ગુજરાત ના નિવૃત આઇપીએસ શ્રી સંજયકુમાર શ્રીવાસ્તવ સાહેબ નો આજે જન્મદિવસ

sanjay shrivastav

તારીખ ૨૦ – ૦૪ – ૧૯૬૩ ના રોજ જન્મેલ સંજયકુમાર શ્રીવાસ્તવ સાહેબ ૧૯૮૭ ની સાલમાં આઈ.પી.એસ. બન્યા છે તેઓ એક જાંબાઝ અને કાર્યદક્ષ ઓફિસર છે અને તેમણે બી.ઈ (ઇલેક્ટ્રિક) ની ડીગ્રી લીધેલ છે તથા સુરતકલ – કર્ણાટક ખાતે કોમ્પ્યુટર અંગેનો અભ્યાસ કર્યો છે તેઓએ સાયબર લો ઉપર ગુજરાતીમાં આખું પુસ્તક પણ લખ્યું છે. જેમાં સાયબર લોની કલમો, જોગવાઇઓ તથા સજાઓની જાણકારી વીગતવાર આપી છે. આ પુસ્તક ગુજરાતના પોલીસ અધિકારીઓને સરળતાથી સાયબર લો સમજાય તે માટે લખેલ છે તથા ગુજરાત પોલીસની અમલી થતી ઘણી બધી આઈ.ટી. કમીટીમાં તેઓ સક્રિય સભ્ય તથા અલગ – અલગ હોદાઓ ઉપર પણ ફરજ બજાવી છે.

શ્રીવાસ્તવ સાહેબે સુરતમાં જોઈન્ટ પોલીસ કમિશનર, અમદાવાદમાં જોઈન્ટ પોલીસ કમિશનર, ગાંધીનગર અને કચ્છમાં એસ પી. તરીકે, ડી.જી. ઓફિસમાં આઈ.જી. તરીકે તેમજ રાજકોટ શહેર પોલીસ કમિશનર તરીકે કાબીલેદાદ કામગીરી કરી છે. રાજકોટના પોલીસ પરિવારો અને પ્રજાજનો આજે પણ તેઓએ માનભેર યાદ કરે છે. તેઓ ગુજરાત ઉર્જા વિકાસ નિગમ લી – વડોદરા (યુવીએનએલ) ના આઈ.જી.પી. તરીકે પણ પ્રશંશનીય સેવા આપી વીજચોરી કરનારૉ ની શાન ઠેકાણે લાવી દેવા માટે જાણીતા બન્યા હતા. તેમણે દરેક જગ્યાએ પોલીસ વિભાગના કોમ્પ્યુટરાઈઝેશન તથા ટેકનીકલ બાબતોને મહત્વ આપી અપગ્રેડ કર્યું છે. પોલીસ વિભાગમાં તેઓએ નવી નવી ટેકનોલોજી અને સોફ્ટવેર લાવી પોલીસ સ્ટાફને જરૂરી તાલીમો પણ આપી છે. જેથી ટેકનીકલ બાબતોમાં કામ ઝડપી થઇ શકે. છેલ્લે અમદાવાદ પોલીસ કમીશનરના હોદા ઉપર તારીખ ૩૦ એપ્રિલ – ૨૦૨૩ ના રોજ નિવૃત થઈ ગયા છે.

હાલમાં પોલીસ વિભાગમાં ઘણી બધી આધુનીક્તાનો ઉપયોગ થાય છે જેમ કે વેબસાઈટ દ્વારા માહિતી, સોફ્ટવેર દ્વારા વહીવટી કામો સરળતા, સી.સી.ટી.વી. કેમેરા, જી. પી. એસ જેવી ઘણી ટેકનીકલ બાબતોને શ્રીવાસ્તવ સાહેબે જે તે વખતે પોલીસતંત્રમાં ઉપયોગ કરેલી છે. શ્રીવાસ્તવ સાહેબ જયારે ગુજરાતમાં ઉર્જા વિકાસ નિગમ વડોદરામાં હતા ત્યારે તેણે ટેકનીકલ મદદ અને પોતાના અનુભવ દ્વારા સર્કીટ દ્વારા થતી વીજચોરી પકડી હતી અને સરકારનું બુધ્ધીપૂર્વક નુકશાન કરતા લોકોને સમાજમાં ખુલ્લા પાડ્યા હતા તેઓએ સુરતમાં પણ હોટેલ, સાયબર કાફે જેવા સ્થળોની એન્ટ્રી ઓટોમેટીક પોલીસ કન્ટ્રોલ રૂમ સાથે સીધી જોડાઈ જાય તેવીપણ વ્યવસ્થા કરી છે. શ્રી સંજયકુમાર શ્રીવાસ્તવ સાહેબ જેવા અધીકારી આપણા ગુજરાતના પોલીસ વિભાગ માટે ગૌરવ સમાન છે માટે તેઓ પણ પોતાના જીવનના આગામી વર્ષોમાં અપાર સફળતા અને લોકચાહના મેળવતા રહે તેવી અંતકરણપૂર્વક ની શુભેચ્છાઓ..

sanjay shrivastav birthday ips police commissar ahemdabad Gujarat

रामनवमी की आप सब को खूब – खूब बधाईया…

Shree Ram

रामनवमी के दिन भगवान श्रीरामने बुराइयो से लड़ने के लिए पृथ्वी पर अवतार लिया था तो चलो हम सब अपने अंदरके रावण को मिटाकर इस दिन को सार्थक करे… रामनवमी की आप सब को खूब – खूब बधाईया…

 

अतुल एन चोटाइ
पत्रकार एवम लेखक
राजकोट – गुजरात

એક વર્ષ સુધી કામ કરતા કોન્ટ્રાકટ કર્મચારીને કાયમી કરવા જ પડે : સુપ્રિમ કોર્ટ..

નવી દિલ્હી – તારીખ ૧૪ માર્ચ – ૨૦૨૪ : સુપ્રીમ કોર્ટે કોન્ટ્રાક્ટ કર્મચારીને મોટો ચુકાદો આપ્યો છે કે જો કોઈ વ્યક્તિ એક વર્ષ સુધી ગમે તે પદ સંભાળે છે અને કાયમી અધિકારીની જેમ કામ કરે છે, તો તેને નોકરીને કાયમી કરવાની ના પાડી શકાય નહીં. આ અંગે જસ્ટિસ પી.એસ. જસ્ટિસ નરસિમ્હા અને સંદીપ મહેતાની ખંડપીઠે જણાવ્યું હતું કે કાયમી અથવા એક વર્ષ સુધી કામ કરતા કોન્ટ્રાક્ટ કર્મચારીને કાયમી કરવા પડશે. સુપ્રીમ કોર્ટે જણાવ્યું હતું કે, બારમાસ – કાયમી પ્રકૃતિનું કામ કરવા માટે નિયુક્ત કામદારોને માત્ર કાયમી નોકરીના લાભોથી વંચિત રાખવા માટે કોન્ટ્રાક્ટ લેબર (રેગ્યુલેશન એન્ડ એબોલિશન) એક્ટ, ૧૯૭૦ હેઠળ કોન્ટ્રાક્ટ લેબર તરીકે ગણી શકાય નહીં. આ મહાનદી કોલફિલ્ડમાં કામ કરતા સફાઈ કામદારો સાથે જોડાયેલો મામલો છે. લાઈવ લોના અહેવાલ મુજબ જસ્ટિસ નરસિમ્હાએ પોતાના આદેશમાં હાઈકોર્ટ અને ઈન્ડસ્ટ્રીયલ ટ્રિબ્યુનલના નિર્ણયને યથાવત રાખ્યો છે, જેમાં રેલવે લાઈનની સફાઈ કરતા કામદારોને કોન્ટ્રાક્ટ કામદારોમાંથી હટાવીને કાયમી કામદારોનો દરજ્જો અને પગારનો લાભ આપવામાં આવ્યો હતો. અને ભથ્થા આપવાનો આદેશ આપવામાં આવ્યો હતો. સર્વોચ્ચ અદાલતે એ હકીકતને રેખાંકિત કરી હતી કે રેલવે લાઇન પરની ગંદકી દૂર કરવાનું કામ માત્ર રૂટિન જ નહીં, પણ બારમાસી અને કાયમી સ્વભાવનું છે. કોર્ટે કહ્યું કે આ કારણોસર કોન્ટ્રાક્ટ પર પુન:સ્થાપિત કરાયેલા કર્મચારીઓને કાયમી કરવામાં આવે.

contract employee regular in company after one 1 year automatically guideline by supreme court of india legal law job advocate legal matter and guidance

 

ગુજરાત પોલીસ સામે ફરિયાદ માટે હેલ્પલાઈન જાહેર કરવામાં આવી..

સામાન્ય રીતે જો આપણને કોઈ સમસ્યા અથવા કોઈ ત્રાસ આપતું હોય તો આપણે ૧૦૦ નંબર પર ફોન કરી પોલીસ સમક્ષ ફરિયાદ કરીએ છીએ. પરંતુ પોલીસ જ હેરાન કરતી હોય તો ફરિયાદ કરવી કોને..?? જો કે હવે આ સવાલનું નિવારણ લાવવા કેન્દ્ર સરકાર દ્વારા રાજ્ય સરકારને પોલીસ વિરુદ્ધ ફરિયાદ કરવા માટે ૧૪૪૪૯ નંબર આપવામાં આવ્યો છે. ગુજરાતના નાગરિકો હવે ગેરવર્તણૂકની જાણ કરવા અથવા કોઈપણ પોલીસ કર્મચારી વિશે ફરિયાદ કરવા માટે ૧૪૪૪૯ નંબર ડાયલ કરી શકે છે. હાઈકોર્ટના આદેશ અનુસાર ગુજરાત પોલીસ દ્વારા આ હેલ્પલાઈન સક્રિય કરવામાં આવી છે. પોલીસ સામેની કોઈ ફરિયાદ કરવી હોય તેના માટે આ નંબર પર કરી શકો છો. અન્ય હેલ્પલાઇનની જેમ આ હેલ્પલાઇન ૨૪x૭ કાર્યરત રહેશે. આ સાથે રાજ્ય સરકારે બીજા હેલ્પ લાઇન નંબર પણ કોર્ટ સમક્ષ જણાવ્યા છે, જે ટૂંક સમયમાં જાહેર કરવામાં આવશે.જો કે હાલમાં ૧૦૯૧ મહિલા હેલ્પલાઇન નંબર, ૧૦૬૪ ભ્રષ્ટાચાર નિવારણ માટે અત્યારે કાર્યરત છે. પોલીસ કન્ટ્રોલ રૂમ ૧૦૦ નંબર પર પણ મદદ મળી રહે છે. આ નંબર પર પોલીસ કર્મચારી વિશેની કોઈપણ ફરિયાદ સીધી ડીજીપી દ્વારા સ્થાપિત કંટ્રોલ રૂમમાં જશે, જે રાજ્ય પોલીસ વડા છે. હેલ્પલાઇન નંબર અને સંબંધિત વિશેષ કંટ્રોલ રૂમનું ડીજીપી (કાયદો અને વ્યવસ્થા) દ્વારા દેખરેખ રાખવામાં આવે છે.

complain againce police department gujarat 24×7 helpline number 14449 by gujarat government high court order

 

 

અધિકારીઓ મૌખિક આદેશ ન માને અને કાનૂન મુજબ કામ કરે : સુપ્રીમ કોર્ટ

નવી દિલ્હી તારીખ ૨૩ જાન્યુઆરી : અયોધ્યામાં ભગવાન શ્રીરામના ભવ્ય પ્રાણ પ્રતિષ્ઠા મહોત્સવનું જીવંત પ્રસારણ રોકવા માટે તામિલનાડુની રાજય સરકારે આપેલા મૌખિક આદેશ સામે સુપ્રીમ કોર્ટે આકરુ વલણ લેતા તમામ કેડરના અધિકારીઓને તાકીદ કરી હતી કે મૌખિક આદેશ નહી કાનૂન મુજબ જ તેઓએ કાર્ય કરવાનું રહેશે. સર્વોચ્ચ અદાલતના ન્યાયમૂર્તિ સંજીવ ખન્ના અને દિપાંકર દતાની ખંડપીઠે જણાવ્યું હતું કે અધિકારી કોઈપણ મૌખિક આદેશનું પાલન કરવા બંધાયેલો નથી. પુજા-અર્ચનામાં કે અયોધ્યામાં પ્રાણ પ્રતિષ્ઠા સમારોહના લાઈવ ટેલીકાસ્ટીંગ પર પણ કોઈ પ્રતિબંધ ન હોઈ શકે. જો કે અદાલત સમક્ષ એવી રજુઆત થઈ હતી કે સરકારે કોઈ લેખિત ને બદલે પોલીસ અને વહીવટીતંત્રને મૌખિક આદેશ આપીને આ પ્રકારના પ્રસારણને રોકયુ હતું પરંતુ સુપ્રીમકોર્ટે અધિકારીઓને મૌખિક આદેશ ન માનવા જણાવ્યું છે. (સૌજન્ય : સાંજ સમાચાર ૨૩ જાન્યુઆરી – ૨૦૨૪) government officer follow order and work as per law supreme court of india advocate lawyer legal guidance

જામીન અરજીઓનો ઝડપથી નિકાલ લાવવા સુપ્રીમ કોર્ટે અદાલતોને તાકીદ કરી..

supreme court of india

નવી દિલ્હી તારીખ ૧૮ ડિસેમ્બર : સુપ્રીમ કોર્ટે દેશની તમામ કોર્ટો અને હાઈકોર્ટોને જામીન અરજીઓનો ઝડપથી નિવેડો લાવવા તાકીદ કરી છે. સુપ્રીમ કોર્ટે દેશની તમામ કોર્ટો અને હાઈકોર્ટોને તાકીદ કરી હતી કે તેઓની કોર્ટોમાં કરાયેલી આગોતરા જામીન અરજીઓનો તાત્કાલીક ધોરણે હાથ ઉપર લઈ સુનાવણી કરવી અને તેનો જેમ બને તેમ ઝડપથી નિકાલ કરી દેવો કેમ કે આ એવી અરજીઓ હોય છે નાગરિકોની સ્વતંત્રતા સાથે સીધો સંબંધ ધરાવે છે. નકલી દસ્તાવેજો અને છેતરપીંડીની એક અરજીની સુનાવણી દરમ્યાન જસ્ટીસ સી.ટી.રવિકુમાર અને જસ્ટીસ સંજયકુમારની બેંચે તાજેતરમાં કરેલાં એક આદેશમાં કહ્યું હતું કે આ કોર્ટ પુનરોચ્ચાર કરવા સાથે ઠરાવે છે કે આગોતરા જામીનની અરજી કે અરજીઓ નાગરિકોની સ્વતંત્રતા સાથે સીધો સંબંધ ધરાવતી હોવાથી તેને જેમ બને તેમ જલ્દીથી બોર્ડ ઉપર લાવી તેનો નિકાલ કરી દેવો જોઈએ.

બેંચે એમ પણ કહ્યું હતું કે ૨૦૨૨ ની સાલમાં પણ દેશની આ સર્વોચ્ચ અદાલતે સમાન અભિપ્રાય ભારપૂર્વક વ્યક્ત કર્યો હતો અને આગોતરા જામીન અરજીઓને મોડેથી બોર્ડ ઉપર લેવાની અને લાંબા સમય સુધી તેનો નિકાલ નહીં કરવાની હાઈકોર્ટોની રીત-રસમ અને પદ્ધતિ પ્રત્યે ભારે નારાજગી વ્યક્ત કરી હતી. જુદી જુદી કોર્ટમાં આ પ્રકારની વારંવાર બની રહેલી ઘટનાઓના પરિપ્રેક્ષ્યમાં આ કોર્ટના રજિસ્ટ્રાર જનરલે દેશની તમામ કોર્ટો અને હાઈકોર્ટોને આ આદેશની એક નકલ મોકલી આપવી જેથી કરીને વિવિધ કોર્ટોમાં ઘણાં સમયથી પેન્ડીંગ રહેલી આગોતરા જામીન અરજીઓ ઝડપથી હાથ ધરાઈ છે કે નહી અને તેનો સત્વરે નિકાલ થયો છે કે નહીં તે બાબત સુનિશ્ર્ચિત કરી શકાય એમ બેંચે તેના ૧૧ ડિસેમ્બરે કરેલાં આદેશમાં કહ્યું હતું. (સૌજન્ય : સાંજ સમાચાર ૧૮ ડિસેમ્બર – ૨૦૨૩ ) legal and account legal information advocate lawyer bell application clear as soon as possible supremet court of india

કોઈની જાણ બહાર ફોનમાં રેકોર્ડિંગ કરવું ગુનો બને છે..

રાયપુર – તા ૧૫ ઓક્ટોબર – ૨૦૨૩ : હવે કોઈની જાણ બહાર મોબાઈલ ફોનમાં રેકોર્ડિંગ કરવું ભારે પડી શકે છે. જો તમે સામેનાં પક્ષની પરમિશન વગર કોલ રેકોર્ડ કરી રહ્યાં છો તો એ આઇટી એક્ટની કલમ ૭૨ અંતર્ગત ગુનો બને છે. હાઇકોર્ટે આ મામલે સુનાવણી કરતાં કહ્યું કે મોબાઈલ ફોન પર કોઈસાથે વાતચીત દરમિયાન જો કોઈ વ્યક્તિ બીજા પક્ષની મરજી વગર ફોન રેકોર્ડિંગ કરે છે તો એ પ્રાઈવસીનાં અધિકારનો ભંગ છે અને આઇટી એક્ટની કલમ ૭૨ અંતર્ગત અપરાધ છે. છત્તીસગઢ હાઇકોર્ટે એક ફેમિલી કોર્ટનો આદેશ રદ કરતા કહ્યું છે કે પતિ હોય કે પત્ની કોઈના મોબાઇલમાં થતી વાતચીત વ્યક્તિની જાણ બહાર રેકોર્ડ કરવી પ્રાઇવસીનું ઉલ્લંઘન છે. હાઇકોર્ટે કહ્યું છે કે વાતચીત રેકોર્ડ કરવી એ સંવિધાનનાં અનુચ્છેદ ૨૧ નું ઉલ્લંઘન છે. આ મામલો છત્તીસગઢના મહાસમુંદ જિલ્લાનો છે. જ્યાં પત્નીએ પતિ પાસેથી ભરણપોષણ ભથ્થું મેળવવા માટેની અરજી ફેમિલી કોર્ટમાં કરી હતી. પતિએ પત્નીની વાતચીત રેકોર્ડ કરી કોર્ટમાં પુરાવા તરીકે રજૂ કરી હતી જેમાં પતિએ પત્નીના ચારિત્ર્ય સામે આક્ષેપો મૂક્યાં હતા. જે બાદ પત્નીએ ફેમિલી કોર્ટના આ નિર્ણય સામે હાઈકોર્ટમાં અરજી કરી અને આદેશ રદ કરવાની માંગ કરી. હાઈકોર્ટે કહ્યું કે એવું લાગે છે કે અરજદાર પત્નીની વાતચીત તેની જાણ બહાર પતિએ ચુપચાપ રેકોર્ડ કરી છે. આ પ્રકારનું કૃત્ય બંધારણીય અધિકારોનું ઉલ્લંઘન કરે છે. ફેમિલી કોર્ટના નિર્ણયને રદ્દ કરી હાઇકોર્ટે જજ જસ્ટિસ રાકેશ મોહન પાંડેની સિંગલ બેન્ચે આદેશમાં કહ્યું કે જાણ કર્યા વગર ફોન કૉલ રેકોર્ડ કરવો એ પ્રાઈવસીનાં અધિકારનું ઉલ્લંઘન છે અને બંધારણની કલમ ૨૧ હેઠળ અરજદારના અધિકારોનું પણ ઉલ્લંઘન છે.

mobile phone call recording without permission prohibited and punishment crime under information technology act 72 indian pinal code 72 and 21 legal judgement by chhatisgadh high court india lawyer advocate legal guidance privacy matter

નિઃશુલ્ક કાનૂની સેવા અને સહાય માટે હેલ્પલાઈન નંબરનો સંપર્ક કરી શકાય છે..

law

ભારતના બંધારણમાં આપવામાં આવેલ અધિકારો મુજબ કાનૂની સેવા સત્તા મંડળ અધિનિયમ-૧૯૮૭ નો કાયદો સમાજના સામાન્ય વર્ગોને સમાન હક્કની રૃએ ન્યાય પૂરો પાડવાના આશયથી વિનામૂલ્યે કાનૂની સેવાઓ પૂરી પાડવા માટે અમલમાં છે. દરેક કક્ષાએથી વિનામૂલ્યે કાનૂની સેવાઓ પૂરી પાડવા દરેક કક્ષાએથી વિનામૂલ્યે કાનૂની સહાયનો વધુમાં વધુ વ્યક્તિઓને લાભ મળે અને આ જોગવાઈઓની વધુમાં વધુ વ્યક્તિઓને જાણ કરી શકાય તે માટે પ્રયત્નો કરવામાં આવે છે. આ પ્રયત્નના ભાગરૃપે નેશનલ લીગલ સર્વિસ ઓથોરીટી નવી દિલ્હી દ્વારા લીગલ એઈડ હેલ્પલાઈન નં ૧૫૧૦૦ કાર્યરત છે. આ લીગલ એઈડ હેલ્પ નંબર ઉપર દરેક વ્યક્તિને મફત અને સક્ષમ કાનૂની સલાહ મળી રહેશે તેમજ ટોલ ફ્રી નંબર ૧૮૦૦ ૨૩૩ ૭૯૬૬ ઉપર પણ મફત કાનૂની સહાય મળી શકે છે. જેનો દરેક લોકો લાભ લઇ શકે છે. legal advice and guidance for all indian people contact legal aid helpline new delhi by national legal service authority india

પોલીસ સ્ટેશનમાં વીડિયો રેકોર્ડિંગ કરવો ગુનો છે..??

પોલીસ સ્ટેશન સરકારી ગોપનિયતા અધિનિયમ અંતર્ગત સામેલ નથી : બોમ્બે હાઈકોર્ટ

નાગપુર – ઓક્ટોબર ૨૦૨૨ : બોમ્બે હાઈકોર્ટની નાગપુર બેન્ચે પોલીસ સ્ટેશનમાં વીડિયો રેકોર્ડિંગને ગુનો ન ગણવાની વાત સામે મુકી હતી. કોર્ટે કહ્યું કે પોલીસ સ્ટેશન અધિકૃત સિક્રેટ્સ એક્ટ હેઠળ નિર્ધારિત પ્રતિબંધિત સ્થળમાં સામેલ નથી તેથી તેની અંદર વીડિયો રેકોર્ડિંગને ગુના તરીકે વર્ગીકૃત કરી શકાય નહીં. કોર્ટે કહ્યું કે પોલીસ સ્ટેશન અધિકૃત સિક્રેટ્સ એક્ટ હેઠળ નિર્ધારિત પ્રતિબંધિત સ્થળમાં સામેલ નથી તેથી તેની અંદર વીડિયો રેકોર્ડિંગને ગુના તરીકે વર્ગીકૃત કરી શકાય નહીં. જસ્ટિસ મનીષ પીતાલે અને જસ્ટિસ વાલ્મિકી મેનેઝીસની ડિવિઝન બેન્ચે આ વર્ષે જુલાઈમાં રવીન્દ્ર ઉપાધ્યાય નામના વ્યક્તિ વિરુદ્ધ ઓફિશિયલ સિક્રેટ એક્ટ હેઠળ માર્ચ ૨૦૧૮ માં એક પોલીસ સ્ટેશનની અંદર વીડિયો રેકોર્ડ કરવા માટે નોંધાયેલા કેસને રદ કર્યો હતો. તેના આદેશમાં, બેન્ચે ઓફિશિયલ સિક્રેટ એક્ટ ની કલમ ૩ અને કલમ ૨ (૮) નો ઉલ્લેખ કર્યો હતો. જે પ્રતિબંધિત સ્થળોએ જાસૂસી સાથે કામ કરે છે. બેન્ચે નોંધ્યું હતું કે પોલીસ સ્ટેશન એ કાયદામાં ખાસ ઉલ્લેખિત પ્રતિબંધિત સ્થળ નથી. કોર્ટે કહ્યું કે ઓફિશિયલ સિક્રેટ એક્ટની કલમ ૨ (૮) માં આપવામાં આવેલી પ્રતિબંધિત જગ્યાની વ્યાખ્યા સુસંગત છે. આ એક સંપૂર્ણ વ્યાખ્યા છે જેમાં પોલીસ સ્ટેશનને એક સ્થળ અથવા સ્થાપના તરીકે સમાવતું નથી કે જેને પ્રતિબંધિત સ્થળ તરીકે ગણવામાં આવે. કોર્ટે તેમની સામે દાખલ ફરિયાદને નકારી દીધી હતી. (સૌજન્ય : અકિલા દૈનિક – તારીખ ૩૧ ઓક્ટોબર – ર૦રર) police station video recording is allowed legal judgment and guidence by nagpur bench bombay high court advocate lawyer gujarat india

ડ્રાઈવિંગ લાઈસન્‍સ એક્‍સપાયર થઈ ગયું હોય તો પણ મૃતકના પરિવારને વળતર ચુકવવું પડે..

નવસારી – તા ૫ ઓક્ટોબર : કોઈ વ્‍યક્‍તિનું ડ્રાઇવિંગ લાઈસન્‍સ એક્‍સપાયર થઈ ગયું હોય અને ત્‍યાર પછી તે વાહન હંકારતી વખતે અકસ્‍માતમાં મૃત્‍યુ પામે તો વળતર મળી શકે..?? હા કારણ કે લાઈસન્‍સ એક્‍સપાયર થઈ ગયું હોય તેનો અર્થ એવો નથી કે તેણે બેદરકારીભર્યું ડ્રાઈવિંગ કર્યું છે અથવા તેને ડ્રાઈવિંગ નથી આવડતું. નવસારી સ્‍થિત ગ્રાહક તકરાર નિવારણ પંચે આવો ચુકાદો આપીને એક એક્‍સિડન્‍ટના કેસમાં મૃતકના વારસદારને ૧૧.૨૫ લાખ રૂપિયાનો ક્‍લેમ ચુકવવા વીમા કંપનીને આદેશ આપ્‍યો છે. આ કેસમાં ૨૦૨૧માં એક એક્‍સિડન્‍ટમાં એક વ્‍યક્‍તિનું મોત થયું હતું જેના પુત્રને હવે ક્‍લેમની રકમ મળશે. કેસની વિગત એવી છે કે ૨ માર્ચ ૨૦૨૧ના રોજ વિજલપોર ખાતે ઈરુ રોડ પર લલ્લુભાઈ ટંડેલનું સ્‍કૂટર સ્‍લીપ થઈ ગયું હતું. ચાર અલગ અલગ હોસ્‍પિટલમાં સારવાર લીધા પછી ૨૮ માર્ચે તેમનું મૃત્‍યુ થયું હતું. તેમનો ડેથ ક્‍લેમ વીમા કંપની ન્‍યૂ ઈન્‍ડિયા એસ્‍યોરન્‍સ કંપનીએ રિજેક્‍ટ કરતા લલ્લુભાઈના પુત્ર દિવ્‍યેશ ટંડેલે ગ્રાહક તકરાર નિવારણ પંચમાં ફરિયાદ કરી હતી. લલ્લુભાઈએ ૧૫ લાખનો પર્સનલ એક્‍સિડન્‍ટ કવર લીધું હતું જે જૂન ૨૦૨૦થી એક વર્ષ માટે માન્‍ય હતું. દિવ્‍યેશે ક્‍લેમ કર્યો પરંતુ ૧૩ સપ્‍ટેમ્‍બર ૨૦૨૧ના રોજ વીમા કંપનીએ ક્‍લેમ રિજેક્‍ટ કરી દીધો.

વીમા કંપનીએ કહ્યું કે અકસ્‍માતમાં મૃત્‍યુ પામનાર લલ્લુભાઈનું ડ્રાઈવિંગ લાઈસન્‍સ ૧૪ મે ૨૦૧૮ના રોજ એક્‍સપાયર થઈ ગયું હતું. તેણે એમ પણ કહ્યું કે લલ્લુભાઈ બેદરકારી ભર્યું ડ્રાઇવિંગ કરતા હોવાથી તેમનો અકસ્‍માત થયો હતો. પરંતુ ગ્રાહક તકરાર નિવારણ પંચે આ દલીલ ઉડાવી દીધી છે અને કહ્યું છે કે ડ્રાઈવિંગ લાઈસન્‍સ એક્‍સપાયર થઈ ગયું હોય તેનો અર્થ એવો નથી કે મૃતકને વાહન ચલાવતા નહોતું આવડતું અથવા તેઓ બેફામ ડ્રાઈવિંગ કરતા હતા. વીમા કંપનીએ અગાઉના ચુકાદા ટાંકીને દલીલ કરી હતી કે મૃતક પાસે માન્‍યતા પ્રાપ્ત લાઈસન્‍સ હોત તો તે ક્‍લેમની રકમ મેળવવાને પાત્ર હોત. દિવ્‍યેશ ટંડેલના વકીલે કર્ણાટક હાઈકોર્ટના ચુકાદા ટાંકીને કહ્યું કે વીમા કંપનીએ લાઈસન્‍સ ચેક કરીને પછી જ વીમો ઈશ્‍યૂ કરવો જોઈએ. આ કિસ્‍સામાં વીમા કંપની આમ કરવામાં નિષ્‍ફળ ગઈ છે. મૃતક બેદરકારીભર્યું ડ્રાઈવિંગ કરવાથી દુર્ઘટનાનો ભોગ બન્‍યા છે તેવું દેખાડવા માટે કોઈ પૂરાવા આપી શકાયા નથી. એક ચુકાદામાં જણાવાયું છે કે ડ્રાઈવિંગ લાઈસન્‍સ ન હોય તો મૃતક ૭૫ ટકા જેટલી વીમાની રકમ મેળવવાને પાત્ર છે. ગ્રાહક તકરાર નિવારણ પંચે કહ્યું કે વીમા ધારક પાસે ડ્રાઈવિંગ લાઈસન્‍સ હોવું જોઈએ. આ કેસમાં મૃતક પાસે ડ્રાઈવિંગ લાઈસન્‍સ હતું જે મે ૨૦૧૮ પછી રિન્‍યુ થયું ન હતું. એટલે કે તે વ્‍યવસ્‍થિત ડ્રાઈવિંગ જાણતા હતા. તેથી દુર્ઘટના સમયે તેઓ બેદરકારીભર્યું ડ્રાઈવિંગ કરતા હતા તેમ કહી ન શકાય. તેના કારણે વીમા કંપનીએ મૃતકના પુત્રને ૧૧.૨૫ લાખની રકમ ૯ ટકા વ્‍યાજ સાથે ચુકવવી પડશે, તથા માનસિક સતામણીના વળતર તરીકે રૂ. ૫૦૦૦ ચુકવવા પડશે. (સૌજન્ય : અકિલા દૈનિક તા ૦૫ ઓક્ટોબર ર૦ર૩)

New india insurance company consumer court judgment for driving license accident claim navsari gujarat