ATUL N. CHOTAI

a writer – since 2014


સોશ્યલ મિડીયામાં સ્ટેટસની બોલબાલા..

mitesh ahir

mitesh ahir

– મિતેષ પી. આહીર
મો : ૯૭૨૫૦ ૫૫૨૯૯
રાજકોટ

સમજીને વાપરો તો સોશ્યલ મિડીયા કાંઇ ખોટુ નથી. એ વાત આ પહેલા પણ કહી ચુકયો છુ ને આજેય ફરી દોહરાવુ છુ઼. આજે વાત કરવી છે ફેસબુક અને વોટસએપ પરના સ્ટેટસ ફિચર્સની. ડી.પી. થી સ્ટેટસ થોડુ અલગ પડે છે એ વાત ઉપયોગ કરનારા તો બધા જાણતા જ હશે. ડી.પી. માં ફકત એકાદ ઇમેજ મુકી શકાય છે અને એ જયા સુધી બદલાવીએ નહીં ત્યાં સુધી સ્થાયી રહે છે. જયારે સ્ટેટસમાં વધુ સંખ્યામાં ઇમેજ પણ મુકી શકાય અને ટુંકી ઓડીયો કે વિડીયો કલિપ પણ મુકી શકાય છે. સ્ટેટસમાં જે કંઇ ચડાવો તે બધુ ચોવીસ કલાક સુધી સ્થાયી રહે છે અને બાદમાં આપોઆપ ડીલીટ લાગી જાય છે. સ્ટેટસનો મોટો ફાયદો જ અે છે કે સંખ્યાબંધ ઇમેજ કે કલિપ ચડાવવાની તક મળે છે ને એ પણ બીજા દિવસે આપોઆપ ડીલીટ લાગી જવાથી ફરી કઇક નવું ચડાવવા સ્પેસ મળી જાય છે.

મતલબ હૈયામાં કે મગજમાં જે કંઇ ઘુમરાતુ હોય એ ક્રિએટીવ બધુ જ તમે સ્ટેટસમાં મુકી શકો છો. જો આવડત હોય તો અલગ અલગ ફોટાઓ જોડી બેકગ્રાઉન્ડમાં તેને લગતું ગીત સેટ કરી ધાર્યો સંદેશો બીજા સુધી પહોચાડી શકાય છે. જો કે ગમે તે અપલોડ કરી દેવાનો મતલબ એવો નથી કે કંઇપણ ફાલતુ હોય તેેને સ્ટેટસમાં મુકી દેવુ કેમ કે તમારૂ સ્ટેટસ જ તમારી ખરી ઓળખની ચાડી ખાઈ જાય છે. સ્ટેટસની દુનિયામા મોટો ફાયદો એ રહે છે કે અપલોડ કરનાર અને જોનાર એમ બન્ને માટે સારી સુવિધા ઉપલબ્ધ છે. તમે જે કંઇ ચડાવ્યુ હોય તે કોણે કોણે અને કેટલા વાગ્યે જોયુ તે જોવા મળે છે ને જોનારાઓ માટે પણ સારી સુવિધા એ રહે છે કે કોઈપણ એક સ્ટેટસ તમે ઓપન કરો એટલે તેના પછીના અપલોડ થયેલા તમામ સ્ટેટસ આપો આપ ઓપન થતા રહે છે. જો કે અહીં એક મર્યાદા એ બની રહે છે કે જેઓના નંબર કોન્ટેક લીસ્ટમાં સેવ હોય તે લોકો સ્ટેટસ જોઈ શકે છે.

ઘણી વખત ગ્રુપમાં કે વ્યકતિગત મોકલાતા ગુડ મોર્નીંગ, હેવ એ નાઇસ ડે જેવા મેસેજ કોઇને ત્રાસરૂપ બની રહેતા હોય છે ત્યારે કોઇને તકલીફ ન આપવી હોય તો આવુ બધુ રોજે રોજ સ્ટેટસમાં ચડાવી દેવાનો વચલો રસ્તો વધુ યોગ્ય બની રહે છે. જેને રસ હોય તે લોકો આપણું સ્ટેટસ જોતા રહેશે અને એમા પણ સામો જવાબ વાળવાની તક તો મળે જ છે. એ જ રીતે માનો કે તમે કયાય ફરવા ગયા છો તો ત્યાંના સીન સીનેરી તમારા સ્વજનોને કે મિત્રોને વ્યકતિગત મોકલવાને બદલે સ્ટેટસમા ચડાવી દેવા વધુ સરળ રહે છે.

પ્રવાસનું રોજે રોજનું અપડેશન સ્ટેટસમા મુકીને અન્ય લોકોને પણ તમારા પ્રવાસની અનુભુતી કરાવી શકાય છે. દિકરા કે દિકરીનો જન્મદિન હોય તો સ્ટેટસના માધ્યમથી ડેડીકેટ કરી શકાય છે એટલુ જ નહી કોઇ સાથે બાજી બગડી હોય તો તેને સુધારવામા પણ સ્ટેટસ મદદરૂપ બને છે. માનો કે સવારે પત્ની સાથે જીભાજોડી થઇ હોય તો ઓફીસે બેઠા બેઠા એવુ કોઇ ગીત કે યાદગાર ફોટાઓ સ્ટેટસમા મુકી દયો એટલે વાત પુરી.. પત્ની તેને જોઈને પીગળી જાય ને સાંજે તમે ઘરે પહોચો તો સમાધાન થઇ જાય.. બોલો છે ને કમાલની વાત.!!. પ્રેમી હૈયાઓ પણ સ્ટેટસનો ભરપુર લાભ ઉઠાવે છે. આગળ કહ્યુ એમ સાંકેતિક ભાષા, દ્રશ્યો કે ગીત પંકતિઓથી કામ ચલાવાય છે.

અત્યાર સુધી વોટસએપ ગ્રુપ કે એફ.બી. ગ્રુપનુ બહુ ચલણ વધ્યુ હતું. ગ્રુપમાં કાઇપણ કન્ટેન્ટ મુકી દઇએ એટલે બધા સભ્યો જોઇ લેતા. અમુક મિડીયાના લોકો ન્યુઝનુ અપડેટ સતત મુકવા અાવા ગ્રુપ ચલાવતા પણ હવે સ્ટેટસના ખરા ઉપયોગની જાગૃતિ આવી ત્યારથી આવા ગ્રુપોનું વિસર્જન થવા માંડયુ છે. હવે આજ પ્રવૃતિ નિયમિત સ્ટેટસના માધયમથી થવા લાગી છે. મોટા મોટા લેખકો અને વિચારકો પણ પોતાના રચિત કવોટસ કે લખાણો સ્ટેટસમા મુકતા થયા છે. વોટસએપ કે એફ.બી.મા તમે કાઇપણ મુકો તો ગમે તે વ્યકતિ ડાયરેકટ જ ઉઠાવીને પોતાની રીતે ગમે તેને મોકલી શકે છે. જયારે સ્ટેટસમાં જે કંઇ મુકો તે ડાયરેકટ કોઇ કોપી પેસ્ટ કે ફોરવર્ડ નથી કરી શકાતું.

સ્ટેટસમાં તમે કાઇ મુકયુ ને કોઇને ગમી જાય તો એણે પર્સનલી તમને મેસેજ કરીને માંગણી કરવી પડે છે. મતલબ બાજી તમારા હાથમા રહે છે. સ્ટેટસનું આ એક જમા પાસુ ગણી શકાય. જો કે આમાય હાથ વાટકી જેવો વહેવાર ચાલતો હોય છે. કયારેક તમારા સ્ટેટસમાં મુકાયેલુ કોઇ તમારી પાસેથી માંગે છે ને કયારેક સેન્ડ મી લખીને તમે એની પાસેથી માંગી શકો છો. બોલો છે ને સ્ટેટસની વાત કઇક જમાવટવાળી. તો વાટ શું જુઓ છો.. મંડી જાવ આજથી જ સ્ટેટસની દુનિયાને પલોટવા.. બેસ્ટ ઓફ લક (સોશ્યલ મિડીયાનું સોશ્યલ મિડીયાને જ અર્પણ) અસ્તુ.. social media status article by mitesh p ahir rajkot gujarat india

Advertisements


ગુજરાતમાં સ્ટેમ્પ ડયુટીની ચૂકવણીની ડિજીટલ થઇ..

ગુજરાત રાજયમાં જાહેર જનતાને તેઓની સ્થાવર જંગમ મિલ્કતની તબદીલીના વ્યવહારો માટે નિયત કરેલા દરે સ્ટેમ્પ ડયુટી તથા નોંધણી ફી ભરપાઇ કરવાની રહે છે. હાલમાં સ્ટેમ્પ ડયુટીની ચૂકવણી નોન જયુડીશીયલ સ્ટેમ્પ પેપર, ફ્રેંકિગ મશીન તથા ઇ-સ્ટેમ્પીંગ દ્વારા કરવામં આવે છે. આ તમામ પધ્ધતિથી સ્ટેમ્પ ડયુટીની ચૂકવણી માટે લાયસન્સ ધરાવતી વ્યક્તિ પાસે નિયત સમયે નિયત સ્થળે રૂબરૂ જવું પડે છે. આ પ્રકિયાને વધુ સરળ બનાવવા માટે નોટીફિકેશ બહાર પાડી ઇ-પેમેન્ટની સુવિધા રાજય સરકાર દ્વારા ઉપલબ્ધ કરાવાઇ છે. જેમાં ગમે તે સમયે/સ્થળેથી ઓનલાઇન સ્ટેમ્પ ડયુટી ચૂકવી શકાશે. આ બાબતે વિભાગ દ્વારા તા. ૨૩/૦૧/૨૦૧૯ના રોજ પરીપત્ર વડે તમામ સબ રજીસ્ટ્રારોને નોંધણીપાત્ર દસ્તાવેજોનું ઇ-પેમેન્ટથી ચૂકવણી કરનાર પક્ષકાર દસ્તાવેજ નોંધણી સમયે ઇ-ચલન રજૂ કરે તો તે સ્વીકારવા તથા જરૂરી તમામ કાર્યવાહી કરવા જણાવાયું છે.

આ ઉપરાંત પરીપત્ર અનુસાર રાજયભરના તમામ કલેકટરશ્રીઓ, નોંધણી નિરીક્ષકશ્રીઓ તથા નાયબ કલેકટરશ્રીઓ સ્ટેમ્પ ડયુટી મૂલ્યાંકન તંત્રને સુચિત કરાયા છે. ઇ-પેમેન્ટથી સ્ટેમ્પ ડયુટીની ચુકવણી માટે પક્ષકારે garvi.gujarat.gov.in સાઇટ પર Public Data Entry લિંક પર જરૂરી વિગતો ભરીને પોતાનું લોગ-ઇન આઇ.ડી. બનાવવાનું રહેશે. ઉકત લોગ–ઇન આઇ.ડી.ની મદદથી પક્ષકારે વેંચાણ થનાર મિલ્કતની જરૂરી વિગતો ભર્યેથી ઓનલાઇ ઇ-પેમેન્ટની નવી સુવિધાથી સ્ટેમ્પ ડયુટી ઇન્ટરનેટ માધ્યમથી ઘેર બેઠા પોતાની જાતે પોતાના અનુકૂળ સમયે ચુકવી શકશે. ઇ-પેમેન્ટથી સ્ટેમ્પ ડયુટી ભર્યા અંગેના ઇ-ચલનની પ્રિન્ટ કાઢીને પક્ષકારે દસ્તાવેજ નોંધણી માટે સંબંધિત સબ-રજીસ્ટ્રારકચેરીમાં જઇને તે રજૂ કરવાનું રહેશે. આ ઇ-ચલનનું વેરીફિકેશન કરાયા બાદ તેને લોક કરવામાં આવશે. જેથી તેનો અન્ય વ્યક્તિ દ્વારા દુરઉપયોગ ટાળી શકાય. સ્ટેમ્પ ડયુટીનીચૂકવણીની ઇ-પેમેન્ટ સુવિધાનો જાહેર જનતાને લાભ લેવા ગુજરાત સરકારશ્રીની યાદીમાં જણાવાયું છે. (માહિતી બ્યુરો -રાજકોટ )


ઉપયોગી વેબસાઈટનું લીસ્ટ

  1. screenr.com – તમારી સ્ક્રીનનો વીડિઓ કેપ્ચર કરીને સીધો જ યુટ્યુબ પર અપલોડ કરી આપે છે.
  2. thumbalizr.com – કોઈ પણ વેબપેજના સ્ક્રીનશોટ કેપ્ચર કરવા માટે.
  3. goo.gl – લાંબી URL ને નાની બનાવવા માટે અને URL એન QR Codes માં કન્વર્ટ કરવા માટે.
  4. unfurlr.come – કન્વર્ટ કરાયેલી નાની URL પાછળ કઈ URL છે તે જાણવા માટે.
  5. qClock – કોઈપણ સીટી નો ગૂગલ મેપ થી લોકલ સમય જાણવા માટે.
  6. copypastecharacter.com – સ્પેસીઅલ એટલે કે તમારા કીબોર્ડ માં નથી તેવા કેરેક્ટર ને કોપી કરવા માટે.
  7. postpost.com – ટ્વીટર માટે નું વધારે સારું સર્ચ એન્જીન.
  8. lovelycharts.com – ફ્લોચાર્ટ, નેટવર્ક ડાયાગ્રામ, સાઈટમેપ વગેરે બનાવવા માટે.
  9. iconfinder.com – બધી જ સાઈઝના આઈકોન માટે ની બેસ્ટ વેબસાઈટ.
  10. office.com – ઓફીસ ડોક્યુમેન્ટ માટે ટેમ્પલેટ, કલીપઆર્ટ, ઈમેજીસ વગેરે ડાઉનલોડ કરવા માટે.
  11. followupthen.com – ઈમેઈલ રીમાઈન્ડર માટેનો સૌથી સરળ રસ્તો.
  12. jotti.org – કોઈપણ શકમંદ ફાઈલ કે ઈમેઈલ અટેચમેન્ટ નું વાઇરસ સ્કેન કરાવો.
  13. wolframalpha.com – સર્ચ કાર્ય વગર સીધા જ જવાબ મેળવો.
  14. printwhatyoulike.com – ક્લટર વગર વેબપેજ પ્રિન્ટ કરો.
  15. joliprint.com – ન્યુઝલેટરની જેમ કોઈપણ આર્ટીકલ કે બ્લોગ કન્ટેન્ટ ને રિફોર્મ કરો.
  16. search4rss.com – RSS ફીડ્સ માટેનું સર્ચ એન્જીન.
  17. e.ggtimer.com – ડેઈલી યુઝ માટેનું સિમ્પલ ઓનલાઈન ટાઈમર.
  18. coralcdn.org – વેબસાઈટ જો કોઈ વેબસાઈટ હેવી ટ્રાફિક થી ડાઉન થઇ ગઈ હોય(જેમ કે બોર્ડ ના રીઝલ્ટ સમયે અથવા ટ્રેન માં તત્કાલ ટીકીટ બુક કરાવવા સમયે) તો કોરલસીડીએન થી એક્સેસ કરો.
  19. random.org – રેન્ડમ નંબર મેળવવા, સિક્કો ઉછાળવા વગેરે જેવું ઘણું બધું.
  20. pdfescape.com – તમારા વેબ બ્રાઉઝર થી જ પીડીએફ ને ઓનલાઈન એડિટ કરવા માટે.
  21. viewer.zoho.com – પીડીએફ કે પ્રેઝન્ટેશન ને વેબ બ્રાઉઝર માં પ્રિવ્યુ કરવા માટે.
  22. tubemogul.com – એક જ ક્લિક થી યુટ્યુબ અને બીજી ઘણી વિડીઓ સાઈટ પર વિડીઓ અપલોડ કરવા માટે.
  23. workinprogress.ca/online-speech-recognition-dictation & ispeech.org – બ્રાઉઝર માં ઓનલાઈન વોઈસ રેકગ્નીશન માટે.
  24. scr.im – સ્પામ ની ચિંતા કાર્ય વગર તમારું ઈમેઈલ અડ્રેસ અહીંથી શેર કરો.
  25. spypig.com – હવે થી તમારા ઈમેઈલ ની રીડ રીસીપ્ટ મેળવો, એટલે કે જેને ઈમેઈલ મોકલ્યો છે તેમણે ઈમેઈલ વાંચ્યો છે તેનું કન્ફર્મેશન.
  26. sizeasy.com – કોઈ પણ પ્રોડક્ટની સાઈઝ કમ્પેર(સરખામણી) અને વિઝ્યુલાઈઝ(કલ્પના) કરો.
  27. myfonts.com/WhatTheFont – કોઈ પણ ઈમેજમાં રહેલા ફોન્ટનું નામ મેળવો.
  28. google.com/webfonts – ઓપન સોર્સ ફોન્ટ નું સારું એવું કલેક્શન.
  29. regex.info – ફોટા માં રહેલા હિડન એટલેકે છુપાયેલા ડેટા ને મેળવવા માટે.
  30. livestream.com – તમારી કોઈપણ લાઇવ ઇવેન્ટને અથવા ડેસ્કટોપ સ્ક્રીનનો વીડિઓ આ વેબસાઈટ માં બ્રોડકાસ્ટ કરી શકો છો.
  31. iwantmyname.com – બધા TLD માં તમને તમારું ડોમેન સર્ચ કરવામાં મદદ કરે છે.
  32. homestyler.com – શરૂઆતથી જ તમારા હોમ ઇન 3d ને નવું રૂપ આપો.
  33. join.me – તમારી સ્ક્રીનને ઓનલાઈન શેર કરો.
  34. onlineocr.net – સ્કેન કરેલી પીડીએફમાંથી ટેક્ષ્ટ મેળવો.
  35. flightstats.com – ફ્લાઈટ નું સ્ટેટસ જોવા માટે.
  36. wetransfer.com મોટી ફાઈલ ને શેર કરવા માટે.
  37. http://www.gutenberg.org/ – ફ્રી કીન્ડલ બુક ડાઉનલોડ કરવા માટે.
  38. polishmywriting.com – સ્પેલિંગ કે ગ્રામર ની એરર ચેક કરવા માટે.
  39. marker.to – શેર કરવાના હેતુ થી કોઈપણ વેબપેજ ના મહત્વના ભાગને હાઈલાઈટ કરવા માટે.
  40. typewith.me – એક કરતા વધારે લોકોને એક જ ડોક્યુમેન્ટ પર ઓનલાઈન કામ કરવા માટે.
  41. whichdateworks.com – કોઈ ઇવેન્ટ નું પ્લાનિંગ કરો છો? બધાને અનુકુળ હોય તેવી તારીખ નક્કી કરવા માટે.
  42. everytimezone.com – વર્લ્ડ ટાઇમ ઝોન નો સરળ વ્યુ.
  43. gtmetrix.com – તમારી સાઈટ કે બ્લોગ નું પરફોર્મન્સ ઓનલાઈન ચેક કરવા માટે.
  44. noteflight.com – મ્યુઝીક શીટ એટલે કે મ્યુઝીક ને લખવાની ભાષા ઓનલાઈન લખવા માટે.
  45. imo.im – એક જ જગ્યાએથી સ્કાઇપ, ફેસબુક, ગૂગલ ટોક વગેરે ના ફ્રેન્ડસ સાથે ચેટ કરવા માટે.
  46. translate.google.com – વેબસાઈટ, પીડીએફ, કે ડોક્યુમેન્ટ્સ નું ભાષાંતર કરવા માટે.
  47. kleki.com – ઘણી બધી જાતના બ્રશ વાપરીએન પેઈન્ટ કરવા માટે.
  48. similarsites.com – તમને જે સાઈટ ગમતી હોય તેના જેવી બીજી સાઈટ નું લીસ્ટ મેળવવા માટે.
  49. wordle.net – લાંબા લખાણને ટેગ કલાઉડ માં ફેરવવા માટે.
  50. bubbl.us – તમારા આઈડિયા કે મગજ પરના નકશા ને બ્રાઉઝર માં ઉતારો.
  51. kuler.adobe.com – કલર વિશેનો આઈડિયા મેળવો અને ફોટોમાંથી કલર અલગ પણ તારવી શકો છો.
  52. liveshare.com – આલ્બમમાંથી કોઈ એક ફોટોને શેર કરવા માટે.
  53. lmgtfy.com – જયારે તમારા ફ્રેન્ડસ ગૂગલ વાપરવા માટે પણ આળસ કરતા હોય ત્યારે…..
  54. midomi.com – જયારે તમારે કોઈ સોંગ સર્ચ કરવું હોય ત્યારે…
  55. bing.com/images – પરફેક્ટ સાઈઝના મોબાઈલ વોલપેપર માટે.
  56. faxzero.com – ઓનલાઈન ફરી ફેક્ષ મોકલવા માટે.
  57. feedmyinbox.com – RSS ફીડ્સ ને ઈમેઈલ માં મેળવવા માટે.
  58. ge.tt – કોઈને જલ્દીથી કોઈ ફાઈલ મોકલવા માટે, અને ફાઈલ મેળવનાર વ્યક્તિ ફાઈલ ને ડાઉનલોડ કરતા પહેલા પ્રિવ્યુ પણ કરી શકે છે.
  59. pipebytes.com – ગમે તેટલી મોટી ફાઈલને થર્ડ પાર્ટી સર્વર વગર ટ્રાન્સફર કરવા માટે.
  60. tinychat.com – સેકંડમાં પ્રાઇવેટ ચેટ રૂમ બનાવવા માટે.
  61. privnote.com – એવી ટેક્ષ્ટ નોટ બનાવો કે જે વંચાઈ ગયા પછી જાતે જ ડીલીટ થઇ જાય.
  62. boxoh.com – ગૂગલ મેપ પર કોઈપણ શિપમેન્ટ નું સ્ટેટસ ટ્રેક કરવા માટે.
  63. chipin.com – જયારે તમારે ઓનલાઈન કોઈ ઇવેન્ટ અથવા કારણ માટે ફંડ ભેગું કરવાની જરૂર હોય ત્યારે.
  64. downforeveryoneorjustme.com – તમારી ફેવરીટ વેબસાઈટ ઓફલાઈન છે કે નહિ તે ચેક કરવા માટે.
  65. ewhois.com – કોઈ વ્યક્તિની બેજી વેબસાઈટ છે કે નહિ તે જોવા માટે.
  66. whoishostingthis.com – કોઈપણ વેબસાઈટ ક્યાં હોસ્ટ થઇ છે તે જાણવા માટે.
  67. google.com/history – ગૂગલ માં કઈક સર્ચ કર્યું હતું પણ હવે યાદ નથી? તો આ ચેક કરો…
  68. aviary.com/myna – ઓનલાઈન ઓડીઓ એડિટર, રિમિક્ષ કે રેકોર્ડ કરવા માટે..
  69. disposablewebpage.com – ટેમ્પરરી વેબપેજ બનાવવા માટે કે જે કામ પૂરું થતા જાતે જ ડીલીટ થઇ જાય.
  70. urbandictionary.com – અશિષ્ટ કે અનૌપચારિક શબ્દો ની વ્યાખ્યા જોવા માટે..
  71. seatguru.com – તમારી ફ્લાઈટ ની સીટ બુક કરાવતા પહેલા આ વેબસાઈટ ને કન્સલ્ટ કરો.
  72. sxc.hu – ફ્રી સ્ટોક ઈમેજીસ ડાઉનલોડ કરવા માટે..
  73. zoom.it – હાઈ રીઝોલ્યુશન વળી ઈમેજ ને તમારા બ્રાઉઝરમાં જ સ્ક્રોલ કાર્ય વગર જ જોવા માટે.
  74. scribblemaps.com – કસ્ટમ ગૂગલ મેપ સરળતાથી બનાવવા માટે.
  75. alertful.com – મહત્વની ઇવેન્ટ માટે ઈમેઈલ રીમાઇન્ડર મુકવા માટે.
  76. picmonkey.com – વધારે સાટું ઈમેજ એડિટર.
  77. formspring.me – પર્સનલ પ્રશ્નો ના સવાલ જવાબ માટે..
  78. sumopaint.com – લેયર બેઝ્ડ ઓનલાઈન ઈમેજ એડિટર.
  79. snopes.com – તમને જયારે ઈમેઈલ મારફતે કોઈ ઓફર થઇ હોય તો એ ફ્રોડ કે સ્કેમ તો નથી ને તે ચેક કરવા માટે..
  80. typingweb.com – ટાઇપ પ્રેક્ટીસ માટે..
  81. mailvu.com – તમારા વેબ કેમ થી વિડીઓ ઈમેઈલ મોકલવા માટે..
  82. timerime.com – ઓડીઓ, વિડીઓ, કે ઈમેજ થી ટાઇમલાઈન બનાવવા માટે.
  83. stupeflix.com – તમારા ફોટા, ઓડીઓ અને વિડીઓ કલીપનું મુવી બનાવો.
  84. safeweb.norton.com – કોઈપણ વેબસાઈટ ની વિશ્વસનીયતા એટલેકે તે કેટલી સેફ છે તે ચકાસો.
  85. teuxdeux.com – સુંદર કેલેન્ડર જેવી ટુ-ડુ એપ્લીકેશન બનાવો.
  86. deadurl.com – જયારે તમારી બુકમાર્ક કરેલા વેબપેજ ડીલીટ થઈજાય ત્યારે તમને આની જરૂર પડશે.
  87. minutes.io – મીટીંગમાં મહત્વની નોટ્સ કેપ્ચર કરવા માટે.
  88. youtube.com/leanback – યુટ્યુબની ચેનલ ટીવી મોડ માં જોવા માટે.
  89. youtube.com/disco – તમારા ફેવરીટ આર્ટીસ્ટ ના વિડીઓ નું પ્લેલીસ્ટ બનાવવા માટે.
  90. talltweets.com – ૧૪૦ કરવા વધારે અક્ષરની ટ્વીટ મોકલવા માટે…
  91. pancake.io – તમારા ડ્રોપબોક્ષ એકાઉંટ થી ફ્રી અને સરળ વેબસાઈટ બનાવો.
  92. builtwith.com – કોઈપણ વેબસાઈટમાં કઈ ટેકનોલોજી વાપરી છે તે જાણવા માટે.
  93. woorank.com – SEO ના હેતુ થી કોઈ પણ વેબસાઈટનું રીસર્ચ કરવા માટે.
  94. mixlr.com – ઓનલાઈન ઓડીઓ બ્રોડકાસ્ટ કરવા માટે.
  95. radbox.me – ઓનલાઈન વિડીઓને બુકમાર્ક કરી અને પછીથી જોવા માટે.
  96. tagmydoc.com – તમારા ડોક્યુમેન્ટ્સ અને પ્રેઝન્ટેશન માં QR કોડ મુકવા માટે.
  97. notes.io – વેબ બ્રાઉઝરમાં ટેક્ષ્ટ નોટ મુકવાનો સૌથી આસાન રસ્તો.
  98. sendanonymousemail.net – નાનામો ઈમેઈલ મોકલવા માટે.
  99. fiverr.com – ૫$ માં લોકો પાસેથી નાના નાના કામ કરાવવા માટે.
  100. otixo.com – ડ્રોપબોક્ષ, ગૂગલ ડોક્સ વગેરે પર રહેલી તમારી ઓનલાઈન ફાઈલોને સરળતાથી મેનેજ કરવા માટે.
  101. ifttt.com – તમારા દરેક ઓનલાઈન એકાઉંટ ની વચ્ચે કનેક્શન કરવા માટે.
  102. xuix.com – દસ લાખ કરતા પણ વધારે સોફ્ટવેર

 

Note : Our valued users, any information or articles published by different individual persons, this Blog does not agrees or disagrees with any of this. information or Details published here are not checked by us.  So before sending money or buying a product you should contact some trustworthy person. We will not be responsible for any type of complains. Content of the website might be under copy rights of owner.