય છે પણ એક ગુટખાના પાંચ રૃપિયા ખર્ચી કાઢનારને સફરજન બહુ મોંઘાં પડે છે. સ્વચ્છતા, ખાનપાન, શુદ્ધતા, પવિત્રતા, ધ્યાન, આહારવિહાર વિવેક જ બચાવી શકે છે. નિયમ કરો આજથી જ બધા જંક ફૂડ બંધ. શાબાશ. સદા નિરોગી રહો. નિરોગી રહેવા આપણા વડીલોએ, અનુભવીઓએ બહુ સુંદર સુંદર જોડકણાં આપણને આપ્યાં છે એ વાંચી અમલ કરી નિરોગી બની સૌ સુખી થઈએ એવી અભ્યર્થના. સર્વે અહીં સુખી થાઓ સૌ નિરોગી બની રહો, સર્વે કલ્યાણને પામો, કોઇ દુઃખના પામશો. આરોગ્યને લગતાં પ્રસિદ્ધ જોડકાં વાંચો અને અમલ પણ કરો

(૧) રાતે વહેલા જે સૂઈ, વહેલા ઊઠે વીર, બળ બુદ્ધિને ધન વધે,સુખમાં રહે શરીર.
(૨) પાંચે ઉઠો, નવે શિરાવો, પાંચે વાળુ, નવે સૂવો, બસ આટલું રોજ કરો, ને પછી સો વર્ષ જીવો.
(૩) બાજરીના રોટલા, મૂળા, ડુંગળી લસણ જે ખાય, ઘરડા ઘરડા ય જોને, જવાન જવાન થઈ જાય.
(૪) ભોય પથારી જે કરે. લોઢી ઢેબર ખાય, તુંબે પાણી જે પીએ, તે ઘર વૈદ્ય ન જાય.
(૫) મગ કહે હું લીલો દાણો, મારા માથે ચાંદુ, જો બે મહિના ખાય, તો માણસ ઊઠાઠું માંદુ.
(૬) ગળો, ગોખરૃને આમળાં, સાકર ઘી થી ખાય. વૃદ્ધપણું વ્યાપે નહિ, રોગ સમૂળા જાય.
(૭) ખાંડ, મીઠું ને સોડા, સફેદ ઝેર કહેવાય, વિવેકથી ખાજે, નહીંતર ના કહેવાય ના સહેવાય.
(૮) ઓકી દાતણ જે કરે, નરણા હરડે ખાય, દૂધે વાળું જે કરે, તે ઘેર વૈદ્ય ન જાય.
(૯) સવારે પાણી, બપોરે છાશ, રાત્રે પીઓ દૂધ, વહેલા સૂઈ, વહેલા જાગો, ના રહે કોઈ દુઃખ.
(૧૦) ચા, કોફી, કોકો, પડાવે બહુ પોકો, સમજીને રોકો ને જરૃર પડે તો ટોકો.
(૧૧) પૈર ગરમ, પેટ નરમ ઔર સરકો રાખો ઠંડા, અગર દાકતર બાબુ આએ, તો ઉસકો મારા ડંડા.
(૧૨) યાદ રાખજો એક નાની અમથી વાત, ચાવીને ખૂબ ખાજો, હોતા નથી પેટમાં દાંત.
(૧૩) કૂણી કૂણી કાકડીને ભાદરવાની છાશ, તાવ સંદેશો મોકલે, આજ આવું કે કાલ..??
(૧૪) મૂળા, મોગરી, ગાજર, ડુંગળીને ખાધું દહીં, રાત રાત ઉજાગરો કરો પછી ઉંઘવાનું નહીં.
(૧૫) હરદિન પા શેર ડુંગરી, પાશેર ઘીની સાથ, સૈવન કરો જો સવારમાં, પુષ્ટિ પામે ઘાત.
(૧૬) સર્વ રોગોના કષ્ટોમાં ઉત્તમ ઔષધ ઉપવાસ, જેનું પેટ નથી સાફ, પછી આપે બહુ ત્રાસ.
(૧૭) જમણા સ્વરમાં ભોજન- ને ડાબા સ્વરમાં પાણી, ડાબો જમણો બંને સાથે, બંધ ભોજનને પાણી.
(૧૮) હજાર કામ મૂકીને જમવું ને લાખ કામ મૂકી સૂવું, કરોડ કામને પડતાં મૂકી હાજતને જઈને રહેવું.,,
(ગુજરાત સમાચાર માંથી સાભાર)


Contact Himatbhai for any translation / interpretation / video titling work

Himantbhai Parmar

Himantbhai Parmar

Himatbhai Parmar (64) is a commerce graduate residing in Rajkot, having 20 years experience in Government office. At present working as freelance English to Gujarati & Gujarati, Hindi to English translator.Also running a Tiny Project Advisory & Import-Export services with a NGO. Since last 6 years working as a professional translator on full time basis. Contact for any translation / interpretation / video titling work

Mr. Himatbhai H.Parmar, 2 – Sakhianagar, Near Air Port Road,
Rajkot – 360 007 (Gujarat) Mobile 099245 76998 E-mail (1) himatbhaiparmar@gmail.com (2) parmarhimatbhai@yahoo.com


રાજકોટમાં આવેલી પોલીસ અશ્વ તાલીમ શાળા બ્રિટીશ અને રાજા રજવાડા વખતની છે

police horse training

police horse training

:: સંકલન ::
અલ્તાફ કુરેશી

સૌરાષ્ટ્રના પાટનગર રાજકોટમાં માઉન્ટેન્ડ પોલીસ હેડ હવાટર ખાતે આવેલી પોલીસ અશ્વ તાલીમ શાળા અને આર.ડી.ઝાલા હોર્સ રાઇડીંગ કલબનો ઇતિહાસ રજવાડા અને બ્રિટીશ એજન્સી જેટલો પુરાણો છે. અહી ૩પ જેટલા અશ્વોનો રાખ-રખાવ પોલીસ વિભાગ દ્વારા રાખવામાં આવે છે. પોલીસ તાલીમ શાળા અને હોર્સ રાઇડીંગ વિશે ઘણુ જાણવા જેવુ છે. આમ તો રાજા રજવાડા અને બ્રિટીશ એજન્સી વખતથી પોલીસ દળમાં અશ્વોનો ઉપયોગ કરવામાં આવે છે તે વખતે રાજા રજવાડા પોતાના સૈનિકોને અને બ્રિટીશ એજન્સીમાં પોતાના કર્મચારીઓને અશ્વસ્વારીની ખાસ તાલીમ આપવામાં આવતી હતી અને શહેરમાં પેટ્રોલીંગમાં કરવામાં આવતુ. ભારત દેશ આઝાદ થયા બાદ ભારત સરકારે આ અશ્વસ્વારીની કળાને જીવંત રાખવા માટે તાલીમ શાળામાં ફેરવી નાખી હતી. આ રીતે ગુજરાતમાં અમદાવાદ ખાતે અને રાજકોટમાં પોલીસ તંત્ર દ્વારા ઘોડેસ્વારીની તાલીમ આપવામાં આવે છે.

રાજકોટની વાત કરીએ તો રાજકોટના રેલવે સ્ટેશન પાસે જીલ્લા જેલની પાછળ આવેલી માઉન્ટેન્ડ લાઇનમાં પોલીસ તંત્ર દ્વારા ગુજરાત પોલીસ અશ્વદળ તાલીમ સ્કુલ કાર્યરત છે. આ તાલીમ શાળા બ્રિટીશ અને રાજા રજવાડા વખતની છે. આઝાદી પહેલાની આ તાલીમ શાળામાં ત્યારે પણ આ જ જગ્યાએ અશ્વ સવારીની તાલીમ આપવામાં આવતી અને આજે પણ અશ્વ સવારીની તાલીમ આપવામાં આવે છે. સૌ પ્રથમ આ ગુજરાત પોલીસ અશ્વદળ તાલીમ સ્કુલમાં ટ્રેઇન થયેલા ઘોડાઓ અને ઘોડેસ્વારો માટેની ઓલ ઇન્ડિયા ગેઇમ ટુર્નામેન્ટ યોજવામાં આવતી હતી ત્યારે આ તાલીમ સ્કૂલમાં પી.આઇ તરીકે જે. બી. ગોહિલ ફરજ બજાવતા હતાં અને તેને વિચાર આવ્યો કે આ અશ્વ સવારીની તાલીમ માત્ર પોલીસ જવાનોને તો આપવામાં આવે જ છે પરંતુ આ કળાની લોકોને જાણકારી મળે તે હેતુથી તેણે ર૦૦પ ની સાલમાં માઉન્ટેન્ડ પોલીસ હેડ કવાર્ટર ખાતે આર.ડી. ઝાલા હોર્સ રાઇડીંગ કલબની શરૂઆત કરી હતી અને હાલમાં આ આધુનિક સમયમાં પોલીસ ડીપાર્ટમેન્ટમાં પેટ્રોલીંગ માટે ટુ વ્હીલર અને ફોર વ્હીલરનો ઉપયોગ થવા લાગ્યો છે ત્યારે આ અશ્વસવારીને જીવંત રાખવા માટે લોકોને ઘોડેસવારી શીખાડવામાં આવે છે. આ અશ્વસવારી શું છે..?? અને ઘોડેસવારી કેવી રીતે કરવી જોઇએ..?? તેની તાલીમ આપવામાં આવે છે.

આ તાલીમ સ્કૂલમાં હાલમાં અરબી, કાઠીયાવાડી અને મારવાડી એમ ૩પ જેટલા ઘોડાઓ છે. આ ૩પ ઘોડાઓને ટ્રેઇન કરવા માટે હેડ કોન્સ્ટેબલ અથવા કોન્સ્ટેબલ ટ્રેઇનર હોય છે તથા ચાર સાઇસ અને બે જેટલા સફાઇ કામદારો હોય છે. ટ્રેનર ઘોડાને ટ્રેઇન કરે છે જયારે સાઇસ ઘોડાને ટાઇમસર નીણ આપવું, માલીશ કરવું, પાણી આપવુ અને ઘાસની પથારી કરવી તેવી કામગીરી બજાવે છે અને સફાઇ કામદાર ઘોડાની જગ્યાની સફાઇ કરે છે. હાલમાં રાજકોટમાં નાઇટ પેટ્રોલીંગમાં પોલીસ દ્વારા ઘોડાનો ઉપયોગ થાય છે અને હાઇવે પેટ્રોલીંગ, સીમ પેટ્રોલીંગ તમામ પ્રકારના વીઆઇપી બંદોબસ્ત તથા મેળા બંદોબસ્તમાં પણ પોલીસ દ્વારા ઘોડાનો ઉપયોગ કરવામાં આવે છે. આ ઘોડેસ્વારી પોલીસ તો ઠીક પણ આર.ડી.ઝાલા હોર્સ રાઇડીંગ કલબમાં પોલીસ સિવાયના લોકોને પણ તાલીમ આપવામાં આવે છે. આ તાલીમ સવારે ૬-૩૦ થી ૮-૦૦ વાગ્યા સુધી તાલીમ આપવામાં આવે છે. આ તાલીમ સ્કુલમાં તાલીમાર્થીઓને ત્રણ માસની તાલીમ આપવા આવે છે. આ તાલીમ ડીવાયએસપી સહિતના ઉચ્ચ અધિકારીઓ માટે ફરજીયાત છે.  વધુ માહિતી માટે આ તાલીમ સ્કૂલના બ્લોગ rdzalahorseridingclub.blogspot.in ની મુલાકાત લઇ શકાય છે.


ગામડાંઓ ગુરુની ગરજ સારે છે…

indian village life

indian village life

– પ્રેમલ પરીખ

આર્થિક સમૃદ્ધિ મેળવવાના આશય સાથે કેટલાક દાયકાઓથી ગામડાંના લોકો શહેર ભણી દોટ મૂકી રહ્યા છે. શહેરીકરણ અને આધુનિકીકરણના થઇ રહેલા વિસ્તારનો આ પ્રતાપ છે. શહેરમાં નોકરી કે વ્યવસાયને માર્ગે કમાણી કરવામાં રહેલી અમાપ તક તેમ જ જીવનને આધુનિક બનાવવાની ક્ષમતા આ વલણ માટે પ્રમુખપણે જવાબદાર માનવામાં આવે છે. મોડર્ન શૈલી સાથે જીવતા શહેરીજનો પોતાને ચડિયાતા માનતા હોય છે, પણ ગ્રામ્ય વિસ્તારમાં વસતા લોકો સુધ્ધાં શહેરીજનોને સારું જીવન કઇ રીતે જીવાય એના બે ચાર પાઠ તો ચોક્કસ ભણાવી શકે છે. વસતિ વધારાથી શહેરોની સિલાઇ ફાટી રહી હોવા છતાં ભારતમાં ૭૦ ટકા લોકો હજુ ગામડામાં રહે છે. શહેરમાં તમામ આધુનિક સુવિધાઓ હોવા છતાં આ ગામડામાં રહેતા લોકો સારું જીવન કઇ રીતે જીવી શકાય એ શીખવી શકે છે.

પ્રદૂષણ સહિત કેટલીક સમસ્યાઓથી રોજેરોજ હેરાન થતો શહેરીજન જ્યારે મુક્ત હવામાનવાળા ગામડા તરફ પ્રયાણ કરે છે ત્યારે એને એક અલાયદો અનુભવ થાય છે. એક અનેરી તાજગીનો અનુભવ થાય છે. શહેરમાં અડધા કલાકની મુસાફરીથી થાકી જતો માણસ ગ્રામ્ય વિસ્તારમાં કેટલાક કલાકો સુધી ચાલીને પણ થાકતો નથી. ઊલટાનો તાજગીનો અનુભવ કરે છે. એક એવી તાજગી જે એને જોમવંતો બનાવી દે છે. શહેરી જીવનથી મુક્ત થવું હોય તો ગ્રામ્ય જીવન શ્રેષ્ઠ વિકલ્પ છે. શહેરીજીવનના કારણે ગુમાવી દીધેલી ઓળખાણ ફરી મેળવવાની તક ગ્રામ્ય જીવન આપે છે. શહેરી જીવનથી થાક્યા હો, કંટાળ્યા હો તો ગામડામાં એક લટાર મારી આવો અને તમારી જાતને પૂછો કે તમને શું જોઇએ છે..??

આનંદ ક્યાંથી મળી શકે..?? : આપણા મૂલ્યને જાણવું એ મુશ્કેલ કાર્ય છે. આપણે પોતાને અન્ય સાથે સરખાવીએ છીએ. સારી કારકિર્દી, પારિવારિક જીવન, પૈસા વગેરે. સોશિયલ મીડિયામાં ઝડપી ફેરફારના કારણે આપણે સતત વ્યસ્ત રહીએ છીએ. પણ જરા વિચારી જુઓ, ભારતના ગામડામાં પુરુષો, મહિલાઓ અને બાળકો ટેક્નોલોજી વગર પણ કેવા ખુશ છે. તેઓ તેમની ખુશી ધાર્મિક વિધિઓ, સાંજની ચા અને ગીતો ગાઇને મેળવે છે. જો તેઓ આ રીતે ખુશ રહી શકે તો આપણે કેમ નહીં.??

આધુનિકરણની ભ્રામકતા : શહેરીકરણના કારણે આપણે દેખાદેખી કરીએ છીએ. આપણું ઘર કેવું દેખાય છે, આપણે શું ખરીદીએ છીએ, આપણે કેવી રીતે વાત કરીએ છીએ. આપણને ઝડપી અને આધુનિક બનવું છે. બીજી તરફ ગામડાના લોકો સામે જુઓે, તેઓ આખો દિવસ કામ કરીને પરસેવો પાડીને પણ થાકતા નથી. તેમની ભાષા અને રહેણીકરણીમાં નિર્દોષતા દેખાય છે. તેમને કોઇ વસ્તુ ન મળે તો અફસોસ નથી કરતા. તેઓ એકલા જ ખુશ રહે છે.

અતિથિને આવકાર : તેમના ઘર નાના ભલે હોય, દિલ મોટા છે. તેઓ તમને મીઠો આવકાર આપશે. તેમણે બનાવેલી રસોઇ ખવડાવશે. તમને ઉષ્માનો અનુભવ કરાવશે. એમની પાસે પૈસા ઓછાં હશે તો પણ ચલાવી લેશે. તમે ક્યાંથી આવ્યા છો તેનાથી તેમની મહેમાનગતિમાં કોઇ ફરક નહીં પડે. તમે તેમની સ્થાનિક ભાષા સમજી ન શકો તો પણ તમને મદદ કરશે. જોકે, તેમની પોતીકી ભાષામાં એક જાતનો જાદુ છે.

ઓછું પણ વધુ છે : ગામડાના લોકો પાસે આધુનિક સાધનો ન હોવા છતાં તેમની પાસે પેઢીઓથી ચાલી આવતી મજબૂત સંસ્કૃતિ છે. તેમને ખબર છે કે તેને કઇ રીતે સાચવી રાખવી. તેઓ કુદરતી નિયમો પ્રમાણે ચાલે છે. કોઇ ગૂંચવણ નહીં, કોઇ ધાંધલધમાલ નહીં. ગામડાનું જીવન આપણી માટે ખરેખર પ્રેરણાદાયક છે.

કુદરતી ઉપચાર : માવજતનો વિચાર આજે તો તબીબી ક્ષેત્રે પણ સ્વીકાર્ય બની ગયો છે. બિલાડીના ટોપની જેમ વધી રહેલા વૃદ્ધાશ્રમો અને મેડિકલ સેન્ટરોને કારણે આપણે માવજતનો સાચો અર્થ જ ભૂલી ગયા છે. રિસર્ચથી જાણવા મળ્યું છે કે મોટી ઉંમરના લોકો જો તેમના પોતાના ઘરમાં રહે તો તેઓ લાંબું અને શાંતિપૂર્વકનું જીવન જીવે છે. આમ, આપણને બધાને ભારતના ગામડાં શીખવે છે કે સાદું અને સંપૂર્ણપણે અલગ જ જીવન કઇ રીતે જીવી શકાય… (મુંબઈ સમાચાર માંથી સાભાર)