ATUL N. CHOTAI

a writer – since 2014


કુદરતી ઉપચાર દ્વારા રાહત દરે સારવાર આપવામાં આવે છે..

Chetanbhai Doshi

Chetanbhai Doshi

નેચરોપેથી એટલે વગર દવાએ સારવાર કરવાની કુદરતી ઉપચાર પદ્ધતિ. નેચરોપેથી એ માનવી દ્વારા તેના શારીરિક, માનસિક, નૈતિક અને અધ્યાત્મિક જીવનમાં કુદરત તેમજ પ્રકૃતિના સકારાત્મક સિદ્ધાંતો સાથે તાદાત્મ્ય કેળવવાની પ્રણાલી છે. નેચરોપેથીમાં મજબૂત આરોગ્ય, રોગ નિવારણ અને ઉપચારક તથા ફરી શક્તિ સંચયનું સામર્થ્ય રહેલુ છે. કુદરતી સારવાર દ્વારા ઉપચારમાં માત્ર રોગ જ નહીં, પરંતુ દર્દીના સમગ્ર શરીરની સારવાર થાય છે અને તેને ફરી ચેતનવંતુ બનાવાય છે. નેચરોપેથી ગંભીર અને લાંબા ગાળાની બીમારીથી પીડાતા દર્દીઓની સારવાર કરે છે. એટલું જ નહીં, પ્રમાણમાં ઓછા સમયમાં સારવાર કરે છે.

આ પદ્ધતિમાં દબાવી દેવાયેલા રોગોને બહાર લવાય છે અને પછી તેને કાયમને માટે દૂર કરી દેવાય છે. નેચરોપેથી દર્દીના શારીરિક, માનસિક, સામાજિક અને આધ્યાત્મિક એમ તમામ પ્રકારે એક જ સમયે સારવાર કરે છે. જે લોકો ડૉક્ટરો બદલીને અને જાતજાતની દવાઓ ખાઇને થાક્યા હોય એવાં લોકો હવે નેચરોપેથીનો આશરો લેતા થયા છે.

સ્વચ્છ ભારત, સ્વસ્થ ભારત ના સૂત્રને ઘ્યાનમાં રાખીને રાજકોટના જાણીતા નેચરોપેથ કન્સલ્ટન્ટ શ્રી ચેતનભાઈ દોશી દ્વારા દરેક પ્રકારની શારીરિક-માનસીક બીમારીઓ, કોઈપણ જાતના દુખાવાઓની દવા કે આડ અસર વગર કુદરતી ઉપચારથી રાહત દરે સારવાર અને માર્ગદર્શન આપવામાં આવે છે. આ સારવારમાં યોગા, પ્રાણાયામ, એક્યુપ્રેસર, આહાર-વિહારની પધ્ધતિ સહીતનું માર્ગદર્શન પણ આપવામાં આવે છે. દરેક લોકો વ્યક્તિગત રીતે પણ નક્કી કરેલા દીવસોમાં આ રાહત દરે સારવારનો લાભ લઇ શકે છે. જો પોતાના મિત્રવર્તુળ-ઓફિસ સ્ટાફ-સંસ્થાના માધ્યમ દ્વારા વધુ લોકોની સંખ્યા થાય તો આ રાહત દરે સારવાર રાજકોટના જે તે વિસ્તારોમાં અને સૌરાષ્ટ્રના દરેક સેન્ટરોમાં પણ આપવામાં આવે છે. તો આ રાહત દરે સારવાર મેળવવા માટે શ્રી ચેતનભાઈ દોશીનો મોબાઈલ નંબર ૯૩૭૪૧ ૯૩૬૧૫ (વોટ્સઅપ) ઉપર સંપર્ક કરી શકાય છે.  for patient naturopathy treatment by chetan bhai doshi rajkot gujarat india


રાજકોટમાં નિ:શુલ્ક ટીફીન સેવા ૧૬ વર્ષથી અવિરત ચાલી રહી છે..

tiffin seva

tiffin seva

ગુજરાતમાં આજે ગામે ગામ અલગ – અલગ સંસ્થાઓ અને લોકો દ્વારા સેવાયજ્ઞો ચાલતા હોય છે. જેમાં આપણે વાત કરીએ છીએ રાજકોટના ૨ણછોડદાસજીબાપુ આશ્રમ દ્વા૨ા પરમ પૂજયશ્રી સદગુરૂદેવ ભગવાનશ્રી ૨ણછોડદાસજી બાપુશ્રીનાં જીવન સિધ્ધાંતને ચિ૨તાર્થ ક૨ીને ૨ાજકોટમાં કોઈપણ વૃધ્ધ, નિ૨ાધા૨, શારિરીક ૨ીતે અશક્ત તથા સંતાનોથી ત્યજાયેલ વૃધ્ધ માં-બાપને ભૂખ્યા ના સૂઈ જવું પડે એ માટે શ્રી ૨ણછોડદાસજીબાપુ આશ્રમ દ્વા૨ા તેમના માટે ઘે૨ બેઠાજ બંને ટાઈમ ચાલે તેટલું પૌષ્ટીક અને શુધ્ધ ભોજનની નિ:સહાય લોકો માટેની નિ:શુલ્ક (મફત) ટીફીનની સેવા અને વ્યવસ્થા ક૨વામાં આવેલ છે.

શ્રી સદગુરૂ ટીફીન સેવા ૧૬ વર્ષથી અવિરત ચાલી રહી છે અને ૩૬પ દિવસ કોઈપણ સંજોગો કે વિધ્ન વચ્ચે પણ આ ટીફીન સેવા હંમેશા કાર્ય૨ત ૨હે છે. આ ટીફીન સેવામાં દ૨૨ોજ શ્રી સદગુરૂ પ્રસાદરૂપી ૨ોટલી, દાળ, ભાત, શાક તથા દ૨ ૨વિવા૨ે મિષ્ટાન તથા ફ૨સાણ આપવામાં આવે છે. પરમ પૂજયશ્રી ૨ણછોડદાસજીબાપુ આશ્રમ ફક્ત આવા લોકોની સેવા જ ઈચ્છે છે. માટે આપના ધ્યાનમાં આવા ગ૨ીબ, જરૂ૨ીયાતમંદ, નિ૨ાધા૨, અશક્ત, અપંગ, તથા સંતાનોથી ત૨છોડાયેલા વૃધ્ધ માં-બાપ હોય અને તેઓને ભોજનની આવશ્યક્તા હોય તો તેઓ પરમ પૂજય શ્રી ૨ણછોડદાસજીબાપુ આશ્રમ (શ્રી સદગુરૂ સદન ટ્રસ્ટ), શ્રી સદગુરૂ આશ્રમ માર્ગ, કુવાડવા ૨ોડ, ૨ાજકોટ-૩૬૦ ૦૦૩ ઉપર કાર્યાલયમાં સાંજે ૪ થી ૬ માં તેઓનાં નામ, સ૨નામા નોંધાવી જવા નમ્ર અપીલ ક૨વામાં આવે છે.

guredev ranchhoddas bapu sadguru ashram rajkot gujarat india provide free food for Old age persons Weak Neglected from offspring children parents Tiffin Food home service meal Totally, lentils, rice, vegetables


વિવિધ કઠોળ એ માનવશરીરને નવજીવન બક્ષતી પ્રકૃતિની અનુપમ ભેટ ગણાય છે..

Beans

Beans

સંકલનઃ- રશ્મિન યાજ્ઞિક,
પ્રાદેશીક માહિતી કચેરી
જયુબેલી બાગની અંદર
રાજકોટ – ૩૬૦ ૦૦૧

આપણી પૌરાણિક આયુર્વેદ પધ્ધતીમાં રસચિકિત્સામાં સમતોલ આહારને સ્વાસ્થ્ય માટે મહત્વપૂર્ણ પરીબળ ગણાવ્યું છે. દૈનીક આહારમાં ચરબીયુકત આહાર, કાર્બોહાઇડ્રેટ, પ્રોટીન અને ફાઇબરયુકત આહાર સાથે સમતોલ આહારને પ્રધાન્ય આપવામાં આવ્યું છે. કઠોળ વિવિધ પ્રકારની વનસ્પતિનાં બીજ છે જે વાર્ષિક ઉપજ છે અને વિવિધ પ્રકારના અલગ દેખાવ અને કદ વાળા હોય છે. કઠોળ મનુષ્ય અને પશુઓના ખોરાક માટે વપરાય છે. કઠોળ ખોરાકમાં જરૂરી છે કારણ કે તેમાં પ્રોટીન અને એમીનો એસીડની માત્રા વધારે હોય છે. તુવેર, ચણા, અડદ, મગ, મઠ, ચોળી, વટાણા, રાજમા, સોયાબીન, કળથી, મસુર સહિત અનેક પ્રકારના કઠોળનો રોજબરોજના આહારમાં વપરાશ થાય છે. કઠોળમાં ખાસ કરીને મગને સંજીવની બુટી સમાન ગણાવાયું છે. મગ એ માંદા વ્યક્તિને પણ બેઠું કરવાની ક્ષમતા ધરાવતું અને નવજીવન બક્ષતું કઠોળ પ્રજાતીનું ખેતઉત્પાદન છે. “મગ ચલાવે પગ” એ ઉક્તિ જીવનને સ્વસ્થ અને તંદુરસ્તી માટે મહત્વપુર્ણ હોવાની સાબીતી પુરી પાડતું આયુર્વેદનુ પ્રચલીત વિધાન છે.

ભારતમાં કઠોળની મહિમા પૌરાણીક સમયથી જ ચાલતી આવે છે. જુના પુરાતત્વીય સ્થળોએ પણ કઠોળના અવશેષો પ્રાપ્ત થયા છે. ભારતમાં પણ પુરાતાત્વીક સ્થળોએ મગના કાર્બોદિત દાણાઓ મળ્યા છે. ]આ ક્ષેત્રો છે હડ્ડપન સંસ્કૃતિ ક્ષેત્રનો પૂર્વ ભાગ જે પંજાબ અને હરિયાણામાં આવેલ છે. આ ક્ષેત્રમાં મળેલા દાણા ૪૫૦૦ વર્ષ જુના હોવાનું જણાયું છે. દક્ષીણ ભારતના કર્ણાટક રાજ્યમાં ૪૦૦૦ વર્ષ જુના મગના દાણાં મલ્યાં છે. દક્ષિણ ભારતમાં ૩૫૦૦ થી ૩૦૦૦ વર્ષ જુના મોટા કદના મગના દાણા મળ્યા છે. ૩૫૦૦ વર્ષ પહેલાં સમગ્ર ભારતમાં મગની ખેતી મોટા પાયે થતી હતી. ખેતી કરાયેલ મગ અહીંથી ચીન અને દક્ષિણ એશિયાના અન્ય ભાગોમાં ફેલાયા. આ ઉપરાંત ધાર્મિકવિધીમાં પણ મગ સહિતના કઠોળનો ઉપયોગએ પ્રાચિન સભ્યતામાં પણ કઠોળ અંગેની મહત્વતા ને દર્શાવે છે.

માનવ શરીરમાં કઠોળનું મહત્વ : માનવ શરીરમાં અંદાજે ૧૦૦ ટ્રીલીયન કોષનું બનેલું છે. એક ટ્રીલીયન એટલેકે એક અંક પાછળ ૧૨ મીંડા (૧,૦૦૦૦૦૦૦૦૦૦૦૦૦૦). આપણી રોજ બરેાજની દૈનિકક્રિયામાં અનેક કોષોનો નાશ થાય છે. જેને પુનઃપ્રાપ્ત કરવા આપણે ખોરાક લઇએ છીએ. આ કોષોનું ઉત્પાદન કરવામાં મહત્વપુર્ણ એવુ તત્વ એમીનો એસીડ છે. આપણા દૈનિક આહારમાં ૨૦ પ્રકારના એમીનો એસીડ હોય છે જે નવા સેલ બનાવે છે. આ એમિનો એસીડ પ્રોટીનમાંથી મળે છે. આપણા ધાન્ય પાકોની સાપેક્ષમાં કઠોળમાં એમીનો એસીડનીમાત્રા પ્રચુર પ્રમાણમાં હોય છે. ધાન્ય પાકોની સાપેક્ષમાં કઠોળમાંથી મળતાં એમિનો એસીડમાં સલ્ફરનું પ્રમાણ ઓછું હોય છે. આથી તે માનવ હદયની રકતવાહિનીઓને બ્લોક થતાં બચાવે છે. આમ માનવશરીર માટે પ્રોટીનએ જીવનદાતા અને પ્રોષણદાતા છે.

કઠોળમાં સોયાબીનને બાદ કરતાં અન્ય ૧૦૦ ગ્રામ કઠોળમાં ૨૫ ટકા જેટલું પ્રેાટીન, ૧૪૦ મીલીગ્રામ કેલ્શિયમ,૩૦૦મીલી ગ્રામ ફોસ્ફરસ, ૮ મીલીગ્રામ આર્યન સહિત થાયમીન, રીબોફલેવીન અને નાએસીન જેવા તત્વો કુદરતી રીતે મોજુદ હોય છે. જે માનવશરીર માટે અનિવાર્ય છે. ટુંકમાં બહુકોષીય સજીવો માટે કઠોળએ આહારમાં આવશ્યક છે. સ્વસ્થ શરીર માટે દરરોજના આહારમાં ૮૦ ગ્રામ કઠોળ આવશ્યક છે. જેની સાપેક્ષે આપણા ભોજનમાં હાલ માત્ર ૪૦ ગ્રામ સરેરાશ કઠોળનો ઉપયોગ કરીએ છીએ.

ભારતએ વિશ્વમાં કઠોળનો સૌથી મોટો ઉત્પાદક અને ગ્રાહક દેશ પણ છે. દુનિયાના કુલ કઠોળ ઉત્પાદનમાં ભારતનો હિસ્સો ૨૫ ટકાથી વધુ છે. આમ છતાં ભારતમાં કઠોળના વપરાશને ધ્યાને લઇને ભારતે દર વર્ષે કઠોળ અન્ય દેશોમાંથી આયાત કરવું પડે છે. આંકડાકિય સર્વે અનુસાર વર્ષ ૨૦૧૯-૨૦ દરમિયાન કુલ ૨૬.૩૦ મીલીયન ટન કઠોળનું ઉત્પાદન થવાનો અંદાજ છે. ભુતકાળમાં ૨૦૦૭ થી ૨૦૦૧૨ સુધીના વર્ષોમાં કઠોળનું વાવેતર ૮૪૯૫ હેકટરમાં થયું હતું. જેમાંથી કુલ ૬૭૪૮ મે.ટન કઠોળનું ઉત્પાદન મળ્યું હતુ. આમ પ્રતિ હેકટર કુલ ૭૯૦ કિ.ગ્રા ઉત્પાદન હતું. પણ સરકારશ્રીની કઠોળના વાવેતરને પ્રોત્સાહક યોજનાઓ અને પોષણક્ષમ ભાવો આપવની યોજનાઓને અનુલક્ષીને ગુજરાતમાં ૨૦૧૯-૨૦ દરમયાન કુલ ૮૬૩ મે.ટન થી વધુ કઠોળનું ઉત્પાદન થવા જાય છે. એટલે કે ગુજરાતમાં અંદાજે સરેરાશ પ્રતિ હેકટર ૧૧૦૦ કિલોગ્રામ કઠોળનું ઉત્પાદન થવા જાય છે. જે વર્ષ ૨૦૧૮-૧૯ના પ્રતિ હેકટર ૧૦૦૦ કિ.ગ્રા કરતાં પણ વધુ છે. આમ ગુજરાતએ કઠોળ ઉત્પાદન ક્ષેત્રે સતત પ્રગતિ કરી રહયું છે. કઠોળક્ષેત્રે ભારત આત્મનિર્ભર બને તે માટે વડાપ્રધાનશ્રી નરેન્દ્રભાઇ મોદી દ્વારા અનેક પ્રોત્સાહક યોજનાઓ અને નિતિઓ અમલી બનાવાઇ છે.

ઉત્તમ કૃષિ ઉત્પાદનમાં કેઠોળના પાકના વાવેતરની અગત્યતા : જૈવિક ખેતીમાં અને ખેતીના વ્યવસાયને નફાકારક બનાવવા માટે વિવિધ પાકો સાથે કઠોળના પાકનું વાવેતર અનેક રીતે ફાયદાકારક છે. પૃથ્વી આબોહવામાં કુલ ૭૮ ટકા જેટલો નાઇટ્રેાજન વ્યાપ્ત છે પરંતુ વનસ્પતિ કે પ્રાણી આ નાઇટ્રેાજનનો સીધો ઉપયેાગ કરી શકતા નથી. કઠોળ પાકના વાવેતરથી કઠોળ પાકના મુળમાં પ્રવેશી વાતાવરણમાંથી નાઇટ્રોજનનું શોષણ કરી એમોનીયા સ્વરૂપે સ્થિરીકરણ કરે છે. વિવિધ કઠોળ પાકો તેમના જીવનકાળ દરમિયાન હેકટરદીઠ ૩૭ થી ૨૦૦ કિલો નાઇટ્રેજનનું સ્થીરીકરણ કરે છે. આ નાઇટ્રોજન અન્ય પાકને જરૂરી એવા નાઇટ્રેાજનની પૂર્તિ કરે છે. જમીનની સેન્દ્રીયતામાં વધારો કરે છે. ઉત્તમ ઉત્પાદકતા માટે જરૂરી દાણાદાર જમીન બનાવે છે. જમીનની નિતાર અને ભેજ સંગ્રહ શક્તિમાં વધારો કરે છે. કઠોળ પાકમાં ઝરતા સ્ત્રાવો સાથે વાવેલા અન્ય પાકો અને પછીથી વાવેતર થનાર પાકોની વૃધ્ધીને ઉત્તેજન આપે છે. તુવેર જેવા ટુંકા ગાળાના કઠોળ પાકો ઉત્પાદનનું સારૂ એવું વળતર પણ આપે છે. આમ આંતર પાક તરીકે તથા વિવિધ પાકની ફેરબદલી સમયે, જમીનની ફળદ્રુપતા ટકાવી રાખવા, જમીનજન્ય રોગો ઘટાડવા માટે જમીનના સ્તરનો કાર્યક્ષમ ઉપયોગ કરી અનિશ્ચિત વાતાવરણના જોખમોને નિવારવા માટે પણ કઠોળ પાકનું વાવેતર ઉત્તમ અને ફાયદાકારક બની રહે છે. પશુઓ માટે કઠોળયુકત પશુ આહાર દુધ ઉત્પાદકતામાં વધારો કરનાર બની રહે છે. ઉપરાંત પશુના ઉત્તમ આરોગ્યમાં પણ સહાયક બને છે.

કઠોળના ઔષધીય ગુણો : કઠોળએ સ્વસ્થ જીવન માટે અતિ આવશ્યક છે. તદઉપરાંત કઠોળના અનેક ઔષધિય ફાયદાઓ પણ છે. જેમાં કઠોળમાં ફાઇબરનું પ્રમાણ વધારે હોવાથી તે પાચનતંત્રને સુધારે છે. કબજીયાતને નિવારે છે. ચરબીનો ભાગ નહિવત છે. સૌદર્યના નિખારમાં પણ ખાસ કરીને વાળને મજબુત અને ચમકદાર બનાવવા અને ચામડીની સુંદરતા વધારવા માટે મગ, અડદ, ચણાના લોટનો ઉપયોગ કરવામાં આવે છે. એજ રીતે કળથી જેવી કઠોળ મુત્રાશયની પથરી દુર કરવામાં અકસીર પુરવાર થયું છે. તે શરદી, ઉધરસ, દમ, પથરી, તાવ, મેદ, કૃમિ, હરસ વગેરેનો નાશ કરનાર છે. કઠોળમાં રેસાઓનું પ્રમાણ વધારે હોવાથી તે કોલેસ્ટ્રેાલને નિયંત્રીત રાખવમાં મદદરૂપ થાય છે આ ઉપરાંત કઠોળમાં આવેલા સ્ટાર્ચ અને કાર્બોહાઈડ્રેટ ધીમે ધીમે શોષણ થતા હોવાથી મધુપ્રમેહ (ડાયાબિટીઝ) ના દર્દીઓ માટે ઉત્તમ ખોરાક બની રહે છે. ફણગાવેલા કઠોળનો નાસ્તો આયુર્વેદ શાસ્ત્ર મુજબ સર્વોત્તમ ગણાય છે. ફણગાવેલા કઠોળમાં એન્ટીઓક્સીડન્ટ તેમજ વિટામીન એ-બી-સી- ઈ ફોસ્ફરસ અને આર્યન, મેગ્નેશિયમ, ઝિંક જેવા બધા જ પોષક તત્વો આવેલા હોય છે. ફણગાવેલા અનાજ મા પોટેશિયમ તેમજ ફેટી એસિડ પણ આવેલા હોય છે. જે દિલના રોગો માટે ખૂબ જ મહત્વના છે. ફણગાવેલા અનાજ ખાવાથી બીપી કંટ્રોલમાં રહે છે. કોલેસ્ટ્રોલ ઓછું થાય છે. હાર્ટ એટેકનો ખતરો ઓછો જોવા મળે છે. કઠોળમાં મોટા પ્રમાણમાં ઉત્તમ એન્ટીઓકસીડન્ટ તત્વો રહેલા છે. જે શરીરને અન્ય રોગોથી બચાવ માટે જરૂરી છે. ફણગાવેલા કઠોળના સેવનથી આંખોને તેજ મળે છે. અસ્થમા અને શ્વાસના દર્દીઓ માટે પણ કઠોળ રોગ નિવારક ઔષધી બની રહે છે.

મોડલ સ્ટેટ તરીકે ગુજરાત રાજયની સિધ્ધીમાં એક ગૌરવપ્રદ યશકલગી : ગુજરાત રાજયએ કઠોળ ઉત્પાદનક્ષેત્રે અગ્રીમ સ્થાને છે. ભારત સરકાર દ્વારા ર૦૧૭-૧૮ના વર્ષમાં કઠોળ પાકોના ઉત્પાદન અને ઉત્પાદકતાની ઉત્કૃષ્ટતા માટે રાજ્ય સરકારના કૃષિ વિભાગને ‘કૃષિ કર્મણ એવોર્ડ’ એનાયત થયો હતો. જેમાં રૂા. ૧ કરોડનો પુરસ્કાર અને પ્રશસ્તિપત્ર રાજય સરકારને એનાયત કરાયા હતા. અત્રે એ નિર્દેશ કરવો જરૂરી છે કે, રાજ્યમાં ર૦૧૭-૧૮ના વર્ષ દરમ્યાન કુલ ૯.૦૮ લાખ હેકટર વિસ્તારમાં કઠોળ પાકોનું વાવેતર કરવામાં આવ્યું હતું. આ વાવેતર વિસ્તારમાં ૯.રર લાખ મેટ્રિક ટન કઠોળનું ઉત્પાદન રાજ્યના ધરતીપુત્રોએ મેળવેલું હતું. એવરેજ પ્રતિ હેકટર ૧૦૧૫ કિ.ગ્રા ઉત્પાદન મેળવેલ હતું. ગુજરાત કઠોળ ઉત્પાદન ક્ષેત્રે સતત આગળ વધી રહયું છે.

આહારમાં કઠોળની ઉપયોગીતા વિશે જાગૃતતા કેળવાય તે માટે હાલ મુખ્યમંત્રીશ્રી વિજયભાઇ રૂપાણી દ્વારા આવકાર અને સત્કાર સમારંભમાં ફુલોના હારને બદલે કઠોળની થેલી દ્વારા સત્કારની પરંપરાને અપનાવવામાં આવેલ છે. આ ઉપરાંત મમતા દિવસ અને પોષણ સપ્તાહની ઉજવણી અન્વયે માતા અને બાળકો તથા કિશોરીઓમાં એનીમીયા નાબુદી અર્થે વિવિધ પોષક આહાર સાથે કઠોળનો ઉપયોગ વધારવા જાગૃતિ કેળવવામાં આવે છે. ૧૦ ફેબ્રુઆરીનો દિવસ વિશ્વ કઠોળ દિવસ કહેવાય છે. હાલના જંક ફુડ અને પોષણવિહિન ખોરાકને કારણે વિશ્વમાં વ્યાપ્ત અનેક રોગો સામે કઠોળ જેવા ઉત્તમ આહારને જીવનમાં પ્રતિદિન સેવનની આરોગ્યપ્રદ ટેવ અપનાવીએ તો જ સ્વસ્થ ભારત અને તંદુરસ્ત સમાજનું નિમાર્ણ શકય બનશે.


પ્રકૃતિ શિક્ષણ આપતું એક માત્ર હિંગોળગઢનુ અભ્યારણ્ય..

hingolgadh abhyarn

hingolgadh abhyarn

રાજકોટની ભાગોળે ૨૩૦ થી વધુ પંખીઓ અને વન્ય જીવોને જોવા જાણવાનો અવસર અને પ્રકૃતિને જાણવા માણવા શહેરથી બહાર નૈસર્ગીક વાતાવરણ જેવા કે જંગલ, વન કે અભ્યારણ્યની સંગાથે મહાલવું પડે. શહેરની ભીડભાડથી શાંત નૈસર્ગીક વાતાવરણમાં પશુ પંખીને જોવા જાણવાનો અને શાંતિનો અનુભવ થાય. નયનરમ્ય અલૌકીક વાતાવરણમાં પ્રાકૃતિક માહોલની અનુભૂતિ વર્ણવી ન શકાય. ખાસ કરીને વિદ્યાર્થી કાળમાં પ્રકૃતિને જોવા સમજવાનો અનેરો ઉત્સાહ હોય છે. સહાયક વન સંરક્ષક, ગીર ફાઉન્ડેશન, ગાંધીનગર દ્વારા વિદ્યાર્થીઓ માટે ખાસ પ્રકૃતિ શિક્ષણ શિબિરનું આયોજન કરવામાં આવે છે. આ વર્ષે 30 શિબિરમાં ૧૫૦૦ જેટલા વિદ્યાર્થીઓએ ભાગ લીધોહતો. આ શિબિર ત્રણ દિવસ બે રાત્રીની હોઈ છે જેમાં રહેવા જમવાની સુવિધા પુરી પાડવામાં આવે છે. અહીં દસ રૂમ છે. આ શિબિરમાં વિદ્યાર્થીઓને જંગલ વિશે, ઝાડપાન, વન્ય પ્રાણીઓની માહિતી તેમજ સાપ વિશે માહિતી આપવામાં આવે છે. આ ઉપરાંત ચેકડેમ સહિતના વિવિધ કામોની માહિતી અને મુલાકાત, ભેજ સંરક્ષણ અંગે માહિતગાર કરવામાં આવે છે. આ શિબિરમાં જોડાવા ગીર ફાઉન્ડેશન ગાંધીનગર અરજી કરવાની હોય છે.

૬૫૪.૧ હેક્ટરમાં ફેલાયેલ રાજકોટ જિલ્લાના જસદણ તાલુકામાં આવેલ આ અભ્યારણ્યમાં ગિરાડ, ખપાટી, વિકરો, કાચયાડી, હરમો બાવળ, દેશી બાવળ જેવા વૃક્ષો છે. અહીં નવરંગ, દુધરેજ, થરતારો, મોર, બુલબુલ સહીત ૨૩૦ જેટલા પક્ષીઓ, ૧૯ જાતના સાપ, નીલગાય, હરણ,ચિંકારા, ઝરખ,સાહુડી સહિતના વન્ય પ્રાણીઓ જોવા મળે છે. ખાસ કરીને ચોમાસાની શરૂઆત અને શિયાળા દરમ્યાન અહીં મુલાકત લઈ આ પ્રકૃતિનો આનંદ લઈ શકાય છે. (માહિતી બ્યુરો -રાજકોટ)


પ્રભાસતિર્થમાં માત્ર ૪ વર્ષનાં હેમાંગ ઠાકરને યજુર્વેદના શુધ્ધમંત્રો કંઠસ્થ છે..

hemang thakar

hemang thakar

પ્રભાસપાટણના સોમનાથ તીર્થક્ષેત્રના મુખ્ય એરિયા ગણાતા રામરાખ ચોક વિસ્તારમાં સમસ્ત બ્રહ્મસમાજની વાડીમાં ભગવાન બાલાજી (શ્રીકૃષ્ણ) તથા હનુમાનજીનું મંદિર છેલ્લા ૧૧૧ વર્ષથી વિદ્યમાન છે. જયા સંત પરંપરા મુજબ નિત્ય સવાર – સાંજ આરતી અને પૂજાઓ થાય છે. સમગ્ર ગુજરાતમાંથી બ્રહ્મસમાજના અનેક પરિવારો આ જગ્યાની મુલાકાતે આવે છે.

સોમનાથ સમસ્ત બ્રહ્મસમાજના વર્તમાન પ્રમુખ હિતેશભાઇ જોષીના સક્રિય પ્રયાસોથી બ્રહ્મસમાજની આ વાડીમાં છેલ્લા ત્રણેક વર્ષથી બ્રાહ્મણોને વેદ અને શાસ્ત્રોકત પુજા વિધિઓ શિખવતી તદન નિઃશુલ્ક સંસ્કૃત પાઠશાળા શરૂ કરવામાં આવી છે. જેમાં બ્રહ્મસમાજના ઘણા વિદ્યાર્થીઓ વડીલો અને બહેનો આ પાઠશાળામાં સંસ્કૃતાભ્યાસ માટે આવે છે. જેમાં ગુજરાત સરકારના એસ.ટી. ખાતાના નિવૃત કર્મચારી અનિલભાઇ ઠાકર તેની દિકરી ઇલાબેન નો માત્ર ૪ વર્ષનો પુત્ર હેમાંગ પણ આવે છે.

જેમાં ભાગ્યેજ જોવા મળે તેવું આશ્ચર્ય એ છે કે આ નાનો બાળક હેમાંગ સ્કુલે પણ જતો નથી, ગુજરાતી ભાષાનો એકડો પણ તે લખી – વાંચી શકતો નથી છતા પાઠશાળાના આચાર્ય શાસ્ત્રીજી ભાસ્કરભાઇ જોષી જયારે વિદ્યાર્થીઓને યજુર્વેદના મંત્રો ઉચ્ચ સ્વરે બોલીને નિત્ય જે પાઠ આપે છે ત્યારે આ નાનો બાળક હેમાંગ બાલ સહજ સ્વભાવ પ્રમાણે રમત કરતો – કરતો તેની માતાના ખોળામાં માંથુ રાખી આડે પડખે સુતો સુતો એક ધ્યાનથી સાંભળે છે અને બીજા દિવસે બધા વિદ્યાર્થીઓ ગુરૂજી પાસે પોતાનો પાઠ રજૂ કરે ત્યારે આ ચાર વર્ષનો બટુક શુધ્ધ અને કંઠસ્થ બોલી પોતાનો પાઠ પણ પ્રસ્તુત કરે છે.

આમાં ધ્યાન ખેંચતી બાબત એ છે કે ગુજરાતી લખતા કે વાંચતા જેને નથી આવડતું એ બાળક લેશ માત્ર અટકયા વિના યજુર્વેદના શુધ્ધ મંત્રો બોલે છે. હૃદયસ્થ કરેલું આ જ્ઞાન ત્યારથી ઉત્તરોત્તર ગુરૂશિષ્ય પરંપરા પધ્ધતિથી શ્રુતિ જ્ઞાન આપવામાં આવતું જેને ભારતીય ઋષિ સંસ્કૃતિમાં શ્રુતિ પરંપરા કહેવામાં આવે છે. આ પાઠશાળાની વિશેષતા એ જોવા મળે છે કે પિતા-પુત્ર, પિતા-પુત્રી-પૌત્ર એક સાથે ત્રણ પેઢી સંસ્કૃતાભ્યાસ માટે આવે છે. માત્ર ચાર વર્ષના આ બટુકને જોતા પૂર્વ કાલિન ઋષિ પરંપરાનું ચોકકસ સ્મરણ થાય છે. વેદમંત્રોની ઋચાઓ બોલતા આ નાના બાળકની વિડીયો કલીપ મેળવવા ઇચ્છતા શિવ ભકતોએ વિવેકભાઇ જોષી મો. ૯૬૮૭૫ ૪૬૦૨૪, પિનાકભાઇ જોષી મો. ૭૯૯૦૪ ૫૩૦૫૪ ઉપર સંપર્ક કરવા જણાવાયું છે.

hemang thakar veraval somnath gir prabhas patan gujarat india bhaskarbhai joshi brahma samaj brhmin temple sanskrit language study studen techer professor free education


ટાઢકે હવે સ્વરૂપ બદલ્યું : માટલાના સ્થાને બાટલા આવી ગયા..

mitesh ahir

mitesh ahir

– મિતેષ પી. આહીર
મો : ૯૭૨૫૦ ૫૫૨૯૯

ટાઢકે સ્વરૂપ બદલ્યુ છે. અત્યાર સુધી માટીના માટલા કે નાંદ દ્વારા ઠંડુ પાણી મેળવાતુ હતુ. પરંતુ શહેરોમાં હવે આ પ્રથા બદલાઇ ચુકી છે. માટીના માટલા કે નાંદના સ્થાને ચીલ્ડ વોટરના જગ ગોઠવાવા લાગ્યા છે. ખુબ સુગમ સરળ પડતી આ પેકેજ ડ્રીંકીંગ વોટર સપ્લાય સેવાને શહેરના ઓફીસ -દુકાન ધારકોએ ખુબ ઝડપથી સ્વીકારી લીધી છે. મીનરલ જેવા આ પ્રકારના શુધ્ધ અને ઠંડા પાણીના જગ ઓફીસ કે દુકાન સુધી નિમમિત રીતે પહોંચાડવામાં આવે છે. આમા મોટો ફાયદો એ રહે છે કે માટલાની જેમ પાણીના આવા જગ કે બાટલાને દરરોજ ધોવા વીછળવાની કડાકટુ રહેતી નથી. કેમ કે આ રીતનું ઠંડુ અને શુધ્ધ કરેલ પાણી પહોંચાડનારાઓ જ દરરોજે ખાલી જગ પરત લઇ જાય છે અને સાફ કરીને નવુ તાજુ પાણી ભરેલ જગ મુકી જાય છે. પરીણામે માટલા ધોવા વીછળવા કે પાણી ભરી જવાના કામ માટે કામવાળા રાખવાનો ખર્ચ પણ બચે છે.

સૌથી મોટો ફાયદો એ રહે છે કે આ પાણી સાદા પાણી કરતા થોડુ સેઇફ હોય છે. આ પાણીને સંપુર્ણ મીનરલ તો કદાચ ન ગણી શકાય.. તેમ છતા તેને શુધ્ધ કરવા આર.ઓ. પ્લાન્ટનો આશરો લેવાતો હોય છે. ૭૫ થી ૧૦૦ ટી.ડી.એસ. સુધીની પ્રક્રિયા કરવામાં આવે છેે. વળી લાંબો સમય ઠંડુ રાખવા પણ એટલી જ કાળજી ઉઠાવવામાં આવતી હોય છે. આ રીતનું પેકેજ ડ્રીંકીંગ વોટર સપ્લાય કરનારાઓના જણાવ્યા મુજબ પાણીને ઠંડુ કરવા ચીલીંગ પ્લાન્ટનો આશરો લેવામાં આવે છે. વોટર કુલીંગ પધ્ધતીથી રાત્રે જ પ્લાન્ટ પર પ થી ૬ ડીગ્રીએ પાણી ઠંડુ કરી જગ કે પેક બોટલોમાં ભરી લેવામાં આવે છે. બાદમાં સવારે ૮ થી ૧૦ ના સમયગાળામાં જે તે ઓફિસ કે દુકાન સુધી ડીલેવરી પહોંચાડવામાં આવે છે. દુકાન કે ઓફીસમાં મુકાયેલ આ જગમાં સાંજ સુધી પાણી ઠંડુ જ રહે છે. જો ઓફીસ કે દુકાન એ.સી. હોય તો બીજા દિવસ સુધી પણ પાણીમાં ઠંડક એવીને એવી જ જળવાઇ રહે છે.

ખાસ પ્રકારના આ જગની અંદર રહેલ પાણીમાં ઠંડકતા જળવાઇ રહેવા પાછળનું કારણ એ હોય છે કે આ જગને ખાસ એ રીતેજ તૈયાર કરાયો હોય છે. જગના બે પડ વચ્ચે પફ કે થર્મોનું આવરણ મુકવામાં આવ્યુ હોય છે. જે જગની અંદરના પાણીને બહારના તાપમાનના સંપર્કમાં આવવા દેતુ નથી. આમ દસ થી બાર કલાક આરામથી પાણીને ઠંડુ રાખી શકાય છે. આવા કન્ટેનરોમાં બે રીતની સેવા પુરી પાડવામાં આવતી હોય છે. નળ વાળુ કન્ટેનર અથવા સાદો બાટલો. જો કે ભાવમાં બહુ ફર્ક પડતો નથી. નળવાળા જગના રોજના રૂ. ૨પ થી ૩૦ વસુલાતા હોય છે. જયારે નળ વગરના પેટ બાટલાના રૂ. ૨૦ થી ૨પ લેવાતા હોય છે. આવી સેવા શરૂ કરાવવા બસ જે તે પેકેજ ડ્રીંકીંગ વોટર સપ્લાયરને ઓર્ડર આપી દયો એટલે દરરોજ સવારે તમારી નોંધાવેલ ઓફીસ કે દુકાને આવા પાણીનો જગ રીક્ષા કે ટેમ્પો મારફત આવી જાય છે. દરરોજ ભરેલુ મુકી જાય અને ખાલી પરત લઇ જાય.

મોટેભાગે દુકાન ઓફીસોમાં નળવાળો જગ મંગાવવામાં આવતો હોય છે. ગ્લાસ પણ ડીસ્પોજેબલ ઉયોગમાં લેવાય છે. એટલે ગ્લાસ ધોવા વીછળવાની પણ જરૂર રહેતી નથી. બધુ જ કેટલુ આસાન.. એક સર્વે મુજબ રાજકોટમાં આવા પેકેજ ડ્રીંકીંગ વોટરના લગભગ ૪૦ થી ૫૦ પ્લાન્ટ ધમધમતા હશે. એટલે માની લ્યોને કે દરરોજ આવા ૪ થી પ હજાર જગ-બાટલાની હેરાફેરી તો ચોકકસ થતી હશે. ઉનાળામાં આ આંક ઉંચો રહે છે અને ઓફ સીઝનમાં નીચો રહે છે. માત્ર રાજકોટ જેવા મોટા શહેર જ નહીં હવે તો મોરબી, ગોંડલ, જસદણ, ધોરાજી જેવા નાના સેન્ટરોમાં પણ આવી પેકેજ ડ્રીંકીંગ વોટર સપ્લાયની સેવા શરૂ થઇ ચુકી છે. જે આસપાસના નાના ગામડાઓને પણ આવરી લેતી હોય છે.

શહેરમાં તો ચાની હોટલ કે ભેળ, પાણી પુરી, પાંઉભાજી જેવી ખાણી પીણીની રેકડીઓમાં પણ આવા નળવાળા પાણીના જગ ગોઠવાયેલા જોવા મળે છે. માત્ર દુકાન – ઓફીસોમાંજ નહીં હવે તો કેટલાક રહેણાંક વિસ્તારોમાં પણ આવી સેવા ચાલુ થઇ છે. ઘરે પણે આવા ચીલ્ડ પાણીના બાટલા મંગાવવામાં આવે છે. જો કે ઘરે નળવાળા જગના બદલે માત્ર સાદા બાટલા મંગાવવામાં આવે છે. કેમ કે ઘરે તો માટલા કે સ્ટીલની કોઠી આપણે વાપરતા જ હોઇએ છીએ તેમાં આવા પાણીના બાટલા ઠલવી ઉપયોગ કરાય છે.

ખાસ કરીને મોટા શહેરોમાં તો આ પાણી સેવા ખુબ ફુલી ફાલી છે. કોઇપણ માર્ગ ઉપર સવારના સમયે ઉભા રહો એટલે એકાદ છકડો રીક્ષા કે છોટા હાથી જેવુ મેટાડોર આવા પેકેજડ ડ્રીંકીંગ વોટરના જગ અને પેટ બાટલાઓથી લદાયેલું પસાર થતુ અચુક જોવા મળશે. આ પ્રકારી વોટર સપ્લાય સેવા ચલાવનારાઓ સેવા આપવામાં ખુબ નિયમિત હોય છે. નિયત સમયે અચુક પાણી પહોંચાડી જ દયે છે. આરોગ્યની દ્રષ્ટીએ પણ આ સેવાને આવકારવામાં આવી છે, કેમ કે આ પાણી આર. ઓ. પ્લાન્ટની મદદથી શુધ્ધ કરેલુ હોવાથી તેમાં અશુધ્ધી ન હોવાનો દાવો આવુ પાણી પહોંચાડનારાઓનો છે. જેથી ક્ષાર કે અશુધ્ધીના કારણે જે લોકોને પથરી થઇ જવાનો ભય રહેતો હોય કે પેટમાં દુઃખાવાની ફરીયાદ રહેતી હોય તેઓ માટે પણ આવુ શુધ્ધ પાણી સેઇફ ગણાવાય છે.

લગ્ન પ્રસંગ હોય કે કોઇ ધાર્મિક પ્રસંગ હોય પાણીની વિશાળ માત્રામાં જરૂરીયાત ઉભી થાય છે. ત્યારે શહેરોમાં હવે આવા પેકેજડ ડ્રીંકીંગ વોટર સપ્લાયરોને આ કામ સોંપી દેવાય છે. બસ તમારી જરૂરીયાત મુજબ ઓર્ડર લખાવી દયો એટલે પાણીવાળા તેમની સેવા આપવા હાજર થઇ જાય છે. જો કે અહીં પાણીના થોડા મોટા કન્ટેનરોનો ઉપયોગ કરવામાં આવે છે. તો આવી છે પાણીની કહાણી… ગમે તેમ તોય આ પાણી વેચાતુ લેવુ પડે છે એ થોડી કમનશીબી જરૂર ગણાય. કોઇ આગમવાણી ભાખી ગયા છેને કે પાણી પણ પાવરે વેંચાશે. તે આજે સાચી પડી રહી છે.  હવે આ રીતે પાણી પણ પૈસા દઇને મંગાવવામાં આવી રહ્યા છે. ચા ની હોટલ હોય કે ખાણી પીણીની રેકડી હોય… આવા જાહેર સ્થળોએ તો માટલી કે માટલા કરતા આવા પ્લાસ્ટીકના જગ કે બાટલા જ સારા કેમ કે રોજે રોજ પાણી અને અને તેનો જગ બદલાતા તો રહે. અન્યથા માટીની માટલી કે માટલા જે તે હોટલ કે રેકડી ચાલક દ્વારા વિછળવાની બેદરકારી રાખવામાં આવે તો તેમાં કુરા (જીણી જીવાત) પડી જવાની પુરી શકયતા રહે છે. જયારે આવા કન્ટેનરોમાં કદાચ એ જોખમ ઓછુ રહે છે.

ઓફીસ કે ઘર શુધ્ધી પહોંચાડાતા આ પાણીની શુધ્ધતા અંગે કંઇ કહી ન શકાય. સપ્લાયરોનો તો દાવો હોય છે કે અમે સંપુર્ણ આર. ઓ. કરેલ શુધ્ધ પાણી જ પહોંચાડીએ છીએ. આ પાણી કયાંથી આવ્યુ અને કઇ રીતે શુધ્ધ થયુ તે જોવા જવાનો કોને સમય હોય છે. બસ આપણી ઓફીસ સુધી પાણીનો જગ કે બાટલા આવી ગયા એટલે પત્યુ..  પછી આગળની કોઇ ચિંતા કરતુ જ નથી. ત્યારે આવા સપ્લાયરો શુધ્ધતાની બાબતમાં કેટલી કાળજી લ્યે છે તે વાત તો ભગવાન ભરોસે જ રહે છે…


ભારતમાં નવા વર્ષની ઉજવણી વિવિધ રીતે થાય છે..

– વનિતાબેન રાઠોડ
આચાર્યા, શાળાનં – ૯૩,
રાજકોટ

હિન્દુઓનું નવુ વર્ષ એટલે દિવાળીનો બીજા દિવસ એટલે કે પડવો, બેસતુવર્ષ, નૂતન વર્ષની શરૂઆતએ તીથી મુજબ આસો વદ અમાસનો બીજો દિવસ, કાર્તિક માસનો પ્રથમ દિવસ કાર્તિક સુદ એકમ પરંપરા પ્રમાણે એક મહાઉત્સવની ઉજવણી સ્વરૂપે આ પર્વ ઉજવાયછે. મહારાષ્ટ્રમાં ગુડીપડવો તરીકે ઉજવાય છે.

હિન્દુ કેલેન્ડર મુજબ ચૈત્રી વર્ષ પ્રતિપદાએ નવુ વર્ષ એપ્રિલ માસમાં પણ નવું વર્ષ ઉજવાય છે. મુસ્લીમ કેલેન્ડર મુજબ મહોરમ વર્ષનો પ્રથમ માસ અને તેનો પહેલો દિવસ એટલે નવુ વર્ષ. પારસીઓનું નવું વર્ષ એટલે નવરોઝ. ૨૧ માર્ચ એ પતેતી કે નવરોઝ તરીકે ઉજવાય છે. નવા વર્ષની ઉજવણી માટેની તૈયારીઓ માટે ઘરની સફાઇ આગલા દિવસોથી શરૂ થાય. નવા વર્ષની ઉજવણીમાં નવા કપડા-નવી વસ્તુઓની ખરીદી, નવા વર્ષના દિવસે સગા સબંધી મિત્રોના ઘરે જવુ, અભિનંદન પાઠવવા, શુભકામનાઓ પાઠવવી, મીઠાઇ – ફરસાણ બનાવવામાં આવે છે. ઘર-ઇમારતોને શણગારવામાં આવે છે. બજારોમાં નવી રોનક આવે, રસ્તાઓ શણગારવા-સજાવવામાં આવે, ચોતરફ લાઇટીંગ અને ડેકોરેટીવ મટીરીયલ દેખાય છે.

પંજાબીઓનું નવુ વર્ષ બૈશાખી, નાનકશાહી. કેલેન્ડરનો પ્રથમ દિવસ ૧૩ કે ૧૪ એપ્રિલે આવે છે. બુધ્ધ ધર્મમાં વિવિધ દેશોમાં વિવિધ દિવસોએ નવુ વર્ષ ઉજવાય. ત્રણ દિવસ સુધી ઉજવાતા નવા વર્ષનું પર્વ એપ્રિલ માસનાં પ્રથમ પુનમના દિવસથી ત્રણ દિવસ સુધી ઉજવાય છે. સીંધી લોકોનું નવુ વર્ષ એટલે ચેટીચાંદનો પર્વ. ચૈત્ર માસનાં બીજા દિવસે જુલેલાલનાં જન્મદિનનાં માનમાં ઉજવાય છે. ઇસાઇ લોકોનું નવુ વર્ષ વિશ્વભરમાં સ્વીકારાયેલું કેલેન્ડર મુજબ જાન્યુઆરીના પ્રથમ દિવસે ઉજવાય છે.

ભારતનાં વિવિધ રાજ્યોમાં વિવિધ દિવસોએ નવા વર્ષની ઉજવણી વર્ષભરમાં અનેક દિવસોએ લોકોના ધર્મ મુજબ, પરંપરા મુજબ, માન્યતાઓ પ્રમાણે નવવર્ષ પર્વ ઉજવાય છે. જેમાં લોકોનાં ધર્મ મુજબ કે પ્રથા મુજબ પૂજા-પાઠ કે વિધિ વિધાન મુજબ ઉજવણી કરવામાં આવે છે. લોકોના વિવિધ પ્રદેશની વિવિધતા પ્રમાણેનાં પહેરવેશ તે પ્રદેશ મુજબની વાનગીઓ તથા તેમના રૂઢી-ગત રીવાજો મુજબની ઉજવણી કરે છે. ઉગાદીના પર્વને નવા વર્ષ તરીકે ચૈત્ર માસનાં પ્રથમ દિવસે કર્ણાટક, તેલંગાણા અને આંન્ધ્રપ્રદેશમાં ઉજવામાં આવે છે. વિશુ તહેવાર નવા વર્ષ તરીકે કેરલમાં ઉજવાય તો બૈશાખી પંજાબ, સિકિકમમાં શીખ લોકો નવા વર્ષ તરીકે ઉજવે.

પહેલા બૈશાખ બેંગાલી નવા વર્ષ તરીકે પશ્ચિમ બંગાળામાં ઉજવાય. પુથાન્ડુ તમીલનાડુમાં તમીલ કેલેન્ડરનાં પ્રથમ માસનાં પ્રથમ દિવસે ઉજવાય. ઉત્તરપૂર્વ ભારતમાં બાહેગ બીહુ નવા વર્ષ તરીકે ઉજવાય. ઓડિસામાં મહા વિશુવા સંક્રાતિ ઉડિયા કેલેન્ડર મુજબ ૧૪ કે ૧૫ એપ્રિલના નવા વર્ષનાં પ્રથમ દિવસે ઉજવાય. જુડે શિત્તલ પણ મૈથીલી નવુ વર્ષ બિહાર તથા ઝારખંડમાં નવા વર્ષ તરીકે ઉજવાય છે. હિન્દુ કેલેન્ડર મુજબ વિક્રમ સંવંતનું નવુ વર્ષ ચૈત્ર માસનાં પ્રથમ દિવસે ઉજવાય છે. જે ચૈત્રી નવરાત્રીનો પણ પ્રથમ દિવસ હોય છે. જે દિવસે ગ્રહ અને નક્ષત્રમાં પરિવર્તન થાય છે. તમીલનાડુમાં પોંગલ ૧૪ જાન્યુઆરીનાં નવુ વર્ષ ઉજવાય. કાશ્મીરી કેલેન્ડરમાં ૧૯ માર્ચનાં નવરેહના દિવસે નવુ વર્ષ ઉજવાય છે.

આમ ભારતનાં વિવિધ રાજ્યોમાં મૌસમ બદલાવ પ્રમાણે, તીથી મુજબ, નક્ષત્રો-ગ્રહોનાં સ્થાન બદલાવ મુજબ તો કયાંક પાકની લાગણીનાં અનુસંધાને નવા વર્ષની ઉજવણી થાય. જેમા સર્વ લોકો હર્ષ, ઉત્સાહ આનંદ-ઉમંગથી જોડાય છે. નવા વર્ષની ઉજવણીથી જીવનમાં નવો રંગ ઉમેરાય છે. જીવનમાં આંનદનાં નવા રંગોનો સંચાર થાય છે અને જીવન-ઉત્સાહ સંબંધોમાં નવી લાગણીઓનો વધારે થાય છે.


શું આજનો યુવાવર્ગ પોતાનો કિંમતી સમય આવીજ રીતે વેડફી નાખશે..?

today youth

today youth

કહેવાય છે કે ભારતની ૬૫ ટકા વસ્તી યુવા વર્ગની છે. યુવા શબ્દ જીવંતતા આનંદ, ઉત્સાહ અને ઝનૂન સાથે જોડાયેલો છે. કારણ કે યુવા પેઢીના લોકો જોમ અને જોશથી ભરેલા હોય છે. તેઓ નવી નવી વસ્તુને જાણવા માટે ઉત્સુક હોય છે અને વિશ્વમાં નવા નવા સંશોધનો કરવા તત્પર હોય છે. દેશનો યુવાવર્ગ એ આવતીકાલની આશા છે. યોગ્ય માનસિકતા અને ક્ષમતા સાથે યુવાવર્ગ રાષ્ટ્રના વિકાસમાં યોગદાન કરી શકે છે. રાષ્ટ્રને નવી ઉંચાઈએ લઈ જઈ શકે છે. આજનો યુવાન પ્રતિભા અને ક્ષમતાવાળો છે. પરંતુ આ તસ્વીરમાં બેઠેલો યુવાવર્ગ કંઈક અલગ પ્રકારની અવસ્થામાં બેઠેલો નજરે પડે છે.

આ તસ્વીર એક કોલેજ બહારની છે. જયાં આપણા દેશનો યુવાન રાષ્ટ્ર નિમાર્ણને બદલે રાષ્ટ્રને જાણે અધોગતિમાં લઈ જવો હોય એ અવસ્થામાં જોવા મળે છે. કોઈ યુવાન મોબાઈલની ગેમ રમવામાં તો કોઇ પબજી રમવામાં વ્યસ્ત છે તો કોઈ નિરાંતની પળો માણતો દેખાય છે. પોતાના માતા-પિતાને અભ્યાસ અર્થે જવુ કહીને ઘરેલી નીકળેલા આ યુવાનો પોતાની કોલેજ બહાર અભ્યાસને બદલે કિંમતી સમયને વેડફી નાખતા નજરે પડે ત્યારે થોડીક દુઃખની લાગણી પણ થાય છે.

જે વર્ગ દેશનું ભાવિ છે તેને નિરાંત હોવી જ ન જોઈએ. તે સતત પ્રવૃતિમય હોવો જોઈએ તેને બદલે અહિંનો યુવાન પોતાના અભ્યાસને બદલે બીજી બધી પ્રવૃતિઓમાં વ્યસ્ત માલૂમ પડે છે. આ યુવાર્ગને એટલુ જ કહેવાનુ મન થાય છે કે ભગવાને આપેલી યુવાની ને વેડફી ન નાખો, મોબાઈલના ગુલામ ન બની જાવ, અભ્યાસ કરી સારા માર્કસ લાવી દેશના એક સારા નાગરીક બનો. જો આ યુવાનો પોતાના કૌશલ્ય અને ક્ષમતાનો પૂરો ઉપયોગ કરશે તો દેશ નિશ્ચિત રીતે પ્રગતિ અને ઉન્નતિના માર્ગે જશે એવી અપેક્ષા રાખીએ છીએ. (ફોટો સ્ટોરી : અશોક બગથરીયા)


જામનગર ખાતેથી મોબાઈલને લગતું મેગેઝીન પ્રસિધ્ધ થશે

nitesh mehta

nitesh mehta

જામનગરના ટેકનોક્રેટ નિતેષભાઈ મહેતા દ્વારા નજીકના સમયમાં મોબાઇલ વાપરતા બધા લોકોને ઉપયોગી થાય તેવું અને મોબાઈલ ઇન્ડસ્ટ્રીઝની અથ થી ઇતિ સુધીની માહિતી આપતું સેલ્યુલર સમાચાર નામનું ગુજરાતી મેગેઝીન ટૂંક સમયમાં જ પ્રસિદ્ધ કરવામાં આવશે.

તો આ માટેની વધુ માહિતી માટે નિતેષ પી. મહેતા જામનગર મોબાઈલ નંબર ૯૮૨૪૨ ૨૮૨૫૬ (વોટસઅપ) ઉપર સંપર્ક કરી શકાય છે.

cellualar industries news paper published by technocrat nitesh mehta from jamnagar gujarat