ATUL N. CHOTAI

a writer – since 2014


Shri Anilbhai J. Pandya – Ahemdabad

Anilbhai Pandya

Anilbhai Pandya

Anilbhai J. Pandya is a native of Rajkot (Gujarat) and he made Ahemdabad his place of work and settled there. After Getting diploma of civil engineering from Rajkot he joined as an engineer in Government’s Road and Building department in 1972.  He retired as a deputy engineer from Sachivalaya Gandhinagar in 2003 . At the age of 58 he entered into the field of different computer classes like M.S.office, Hardware etc.

He  entered into the field of Astrology at the age of 20 and passed the Jyotish Visharad exam through a registered institute. His articles regarding astrology has been published in Panchang’s of Sandesh and Gujarat Samachar since 25 years, many times his articles are published in astrological magazines too. This talented personality is family related with us. He is giving services related to marriage bureau and engaged in social activities too.

Contact Information

Shri Anilbhai J. Pandya
2- Praduman park,
Ahmedabad – 380 015

Mobile  : 91061 43382
Email : anilpandya_45@yahoo.co.in
Note : Please do not contact during 12 to 4 pm

 


ભારતનું એક માત્ર પતંગ મ્યુઝિયમ અમદાવાદમાં આવેલું છે

kite museum

kite museum

ગુજરાતમાં અમદાવાદના આકાશને વિશ્વના પતંગોત્સવની રાજધાની ગણવામાં આવે છે ત્યારે અમદાવાદનું પતંગ મ્યુઝિયમ દેશનું પ્રથમ અને દુનિયાનું બીજું પતંગ મ્યુઝિયમ હોવાના નાતે ખાસ મહત્વ ધરાવે છે. અમદાવાદના ઈન્ટરનેશનલ કાઈટ ફ્લાયર ભાનુભાઈ શાહના પતંગોના પોતાના અંગત સંગ્રહમાંથી આ મ્યુઝિયમની શરૃઆત થઈ હતી. જો કે આજે આટલા વર્ષો પછી પણ પછી પહેલા જેમ હતું તેમ જ છે. મ્યુઝિયમમાં ૨૦૦ કરતાં વધારે કલાત્મક પતંગોનો સંગ્રહ સચવાયેલો પડયો છે જેમાંથી ૧૦૦ જેટલા પતંગને પ્રદર્શનમાં મુકવામાં આવ્યા છે. સમયાંતરે આ પતંગોની ફેરબદલી થતી રહે છે. હવે તો કળાના આવા ઉત્તમ નમૂના સમાન પતંગો બનાવનાર કારીગરો જ હવે રહ્યા નથી તે જોતાં આ પતંગ મ્યુઝિયમમાં સચવાયેલા પતંગો કળાની દ્રષ્ટિએ અનેરૃ મહત્વ ધરાવે છે.

પતંગ મ્યુઝિયમમાં પ્રદર્શન માટે મુકાયેલા તમામ પતંગો ભાનુભાઈ શાહે એકત્ર કરેલા છે. જાત ભાતના પતંગો ઉપરાંત પતંગો વિષે વિશ્વભરમાંથી રસપ્રદ માહિતી એકઠી કરવા પાછળ ભાનુભાઈએ ખૂબ મહેનત કરી છે. તેમના જણાવ્યા મુજબ ૧૯૮૨માં સ્કાય એબોવ ઇન્ડિયા નામનું એક્ઝિબિશન યોજાવાનું હતું ત્યાં મેં મારી પતંગો મોકલી ત્યાં તે ખૂબ વખણાઈ અને એ પછી કાઈટ મ્યુઝિયમ બનાવવાનો મારો વિચાર દ્રઢ થતો ચાલ્યો. વિશ્વભરના મ્યુઝિયમોમાંથી મેં પતંગો વિષેની માહિતી એકત્ર કરી તેનું ડોક્યુમેન્ટેશન કરવા માંડયું. ૮૬ માં એ વખતના ક્મીશ્નર વાસુસાહેબે તેમને સંસ્કારકેન્દ્રમાં મ્યુઝિયમ બનાવવા જગ્યા ફાળવી આપી અને આ રીતે ભારતનું પહેલું પતંગ મ્યુઝિયમ અમદાવાદમાં શરૃ થયું અને આજે આ પતંગ મ્યુઝિયમે ૩૦ વર્ષની સફર કાપી છે એ વાતનો તેમને આનંદ છે.

આ મ્યુઝિયમમાં પતંગના ઈતિહાસ અંગે રસપ્રદ માહિતી, ફુવારા – પક્ષીઓ નહેરુ ગાંધી જીઓમેટ્રીકલ ડિઝાઈનના પતંગો, કાગળના અનેક ટુકડા જોડીને બનાવાયેલા પતંગો, અત્યાર સુધીમાં ઉડાવાયેલા વિવિધ આકારના પતંગ વિષે માહિતી, વિવિધ જંતુઓના આકાર ધરાવતા પતંગો અંગે માહિતી, અમદાવાદની ઉતરાયણની લાક્ષણિકતા દર્શાવતા ફોટા, વિમાનની રચનામાં પતંગનો શું રોલ તે વિષે માહિતી, માણસને ઉંચકતા પતંગો વિશે, સદીઓ પહેલાના ભારતિય શાસ્ત્રોમાં પતંગના ઉલ્લેખ અને તે ઉપરથી રચાયેલા મિનિએચર પેઈન્ટિંગ્સ અંગે માહિતી, યુધ્ધ દરમિયાન અને માછલી પકડવાં જેવા વિવિધ ઉપયોગોમાં પતંગ કઈ રીતે વપરાતા..??  તેની સચિત્ર રજૂઆત તથા અમદાવાદની ઉત્તરાયણ ઉપર બનેલી ડોક્યુમેન્ટરી જોવા મળે છે. આ મ્યુઝિયમ અમદાવાદના પાલડી વિસ્તારમાં આવેલું છે અને મ્યુઝિયમ સવારના ૧૦ થી સાંજના ૬ દરમિયાન ખુલ્લુ રહે છે. સોમવારે બંધ રહે છે તથા પ્રવેશ નિઃશુલ્ક છે..


છેલ્લા પાંચ વર્ષથી કેન્સરના દર્દીઓ માટે નિ:શુલ્ક હોમ કેર સેવા અપાય છે

થોડા સમય પહેલા એક જ ગામમાં ૩૦ ટકા કરતા વધુ લોકોને કેન્સર છે તેવા સમાચાર પ્રકાશમાં આવ્યા હતા. દેશભરમાં કેન્સરની વધતી સમસ્યા સામે તેનો કોઈ ઉપાય આપણી પાસે નથી ખાસ કરીને છેલ્લા સ્ટેજના કેન્સરના દર્દીઓને કિમોથેરથી, રેડીઓથેરપી, ઓપરેશન કે અન્ય કોઈ પ્રકારની કેન્સરની ટ્રીટમેન્ટ ફાયદા કારક નથી રહેતી ત્યારે દર્દી તથા તેના સગા સબંધીઓની પરિસ્થિતિ ઘણી કરુણાજનક બની જતી હોય  છે. આવી પરિસ્થિતિને પાર પાડવા અને ખર્ચાળ હોસ્પિટલોના ચાર્જથી  રાહત મળી રહે તે હેતુથી શિવરંજની ચાર રસ્તા પાસે શ્યામ ઓન્કોલોજી ફાઉન્ડેશન દ્વારા કરૃણાલય કેન્સર પેલીએટીવ કેર સેન્ટરની શરુઆત કરી છે. જેમાં  દર્દીની પીડા જેવી કે અસહ દુ :ખાવો, શ્વાસની તકલીફ, ઉબકા-ઉલટી, ઝાડા જેવી ખરાબ પરિસ્થિતિ ઓછી થઈ શકે તે માટે તબીબી કાળજી લેવામાં આવે છે તેમજ દર્દીને ત્યાં રહેવાનું, જમવાનું, દવાઓ, કાઉન્સલીંગ નિ :શુલ્ક કરી અપાય છે. આ અંગે માહિતી આપતા મેનેજિંગ ટ્રસ્ટી સોનલબહેન શાહ કહે છે કે અમે છેલ્લા સ્ટેજ પર કેન્સર સામે લડી રહેલા દર્દીઓને ‘જીવનમાં દિવસો નહીં પણ દિવસોમાં જીવન ઉમેરવાનું કામ કરીએ છીએ’ અહીં દર્દીને ખુશી મળે તે માટે સંગીત, ટી.વી, કેરમ, ચેસ જેવી એન્ટરટેન્ટમેન્ટની વ્યવસ્થા પણ કરવામાં આવી છે. તેમજ કોઈ પણ પ્રકારના ધર્મ કે જાતીનો ભેદ ભાવ રાખ્યા વગર દરેક દર્દીને તેના ધર્મ પ્રમાણે તહેવારની ઉજવણી કરાવાય છે. અને દર્દી સાથે આવેલા સગાને પણ અહીં નિ :શુલ્ક રાખવામાં આવે છે. ૨૦૧૨થી લઈ આજ સુધી અહીં ૧૦૦૦ જેટલા દર્દીઓ સારવાર લઈ ચૂક્યા છે. જો કેન્સરનો દર્દી છેલ્લા સ્ટેજમાં હોય અને તે હોસ્પિટલ જવા ન માંગતો હોય તો કરુણાલય ટ્રસ્ટના ડોક્ટરો, કાઉન્સલર, સોશ્યલ વર્કર અને સીસ્ટરની એક ટીમ દર્દીના ઘરે જઈને તેમને સારવાર પુરી પાડે છે જો દર્દી હોસ્પિટલમાં રાત્રે રોકાવવા ન ચાહે તો તેમને સવારથી સાંજ સુધી નિ :શુલ્ક દવાઓ, બે ટાઈમનું ભોજન અને દિવસ દરમિયાન રહેવાની વ્યવસ્થા પણ કરી આપાય છે.

દર્દીઓને બધી નિ:શુલ્ક સેવાઓનો લાભ મળશે

– ઘરે બેઠા કાઉન્સલીંગ
– તમામ પ્રકારની દવાઓ
– દર્દીઓને રહેવા, જમવાની સગવડ
– દર્દી સાથે સગાને રહેવાની સગવડ
– દર્દીના છેલ્લા દિવસોમાં શકય તેટલો આનંદ આપવા પ્રયાસ
– દર્દીના સગાવાહલાનું અને દર્દીનું કાઉન્સલીંગ


અમદાવાદ ગાંધીરોડ પરના ચોપડા બજારમાંથી સસ્તા પુસ્તકો મળે છે

પુસ્તકો પરના ડિસ્કાઉન્ટમાં વિદ્યાર્થીઓને ઘણી સરળતા રહે છે.

Book Market - Ahmadabad

Book Market – Ahmadabad

શાળા કોલેજોમાં પરીક્ષાઓ પૂરી થઇ જાય કે તરત જ કેટલાંક વિદ્યાર્થીઓ અને તેઓના મા – બાપ અભ્યાસના પુસ્તકો અને નોટ – ચોપડા વગેરે પસ્તીમાં વેચી દેતા હોય છે તો કેટલાંક મા – બાપ આ જૂના પુસ્તકો વેચી દઇ જૂનામાંથી આગળના ધોરણના પુસ્તકો ખરીદવાનો આગ્રહ રાખે છે જેનાથી તેઓને જૂના પુસ્તકમાંથી કેટલુંક વળતર મળી રહે છે અને નવા ખરીદવામાં પણ ડિસ્કાઉન્ટનો લાભ મળી રહે છે. જૂના પુસ્તકના લે વેચ માટે અમદાવાદના ગાંધીરોડ પરનો ફર્નાન્ડીઝ બ્રીજ નીચેનું પુસ્તક બજાર સમગ્ર ગુજરાતમાં પ્રખ્યાત હતું. ગુજરાતના ખૂણે ખૂણેથી સ્ટુડન્ટ્સ અને મા-બાપ અહીં પુસ્તકની લે વેચ માટે આવતા હતા. છેલ્લા કેટલાંક વર્ષોથી દરેક વિસ્તારમાં ઠેર ઠેર સ્ટેશનરીની દુકાનોમાં પણ જૂના પુસ્તકોની લે – વેચ થવાનું ચાલુ થઇ છે કે છતાં આ બજારમાં મંદીની ઝપટમાં આવ્યું નથી. અહી છેલ્લા ૧૭ વર્ષથી પુસ્તકની લે – વેચના વ્યવસાય સાથે સંકળાયેલા કહે છે કે અમદાવાદનું આ પુસ્તક બજાર સમગ્ર ગુજરાતમાં પ્રખ્યાત છે. બજારમાં ૮૦ થી પણ વધુ દુકાનો અને નાની ઘણી છૂટક દુકાનો છે દરેક પ્રકારના પુસ્તકો અહીં સરળતાથી ઉપલબ્ધ છે  ઉપરાંત જૂના પુસ્તકોની લે – વેચ પણ અહીં થાય છે. ખાસ કરીને અહીં કોલેજીયન અને ધોરણ ૯ના પુસ્તક વેચવા અને ધોરણ ૧૦ ના પુસ્તક ખરીદવા હાલ વધુ લોકો આવે છે. ખાસ કરીને જૂન મહિનામાં લોકોનો ધસારો વધુ રહે છે ત્યારે જમવાનો પણ સમય મળતો નથી કે વાતચીત કરવાનો પણ સમય મળતો નથી આજે પણ આ માર્કેટ એટલા જ જોમ સાથે ધમધમે છે  અહીં તમામ પ્રકારના અભ્યાસક્રમની જૂની અને નવી પુસ્તકો મળે છે. જો કોઇ ચોપડી ફાટી ગઇ હોય કે વ્યવસ્થિત ન હોય તો તેનું બાઇન્ડીંગ કરી ફરી તેને વેચવામાં આવે છે. વળી જો કોઇએ અહીંથી જૂની ચોપડીઓ ખરીદી હોય અને તે જ પુસ્તક પાછી આપવા આવે તો તેના ૫૦ ટકા રૃપિયા પરત મળે છે. અહીંયા પુસ્તકો પર ડિસ્કાઉન્ટ પણ મળે છે. જ્યારે અમારી પાસેથી જૂનામાં ખરીદે તો જૂની ચોપડી પર અમુક ટકા વળતર, ગાઇડો પર પણ વળતર આપવામાં આવે છે. સવાર થી સાંજ આ બજારની કંઇક અનોખી રોનક હોય છે


રામોલમાં રહેતા હિન્દુ ધોબી પરિવાર ૨૦૦ વર્ષથી તાજિયા કાઢે છે

Hindu Family Tajiya

Hindu Family Tajiya

ભારતને બ્રિટિશ શાસનમાંથી આઝાદી અપાવા માટે ઘણા હિન્દુ-મુસ્લિમ પરિવારોએ એક સાથે મળી જંગ લડી હતી. આજે વર્ષોના વાણા વાયા પછી પણ આ કોમી એકતા વાતાવરણ ભારતમાં બુલંદ છે.  કોમી એક્તાનું આવું જ શ્રેષ્ઠ ઉદાહરણ રામોલમાં રહેતા હિન્દુ ધોબી પરિવારે પુરું પાડયું છે. જેમાં તેમની ૧૧ પેઢી (અંદાજે ૨૦૦ વર્ષ)થી  મિરઝાપુર ખાતે તાજિયા કાઢી રહી છે. કનોજીયા ધોબી પરિવારના બાબુભાઈ અને તેમની બહેન મુંગીબેન બન્ને સંતાનો સાથે મળી મિરઝાપુર ખાતે તાજિયા કાઢે છે. આ ભાઈ-બહેનની જોડી તાજિયા માટે રામોલથી સહપરિવાર સાથે દર વર્ષે મહોરમમાં મિરઝાપુર ત્રણ ખૂણીયા ખાતે આવીને તાજિયા નીકળે છે. તેમની આ કોમી એકતાની પ્રવૃતિમાં તમામ ધોબી પરિવારના યુવાનો પણ સાથે જોડાઈને તાજિયામાં જોડાય છે.

બાબુભાઈ શીવનારાયણ નામના તાજિયાને મુસ્લિમ બિરાદરો દ્વારા પણ ખૂબ માન- સન્માન આપવામાં આવે છે. આ હિન્દુ તાજિયાને જુલુસમાં કોમી એક્તાનું પ્રતિક માની તેમના તાજિયાને પ્રથમ નંબરમાં રાખી સૌથી આગળ રાખવામાં આવે છે. મહોરમના દિવસને ઈમામ હુસૈને જે સહાદત વહોરી હતી તે સહાદતને યાદમાં મનાવવામાં આવે છે. એવું લોકવાયકા છે કે જો મહોરમમાં તાજિયા કાઢવાની માનતા રાખવામાં આવે તો ઈમામ હુસૈન તમારી પ્રાર્થના કબૂલ કરે છે. આ ધોબી પરિવાર પણ અંદાજે ૨૦૦ વર્ષ પહેલા પોતાની માનતા પુરુ થતા તાજિયા કાઢ્યા હતા. આસ્થાનું ઝરણું આજે પણ ધોબી પરિવારે કાયમ રાખ્યું છે.


ભારતીય ધરતી પર પ્રથમ વન ડે અમદાવાદમાં રમાઇ હતી

First One Day

First One Day

૨૫ નવેમ્બર ૧૯૮૧..  ૩૨ વર્ષ અગાઉનો આ દિવસ ભારતીય ક્રિકેટ તેમજ અમદાવાદ માટે એક વિશેષ મહત્વ ધરાવે છે. આ દિવસે અમદાવાદના નવરંગપુરા ખાતે આવેલા સરદાર વલ્લભભાઇ પટેલ સ્ટેડિયમમાં ભારત અને ઇંગ્લેન્ડ વચ્ચે વન ડે મેચ રમાઇ હતી. આંતરરાષ્ટ્રીય ક્રિકેટની આ ૧૨૫મી પરંતુ ભારતીય ધરતી ઉપર રમાયેલી

તે સૌ પ્રથમ વન ડે મેચ. હાલ બાંગ્લાદેશ, ઝિમ્બાબ્વેની જેવી ગણના છે તેવી જ સ્થિતિ તે સમયે ભારતીય ટીમની હતી. ૪૬-૪૬ ઓવરની આ વન ડે મેચમાં ઇંગ્લેન્ડના સુકાની કિથ ફ્લેચરે ટોસ જીતી ભારતને પ્રથમ બેટિંગ માત્રે આમંત્રણ આપ્યું હતું. સુનીલ ગાવસ્કરની આગેવાની હેઠળની ભારતીય ટીમમાં ક્રિસ શ્રીકાંત, દિલીપ વેંગસરકર, ગુંડપ્પા વિશ્વનાથ, કિર્તી આઝાદ, મદનલાલ, સૈયદ કિરમાણી, રવિ શાસ્ત્રી, રોજર બિન્ની, દિલીપ દોષી જેવા પ્લેયર્સનો સમાવેશ થતો હતો. ઇંગેલેન્ડની ટીમમાં ગ્રેહામ ગૂચ, જયોફ બોયકોટ, ઇયાન બોથમ, માઇક ગેટિંગ, ડેરેક અંડરવૂડ, બોબ વિલિસ જેવા સ્ટાર્સનો સમાવેશ થતો હતો. ભારતની શરૃઆત નબળી રહી હતી અને ઓપનર્સ સુનીલ ગાવસ્કર, ક્રિસ શ્રીકાંત ખાતું ખોલાવ્યા વિના જ પેવેલિયન પાછા ફર્યા હતા. દિલીપ વેંગસરકરના ૮૫ બોલમાં ૪૬ અને કિર્તી આઝાદના ૫૮ બોલમાં ૩૦ રનની સહાયથી ભારત ૭ વિકેટે ૧૫૬ રન નોંધાવી શક્યું હતું. ઇંગ્લેન્ડને આ લક્ષ્ય વટાવવામાં કોઇ સમસ્યા નડી નહોતી અને તેણે ૪૩.૫ ઓવરમાં પાંચ વિકેટે વિજય મેળવ્યો હતો. ઇંગ્લેન્ડ માટે માઇક ગેટિંગે સૌથી વધુ ૬૮ બોલમાં ૪૭ રન નોંધાવ્યા હતા. ભારત માટે રોજર બિન્નીએ સૌથી વધુ ત્રણ વિકેટ ખેરવી હતી.

નવરંગપુરા સ્ટેડિયમનું ૧૯૫૦માં ભૂમિપૂજન કરાયું હતું જયારે ૧૯૬૫માં ખૂલ્લું મૂકવામાં આવ્યું હતું. ભારતના ચાર્લ્સ કોરિયાએ આ સ્ટેડિયમની ડિઝાઇન તૈયાર કરી છે. ચાર્લ્સ કોરિયા અગાઉ જવાહર કલા કેન્દ્ર, નેશનલ ક્રાફટ્સ મ્યુઝિયમ, ભારત ભવન જેવા બિલ્ડિંગ પણ ડિઝાઇન કરી ચૂક્યા છે. ભૂતપૂર્વ મેયર શેઠ ચિનુભાઇ ચિમનભાઇ, નરોત્તમ કે ઝવેરી, માર્તંડરાય શાસ્ત્રી, જયંતિલાલ કુસુમગર, જીતેન્દ્ર ઠાકોર, હરિપ્રસાદ ઠાકોર, રમણલાલ પરીખે આ સ્ટેડિયમના નિર્માણમાં મહત્વની ભૂમિકા અદા કરી હતી. નવરંગપુરા સ્ટેડિયમ ખાતે આ પછી એકપણ આંતરરાષ્ટ્રીય ક્રિકેટ મેચનું આયોજન થયું નથી.