ATUL N. CHOTAI

a writer – since 2014


દ્વારકાના યુવાનો દ્વારા ગાય માતાની માનવતાભરી સેવા થાય છે

Cow in Dwarka

Cow in Dwarka

કૃષ્ણનગરી દ્વારકામાં યુવાનો દ્વારા જ બનેલા સિધ્ધનાથ ગૌ સેવા ગૃપના પંદર સભ્યો  નિયમિત રીતે રાત્રે સાડા અગીયાર થી એક દરમ્યાન ભગવાન કૃષ્ણને પ્રિય એવી ગાયોને દરરોજ લીલો ચારો ખવડાવે છે.  આ બાર થી તેર યુવાનો દ્વારા સ્વભંડોળ ઉભુ કરી દરરોજ લગભગ ત્રીસ થી પાત્રીસ મણ જેટલું નીરણ દ્વારકા શહેરના વિવિધ ભાગોમાં મુખ્યત્વે તરછોડાયેલ કે નધણિયાત ગાયોને ખવડાવવામાં આવે છે. ગાયની સેવાના નામે અનેક લેભાગુ લોકો પોતે મેવા ખાઈ જાય છે છે તેવા સમયે દ્વારકાના યુવાનો દ્વારા ગાયમાતાની માનવતાભરી નીરંતર રાતપાળી ની સેવા સમગ્ર શહેરમાં પ્રશંસનીય બની છે અને આ યુવાનો નું લક્ષ્ય સમગ્ર વિસ્તારની ગાયો કયારેય ભુખી ન સુવે તે જ છે.

Advertisements


પોરબંદરમાં સુદામા મંદિરે પીપળાની પ્રદક્ષિણા કરવા દરરોજ ગાય આવે છે

Cow

Cow

પોરબંદરમાં માત્ર માણસો જ નહીં પરંતુ એક ગૌમાતા પણ દરરોજ નિયમિત સવારે એક પીપળા પાસે આવે છે અને ત્યાં દેવી દેવતાઓની તસ્વીરને માથુ નમાવ્યા બાદ પ્રદક્ષિણા કરે ત્યારે તેને નિહાળીને સૌ કોઈ આશ્ચર્યચકિત થઈ જાય છે.

પોરબંદર શહેર કૃષ્ણસખા સુદામાજીનું મંદિર આવેલું છે, આ સુદામામંદિરના પટાંગણમાં ચામુંડા માતાજીના મંદિર નજીક એક પીપળાનું વૃક્ષ આવેલું છે અને મંદિરમાં દર્શન કરવા આવતા લોકો પીપળાને પાણી પણ રેડતા હોય છે પરંતુ મહત્વની વાત એ છે કે, અહીંયા પીપળાના થડ પાસે દેવીદેવતાઓની છબી ઓટલા ઉપર રાખેલી છે અને દરરોજ સવારે એક સફેદ રંગની ગૌમાતા અચુકપણે અહીંયા આવે છે અને માતાજી સહિત દેવી દેવતાઓની છબીને માથુ નમાવ્યા બાદ પીપળા ફરતે ઓટલા ઉપર જ પ્રદક્ષિણા કરે છે.

અહીં આવતા પ્રવાસીઓ પણ ગૌમાતાની આ હરકતને આશ્ચર્યથી એટલા માટે જુએ છે કે, જે રીતે માણસો પીપળાની પરીક્રમા કરે અને માથુ નમાવે એ જ રીતે આ ગૌમાતા પણ પીપળાનું પુજન કરવા જાણે આવી હોય તેમ મસ્તક નમાવ્યા બાદ પીપળાની પ્રદક્ષિણા કરે ત્યારે પલભર માટે તો લોકો પણ ત્યાં ગાયની પ્રદક્ષિણા જોવા થંભી જાય છે.