ATUL N. CHOTAI

a writer – since 2014


ભારત સહીત દેશ – વિદેશ માં આવેલી ૫૧ શક્તિપીઠ વિશે જાણો છો..??

Shaktipeeths

Shaktipeeths

ભગવાન શિવજી જ્યારે સતીના દેહત્યાગથી વિહવળ થઈ ગયા ત્યારે સતીનું શબ હાથમાં લઈને પૃથ્વી પર ઉલ્કાપાત મચાવી દીધો. પત્ની વિયોગમાં ડૂબી ગયેલા શિવને બહાર કાઢવા માટે વિષ્ણુએ દેવી સતીના શરીરના સુદર્શન ચક્ર થી અનેક ટુકડા કરી નાંખ્યા. તે પૃથ્વી પર વિવિધ જ્ગ્યાઓએ પડ્યાં. તે જ્યાં જ્યાં પડ્યાં ત્યાં શક્તિપીઠ અસ્તિત્વમાં આવી. શક્તિપીઠ માત્ર ભારતમાં જ નહિં પડોશી દેશો પાકિસ્તાન અને બાંગ્લાદેશ, લંકા, નેપાળમાં પણ આવેલી છે. . તો ચાલો આ ૫૧ શક્તિપીઠ વિષે જાણકારી મેળવીએ …

1. હિંગળાજ માતા – કરાચી (પાકિસ્તાન)
2. નૈનાદેવી મંદિર – બિલાસપુર (હિમાચલપ્રદેશ)
3. સુનંદા – બાંગ્લાદેશ
4. મહામાયા – પહલગાંવ (કાશ્મીર)
5. જ્વાલા જી(અંબિકા)- કાંગડા (હિમાચલપ્રદેશ)
6. ત્રિપુર માલિની – જલંધર (પંજાબ)
7. અંબાજી – આરાસુર, અંબાજી (ગુજરાત)
8. મહાશિરા – પશુપતિનાથ મંદિર પાસે (નેપાળ)
9. દાક્ષાયની – માનસરોવર (કૈલાસ)
1૦. વિમલા – ઉત્કલ (ઓડિશા)
11. ગંડકી ચંડી – પોખરા (નેપાળ)
12. દેવી બાહુલા – પં. બંગાળ
13. મંગલ ચંદ્રિકા – પં. બંગાળ
14. ત્રિપુરસુંદરી – ત્રિપુરા
15. ભવાની – બાંગ્લાદેશ
16. ભ્રામરી – પં. બંગાળ
17. કામાખ્યા – ગુવાહાટી (આસામ)
18. જુગાડયા – પં. બંગાળ
19. કાલીપીઠ – કોલકાતા
2૦. લલિતા- અલાહાબાદ (ઉત્તરપ્રદેશ)
21. જયંતી – બાંગ્લાદેશ
22. વિમલા મુકુટ – પં. બંગાળ
23. મણિકર્ણી – વારાણસી (ઉત્તરપ્રદેશ)
24. શ્રવણી – તામિલનાડુ
25. સાવિત્રી – હરિયાણા
26. ગાયત્રી – અજમેર (રાજસ્થાન)
27. મહાલક્ષ્મી – બાંગ્લાદેશ
28. કાંચી – પં. બંગાળ
29. કાલી – મધ્ય પ્રદેશ
3૦. નર્મદા – અમરકંટક (મધ્યપ્રદેશ)
31. શિવાની – ઉત્તરપ્રદેશ
32. ઉમા- ઉત્તરપ્રદેશ
33. નારાયણી- તામિલનાડુ
34. વારાહી – ગુજરાત
35. અર્પણ – બાંગ્લાદેશ
36. શ્રી સુંદરી – આંધ્રપ્રદેશ
37. કપાલીની – પં. બંગાળ
38. ચંદ્રભાગા – પ્રભાસ – સોમનાથ (ગુજરાત)
39. અવંતિ- ઉજ્જૈન (મધ્યપ્રદેશ)
4૦. ભ્રામરી – નાસિક (મહારાષ્ટ્ર)
41. વિશ્વેશ્વરી – આંધ્રપ્રદેશ
42. રત્નાવલી – પં. બંગાળ
43. અંબિકા – ભરતપુર (રાજસ્થાન)
44. મિથિલા – ભારત – નેપાળ બોર્ડર
45. નલહાટી – પં. બંગાળ
46. જયદુર્ગા – અજ્ઞાત
47. મહિષર્મિદની – પં. બંગાળ
48. યશોરેશ્વરી – બાંગ્લાદેશ
49. ફુલ્લરા – પં. બંગાળ
5૦. નંદિની – પં. બંગાળ
51. ઇન્દ્રક્ષી – લંકા
(Courtesy  : Sandesh)

Advertisements


ગુજરાતના આ ગામમાં મગર અને માણસોની અનેરી મિત્રતા જોવા મળે છે

crocodile village

crocodile village

મગર નામ પડતા જ ભલભલા ખેરખાઓને ધણધણાટી છુટી જાતી હોય છે. માણસ મગરના ઝડબામાં આવતા જ તેને પાણીમાં ખેંચી ગયા બાદ ભાગ્યે જ કોઈ બચી શકે છે એટલે જ મગરને પાણીનો રાજા કહેવામાં આવે છે. પાણીમાં મગરની તાકાત વધી જતી હોવાનું પણ માનવામાં આવે છે પણ ગુજરાતમાં એવું પણ એક ગામ છે, જ્યાં મગર અને માણસ વચ્ચે દુશ્મનીનો નાતો નહીં પણ દોસ્તીનો નાતો છે. આ ગામને મગર મિત્ર ગામ તરીકે પણ ઓળખવામાં આવે છે ગામમાં મગર અને લોકો સાથે મળીને રહેતા હોય તેવો માહોલ જોવા મળે છે.

આણંદ જિલ્લાના ચરોતરનાં સોજિત્રા તાલુકાનાં મલાતજ ગામનાં નામથી ભાગ્યેજ કોઈ અજાણ હશે કેમ કે અહીં મોટાભાગના લોકો વિદેશમાં વસવાટ કરે છે. વિદેશમાં વસવાટ કરતા લોકોએ ગામમાં સુવિધાઓ વધારવા કરોડો રૂપિયાના દાન થકી ગામની સિકલ બદલી નાંખી છે. મલાતજ ગામને મગર મિત્ર ગામ તરીકે પણ ખ્યાતી મળી છે. ‘મગરથી સાચવીએ, મગરને સાચવીએ’  આણંદ જિલ્લાના મલાતજ ગામનું આ સૂત્ર ખરા અર્થમાં સાર્થક કર્યું છે.  મલાતજ ગામનાં આ તળાવમાં આશરે ૭૦ થી વધારે મગરો રહે છે. અહીયા રહેતા લોકો તેમજ તળાવમાં કપડાં ધોતી ગામની મહિલાઓ પર પણ મગર ક્યારેય હુમલો કર્યો નથી ઘણી વાર મગર કાંઠે કપડાં ધોતી મહિલાઓ પાસે આવી ચડે છે ત્યારે મહિલાઓ પાણીનો હલેચો મારતા જ મગર સડસડાટ પાણીમાં જતો રહે છે તેમજ તળાવમાં પાણી પીવા જતા પશુઓ પર પણ મગર ક્યારેય હુમલો કરતો નથી અન્ય એક ખાસ વાત એ પણ છે કે મગરી જ્યારે ઈંડા મુકે અને બચ્ચા જન્મે ત્યારે ગામનાં બાળકો તેને રમાડવા ઘણીવાર ઘરે લઈ જાય છે થોડીવાર રમાડ્યા બાદ મગરનાં બચ્ચાને બાળકો જાતે જ તળાવમાં છોડી આવે છે. સરકારી તંત્ર દ્વારા પણ સમયાંતરે તળાવની ચકાસણી કરવામાં આવે છે.

મગરને માણસનો દુશ્મન માનવામાં આવે છે પણ આ ગામમાં મગર માણસ પર કેમ હુમલો નથી કરતો તે અંગે કોઈ ચોક્કસ કારણ તો જાણવા નથી મળતું પણ ગામલોકોનાં મતે વર્ષો પહેલા ગામમાં આવેલા એક મંદિરમાં અંધ મહંત રહેતા હતા ત્યારે તળાવનાં મગરે હુમલો કરતા મહંતે મગરને શ્રાપ આપ્યો હતો કે તળાવનાં મગર કોઈને ઈજા પહોંચાડશે નહીં. હકીકત તો જે હોય તે પણ આ ગામમાં મગર અને માણસોની મિત્રતા અનેરી છે. ગામલોકોને પણ દ્રઢ વિશ્વાસ છે કે અત્યાર સુધી મગરે કોઈને ઈજા પહોંચાડી નથી અને ભવિષ્યમાં પણ  કોઈને ઈજા પહોંચાડશે નહીં આ જ કારણે ગામને મગર મિત્ર ગામ તરીકે પણ ખ્યાતિ મળી છે…


૩૬૦ બારી બારણાવાળું આ મકાન સિધ્ધપુર શહેરની ઓળખ સમાન છે

360 Windows House in Gujarat

360 Windows House in Gujarat

ગુજરાતના સિધ્ધપુર શહેરમાં આવેલું લોકવાયકા પ્રમાણે ૩૬૦ બારી બારણાવાળું મકાન એ સિધ્ધપુર શહેરની ઓળખ છે. આ મકાન ઈ. સ. ૧૯૩૮ માં કીકાભાઈ મહંમદઅલી નઝરઅલી ઝવેરીએ પોતે પોતાની આગવી સુઝ બુઝથી આ ઈમારત બંધાવેલી છે. આ જમાનામાં કોઈપણ ઈમારત ઈજનેર કે પ્લાન વગર બનતી નથી.

આ ઈમારત ઝવેરી કોટેજના નામથી ઓળખાય છે. બહારથી આવતા પ્રવાસીઓ માટે વિશેષ આકર્ષણ બને છે. આજના સમયમાં જોવા મળતી ઉંચી ઈમારતોના બારી બારણા ઉપર નજર નાખીએ તો કદાચ પાંચ, પચાસ કે સો બારી બારણાવાળુ મકાન જોયું હશે પણ કદાચ તમને એમ સાંભળવામાં આવે કે કોઈ મકાનના બારીબારણા મળી ૩૬૦ થાય તે વાત કદાચ માનવામાં નહીં આવે. આ મકાન સિવિલ રોડ ઉપર આવેલું છે અને સિધ્ધપુરની ઐતિહાસિક રોનકમાં અને જાહોજલાલીમાં વધારો કરે છે.


ટપકતાં પાણીમાંથી સ્વયંભૂ રચાતા શિવલીંગો જાંબુવન ગુફાનું અનેરું આકર્ષણ છે

Jambuvan Gufa - Porbandar

Jambuvan Gufa – Porbandar

સૌરાષ્ટ્રના પોરબંદર જીલ્લામા રાણાવાવ રેલવે સ્ટેશનની પાછળ આવેલી મહાભારતના સમય કાળથી ઐતિહાસિક બની રહેલી જાંબુવનની ગુફામાં ટપકતાં પાણીમાંથી રેતીમાંથી રચાતા શિવલીંગના દર્શન સહિતના આ મનોરમ્ય સ્થળની મુલાકાતે દરરોજ સહેલાણીઓ મોટી સંખ્યામાં ઉમટી પડે છે.

રાણાવાવ પાસે આવેલી જાંબુવન ગુફામાં ઉપરથી પાણીના ટીપાં અંદરની માટી અને રેતીમાં પડે છે ત્યારે અનેક સ્વયંભૂ શીવલીંગો રચાઇ જાય છે. આ સ્થળનો પ્રવાસન વર્ષમાં સમાવેશ કરી વિકાસ કર્યા પછી પ્રવાસીઓ અહીં વિશેષ પ્રમાણમાં આવી રહ્યા છે.  પોરબંદરના રાણાવાવ નજીક આવેલા પ્રાચીન જાંબુવતીના ભોંયરા સ્થળને રાજય સરકારે પ્રવાસન વર્ષ સમયે સમાવી લીધા બાદ ગુફાની અંદરમાં લાઇટ ફીટીંગ ઉપરાંત ગુફા સુધીના રોડ છે. ગુફા આજુબાજુના વિસ્તારનો પણ વિકાસ જેટ ઝડપે થયો હોવાથી લોકો અહીં સુંદર મજાનું પર્યટન સ્થળ પ્રાપ્ત થયુ છે. રવિવાર તથા રજાના દિવસોમાં પ્રવાસીઓ અહીં ઉમટી પડે છે અને પ્રાકૃતિક સ્થળની મન ભરીને મોજ માણે છે.

આ ઐતિહાસિક સ્થળે ધ્યાનકુટીર સહિત બાલ ક્રીડાંગણ અને નયનરમ્ય ફુવારા, ધ્યાન કુટીરો પણ છે. જેમાં સાધકો ધ્યાન ધરી શકશે ઉપરાંત તેમાંની પાંચ કુટીરો પાણીની વચ્ચે રહેશે. બાળકો માટે બાલ ક્રીડાંગણ, નયનરમ્ય ફુવારો, મહેમાનો માટે ભોજનાલય તેમજ ગુફાદર્શન, ઘડીયાળનો રૃમ, રામેશ્વર સ્થાન સહિત અલગ અલગ જગ્યાએ યાત્રાળુઓ સરળતાથી જઇ શકે તે માટેની સુવિધા વધારવામાં આવી રહી છે.