ATUL N. CHOTAI

a writer – since 2014


રાજકીય દખલગીરીથી પણ આપણને આઝાદી મળવાની જરૂર છે

આપણો ભારત દેશ એ બિનસાંપ્રદાયિક અને કૃષિપ્રધાન દેશ છે. આપણાં દેશના વીર સપૂતોએ આપેલા મોંઘેરા બલીદાનો ને લીધે આપણે સહુ આજે સુખેથી – શાંતીથી રહી શકીએ છીએ. આઝાદી મળ્યા પછી આપણે ઘણું આગળ વધ્યા છીએ પણ આપણી વહીવટી બાબતોમાં થતી રાજકીય દખલગીરીથી આપણો ધાર્યો વિકાસ થઈ શકતો નથી. બંધારણના નિયમ મુજબ આજે આપણા દેશ તથા રાજ્યોની ઘણી મહત્વની જગ્યાઓ ઉપર લોકોના પ્રતિનિધિ વતી રાજકીય લોકોને સ્થાન આપવામાં આવતું હોય છે અને આ રીતે સ્થાન મેળવેલા મોટાભાગના આગેવાનો લોકોનું કામ ઓછું અને પોતાનું કામ વધારે કરતા હોય છે અને આ લોકોને સરકારી કામગીરીમાં પણ કાઈ ખબર પડતી હોતી નથી અને પોતાની ઓફિસ ઉપર લોકોને આ સાહેબો મળતા પણ નથી હોતા લોકોના જરૂરી કામો કરવામાં નાટક કરતા આ આગેવાનો પોતે પણ કામ કરતા નથી અને બીજાને પણ કરવા દેતા નથી હોતા વહીવટી કાર્યોમાં પોતાનું હિત સચવાય, તેનો સ્વાર્થ પૂરો થાય, તેનો અહંમ સંતોષાય તો જ લોકોના કામો થાય નહીંતર ગમે તેવા સાચા અને સારા કામોને કોઈપણ બહાના હેઠળ ટલ્લે ચડાવી દેવામાં આવતા હોય છે.

આજે આપણા દેશના સંચાલનમાં રાજકીય લોકોની ઘણી મહત્વની ભૂમિકા હોય છે. રાજકારણમાં આજે સ્વચ્છ લોકો ઘણા ઓછા જોવા મળે છે. રાજકારણમાં આગળ વધવા ખોટા સાચા કામો થતા હોય છે અને આપણે જોઈએ પણ છીએ કે રાજકીય લોકોને કોઈ નીતિ નિયમો નડતા નથી. આજ વિચારધારાથી પ્રેરાઈને અસામાજીક તત્વો રાજકારણમાં જોડાય છે.  જેને લીધે આપણા દેશનો ધાર્યો વિકાસ થઇ શકતો નથી..

આપણા દેશ – રાજ્ય કે સંસ્થાના સંચાલનોમાં રાજકીય આગેવાનોની હકીકતમાં કોઈ ભૂમિકા હોતી નથી અને તેની કોઈ જરૂર પણ નથી હોતી આ બધી વ્યવસ્થાનું સુંદર સંચાલન આપણી વહીવટી પાંખ દ્વારા થતું હોય છે જો કે ઘણીવાર વહીવટી વડાઓ પણ પોતાની સલામતી અને લાભને ખાતર પોતાની આખો બંધ કરી લેતા હોય છે અને વહિવટી પાંખની પોસ્ટીંગ રાજકીય આગેવાનોની અનુકૂળતા મુજબ થતી હોય છે અને આ આગેવાનો પાછલા બારણેથી પોતાની ઈચ્છા મુજબનું શાસન ચલાવતા હોય છે. આ ઉપરાંત રાજકીય કામકાજો – વી. આઈ. પી. સરભરા જેવા કામકાજો પાછળ આપણા વહિવટી અને કુશળ લોકો રોકાયેલા જોવા મળે છે. જેને લીધે પણ લોકોના ઘણા મહત્વના કામો થતા નથી હોતા જો આપણે અને આપણા અધિકારીઓએ આવા રાજકીય આગેવાનોને કાયમી અનુકૂળ થઇ ને રહેવાનું હોય તો તે આપણી કમનસીબી પણ ગણાય છે અને આ પ્રકારની શાસન પદ્ધતિ આપણી લોકશાહીની ગરિમાને ઝાંખપ પણ લગાડે છે.

આજે આપણા દેશમાં દરેક ઠેકાણે રાજકીય દખલગીરી હવે સામાન્ય બની ગઈ છે અને હવે આ દખલગીરી જાહેર સંસ્થાઓમાં અને ખાનગી બાબતો પણ થવા લાગી છે. આપણે તનતોડ મહેનતથી ઉભી કરેલ સંસ્થાઓમાં પણ થોડાક સ્વાર્થ અને અદેખાઈ ખાતર આપણે રાજકીય આગેવાનો ને સ્થાન આપી દઈએ છીએ અને જે મોટાભાગે આપણા માટે નુકસાનકારક સાબીત થતું જોવા મળે છે. થોડા સમય પહેલા સુપ્રીમ કોર્ટ દ્વારા વહીવટી વડાઓને રાજકીય લોકો સાથે કામ કરવા માટેની ઘણી જરૂરી સૂચનાઓ આપી હતી જે આપણા દેશના હિત માટે એક આવકારદાયક બાબત ગણી શકાય..

આજે જયારે આપણે આઝાદીની ઉજવણી કરીએ છીએ ત્યારે આપણા દેશ – સંસ્થા કે સમાજની પ્રગતી માટે રાજકીય દખલગીરીથી પણ આપણને આઝાદી મળવાની જરૂર જણાય છે. સરકાર હસ્તકની વહીવટી બાબતો માંથી રાજકીય દૂષણ કાઢવા માટે તો કદાચ બીજો આઝાદી સંગ્રામ લડવાની જરુર પડે તેમ છે પણ આપણે જાગ્યા ત્યારથી સવાર સમજી આપણા લેવલે રાજકીય લોકોને બને ત્યાં સુધી આપણા કામકાજો થી દૂર રાખવા તે જ અત્યારના સંજોગોમાં આપણું – સમાજનું અને દેશનું હિત ગણાય માટે બહુજન હિતાય, બહુજન સુખાય ની ભાવનાને ધ્યાને લઈને એક સુંદર અને સ્વચ્છ વ્યવસ્થા ઉભી કરવામાં ચાલો આપણે સહુ સાચા અર્થમાં સહભાગી બનીએ….. જયહિંદ

સહુ વાચક મિત્રો ૬૯ માં પ્રજાસતાક પર્વ ની  ખુબ – ખુબ શુભેછાઓ…

 

– અતુલ એન. ચોટાઈ
પત્રકાર અને લેખક
રાજકોટ – ગુજરાત

Advertisements


સ્ટાફ મળતો નથી..!!

લેખન – સંકલન  : અતુલ એન. ચોટાઈ – રાજકોટ

આજના બેકારી અને મંદીના સમયમાં સ્ટાફ મળતો નથી એવી વાત સાંભળીને આપણને આશ્ચર્ય તો થાય જ પણ આમ તો દરેક જગ્યાએ આ મુજબની પરિસ્થિતિ છે જેમાં રાજકોટ – સૌરાષ્ટ્રનાં વાતાવરણને ધ્યાનમાં લઈએ તો આ વાત ખરેખર માનવી પડે આજે ન્યુઝ પેપરો તથા જોબ પ્લેસમેન્ટ એજન્સીઓ દ્વારા મોટેભાગે સ્ટાફની પસંદગી થતી હોય છે જેમાં જો મહેનતવાળું કામ હોય તો રિસ્પોન્સ ખુબ જ ઓછો મળે છે પણ ખુરશીમાં બેસીને કામ કરવાનું હોય તો ત્યાં અરજદારોની લાઈન થઇ જાય છે આજે આપણે ઘરકામ માટે બેન જોઈતા હોય કે નાના કામનો કારીગર અને ઓફીસબોય થી લઇ મેનેજર સુધી સ્ટાફ ન મળવાની ફરિયાદ એ પણ એક સમજવા જેવો પ્રશ્ન તો છે જ ..?? આપણા વડીલો એક જ પેઢી માં નોકરી કરતા કરતા વર્ષો કાઢી નાખતા અને સારા પ્રસંગોએ શેઠ દ્વારા અપાયેલ વસ્તુ કે પૈસાથી પ્રસંગોને પૂરો કરતા કે તહેવારો ઉજવતા પણ આજે એ પ્રથા સાવ નાબુદ થઇ ગઈ છે આજની પેઢી લાંબો સમય નોકરી કરતી નથી અને શેઠ દ્વારા અપાયેલ નવી જ વસ્તુઓ સ્વીકારે છે અને એ પણ પોતાની શરતોથી..!!

આપણે આ બાબતનાં કારણો જોઈએ તો સહુ પ્રથમ આજનો વેપારી પોતાના સ્ટાફ કરતા પોતાનું હિત વધારે વિચારે છે સ્ટાફ પાસેથી વધુમાંવધુ કામ લઇ અને ઓછામાં ઓછા પૈસા આપવાની વિચારસરણી લગભગ ઘણી જગ્યાએ જોવા મળે છે અને ઘણી વખત કોઈ વ્યક્તિનો અભ્યાસ ઓછો હોય અને અનુભવ વધારે હોય છે ત્યારે ધંધાના પ્રોગ્રેસ કરતા તેની પોલીસીને વધારે ધ્યાનમાં લે છે જેથી પણ તેમને યોગ્ય માણસો મળતા નથી હોતા અમુક વખતે માર્કેટિંગ સ્ટાફની ઘણી ડીમાન્ડ હોય છે  કેમ કે ધંધાના વિકાસમાં માર્કેટીંગનું મહત્વ ઘણું હોય છે  ત્યારે આવી ઓફરોમાં મુખ્ય વ્યક્તિ પોતે પણ જે કામ કરી શકતો ન હોય એથી પણ વધુ અપેક્ષા સ્ટાફ પાસેથી રાખે છે તો આજે ઘણી શૈક્ષણીક સંસ્થાઓ ૧૦૦ ટકા જોબની ગેરંટી આપે છે પણ જોબ સારી છે કે ટકશે..??  તેની ગેરંટી આપતી નથી આવી ઘણી લોભામણી બાબતોથી પણ ઘણા સારા લોકો સારી કંપનીઓ કે પેઢી સુધી પહોચી નથી શકતા બીજું નોકરી માટેના ઉમેદવારો પોતાનું નસીબ, કર્મ અને લાયકાત મુજબની જોબ સ્વીકરવા ને બદલે સીધા શેઠ જ થવા માંગે છે મહેનત કરવી ગમતી નથી અને ધીરજ રાખીને કાબેલિયત મેળવવાનો તેઓની પાસે સમય નથી અને પોતાના  શેઠ પાસે જેટલી સુવિધાઓ હોય તે તમામ સુવિધાઓ પોતાની પાસે હોવી જ જોઈએ તેવી માંગણી હોય છે  જેથી ઉમેદવારોની આવી વિચારસરણી પણ એક સારી ઓફરથી પોતાને વંચિત રાખે છે

આજનો જમાનો માહિતી અને જ્ઞાન – વિજ્ઞાનનો છે માટે અંગ્રેજી ભાષા – કોમ્પ્યુટર ઈન્ટરનેટનું જ્ઞાન – ગેજેટસની સમજણ પણ હોવી જરૂરી છે અને કોઈપણ નોકરી મેળવવા માટે આ લાયકાત અભ્યાસ ન કર્યો હોય તો પણ જરુરી બની જાય છે. ઘણા ઉમેદવારો આવું બધું શીખવા પણ નથી માંગતા અને સમજવા પણ નથી માંગતા આવા ઘણા કારણોથી સ્ટાફ ન મળવાની ફરીયાદ વધી રહી છે.  આજે આપણે સારી નોકરી કરીએ કે સ્વમાનભેર આપણો બિઝનેસ કરીએ આ બધી આવડતો ની સાથે નિષ્ઠા – મહેનત અને પ્રમાણીક્તા વગર આગળ નહિ વધી શકાય તો આજે દરેક નોકરીએ રાખનાર કે નોકરીમાં રહેનાર વ્યક્તિ પોતાની જાતને સામેવાળાની જગ્યાએ મૂકી જોવે પછી શું કરવું..? શું ના કરવું…?  તે તેમને સમજાઈ જાશે ઉપરાંત દરેક શેઠ પોતાના સ્ટાફને માણસ કરતા સ્વજન સમજે એ પણ જરૂરી છે અને દરેક ઉમેદવાર જે કોઈપણ કામ કરે તે તન – મન – ધનથી કરશે તો કદાચ બીજી કોઈ સારી વ્યક્તિ પણ તેની જરર કદર કરશે કેમ કે નસીબમાં ન હોય તો પણ મહેનતનો બદલો ઈશ્વર ને આપવો જ પડે છે. માટે બીજાને સ્ટાફ મળે કે ન મળે પણ આપણને રસ્તો જરૂર મળશે…!!